विशेष प्रतिनिधी
पुणे: Gudi Padwa मराठी नववर्षाच्या शुभमुहूर्तावर साजऱ्या होणाऱ्या गुढीपाडवा निमित्त पुणे शहरात सोन्याच्या खरेदीसाठी नागरिकांनी मोठी गर्दी केल्याचे चित्र पाहायला मिळत आहे. पारंपरिकदृष्ट्या शुभ मानल्या जाणाऱ्या या दिवशी सोने खरेदी करण्याची प्रथा असल्याने शहरातील प्रमुख सराफा बाजार, मॉल्स आणि ज्वेलरी शोरूममध्ये सकाळपासूनच ग्राहकांची वर्दळ वाढलेली दिसून आली.Gudi Padwa
गेल्या काही आठवड्यांपासून आंतरराष्ट्रीय स्तरावर वाढलेल्या तणावाचा, विशेषतः आखाती भागातील परिस्थितीचा परिणाम सोन्याच्या दरांवर झाला होता. त्यामुळे सोन्याचे भाव सातत्याने वाढत होते. मात्र, मागील चार ते पाच दिवसांत सोन्याच्या दरात सुमारे ७०० ते ८०० रुपयांची घसरण झाल्याने ग्राहकांना दिलासा मिळाला आहे. याच पार्श्वभूमीवर गुढीपाडव्याच्या मुहूर्तावर खरेदीसाठी नागरिकांनी मोठ्या प्रमाणावर गर्दी केली.Gudi Padwa
पुण्यातील लक्ष्मी रोड, बुधवार पेठ, कर्वेनगर, पिंपरी-चिंचवड या भागातील सराफा दुकानांमध्ये विशेषतः दागिने, नाणी आणि बार खरेदीसाठी ग्राहकांची रांग लागलेली पाहायला मिळाली. अनेक ठिकाणी ग्राहकांना प्रतीक्षा करून खरेदी करावी लागत असल्याचेही दिसून आले.
ज्वेलर्सकडूनही या सणानिमित्त विविध ऑफर्स आणि मेकिंग चार्जमध्ये सवलती जाहीर करण्यात आल्या आहेत.
त्यामुळे मध्यमवर्गीय ग्राहकांनाही खरेदीसाठी प्रोत्साहन मिळाले आहे. काही ग्राहकांनी पुढील लग्नसमारंभ आणि गुंतवणुकीच्या दृष्टीने सोन्याची खरेदी केल्याचे सांगितले.
तज्ज्ञांच्या मते, आंतरराष्ट्रीय घडामोडींमुळे सोन्याच्या दरात चढ-उतार होत असले, तरी सणासुदीच्या काळात मागणी कायम राहते. पुढील काही दिवसांतही सोन्याच्या दरात बदल होण्याची शक्यता असल्याने ग्राहकांनी योग्य वेळी खरेदी करण्यावर भर दिला आहे.
एकूणच, गुढीपाडव्याच्या शुभमुहूर्तावर सोन्याच्या दरातील तात्पुरत्या घसरणीचा फायदा घेत पुणेकरांनी मोठ्या उत्साहात खरेदी केल्याचे चित्र शहरभर पाहायला मिळत आहे.
Gold prices soar on Gudi Padwa; Citizens flock to buy gold
महत्वाच्या बातम्या
- उन्हाळ्याच्या पार्श्वभूमीवर पाणीटंचाईचा प्रश्न गंभीर; अनेक भागांत कमी दाबाने पाणीपुरवठा
- भाजपचे मिशन तमिळनाडू, सुपरस्टार विजय यांना उपमुख्यमंत्रीपदाची ऑफर!
- Ambadas Danve ठोकून काढू, कापून टाकू’ म्हणत अंबादास दानवे यांना जीवे मारण्याची धमकी
- कृत्रिम बुद्धिमत्तेमुळे सार्वजनिक आरोग्य सेवांना मिळणार नवे बळ, मुख्यमंत्र्यांचा विश्वास
