विशेष प्रतिनिधी
पुणे : एरोनॉटिकल सोसायटी ऑफ इंडिया, पुणे आणि प्रख्यात एरो मॉडेलर माधव खरे यांच्या संयुक्त विद्यमाने ‘सायन्स ऑफ फ्लाईट’ या विशेष प्रदर्शनाचे आयोजन करण्यात आले असून, या प्रदर्शनाचे उद्घाटन आज (दि. २७ मार्च २०२६) सकाळी १० वाजता पाषाण येथील AROMI येथे झाले. दोन दिवस चालणाऱ्या या प्रदर्शनातून उड्डाण विज्ञानाचा इतिहास, त्यामागील तत्त्वे आणि आधुनिक तंत्रज्ञानाचा सखोल परिचय नागरिकांना मिळणार आहे. Science of Flight
‘सायन्स ऑफ फ्लाईट’ या प्रदर्शनामध्ये प्राचीन काळातील उड्डाणाच्या संकल्पनांपासून ते आजच्या अत्याधुनिक विमाननिर्मितीपर्यंतचा प्रवास अत्यंत आकर्षक आणि चित्रमय पद्धतीने मांडण्यात आला आहे. मानवी उड्डाणाच्या स्वप्नाची सुरुवात कशी झाली, त्यासाठी कोणकोणते प्रयोग करण्यात आले, तसेच कालांतराने विमानतंत्रज्ञानात कशाप्रकारे प्रगती झाली, याचे सविस्तर दर्शन या प्रदर्शनातून घडणार आहे.
- तालिका सभापती परिस्थिती बघून निर्देश देऊ शकतात, पण ते ब्रह्मवाक्य नाही, मुख्यमंत्र्यांनी केले स्पष्ट
या प्रदर्शनातील मुख्य आकर्षण म्हणजे विविध प्रकारच्या विमानांच्या प्रतिकृती (मॉडेल्स) होय. या मॉडेल्सद्वारे विमानांची रचना, त्यांची कार्यपद्धती आणि उड्डाणामागील वैज्ञानिक तत्त्वे प्रत्यक्ष अनुभवता येणार आहेत. तसेच, एरोडायनॅमिक्ससारख्या संकल्पना सोप्या पद्धतीने समजावून सांगणारे माहितीफलक, दृश्य सादरीकरणे आणि इंटरअॅक्टिव्ह व्हिज्युअल्स यामुळे हे प्रदर्शन अधिकच रोचक ठरणार आहे.
याशिवाय, प्रदर्शनामध्ये उड्डाणाच्या विज्ञानाशी संबंधित विविध माहितीपट, चार्ट्स आणि सादरीकरणे ठेवण्यात आली आहेत. त्यामुळे विद्यार्थी, विज्ञानप्रेमी आणि सर्वसामान्य नागरिकांना विमानशास्त्राची ओळख करून घेण्यास मदत होणार आहे. विशेषतः विज्ञान विषयात रुची असलेल्या विद्यार्थ्यांसाठी हे प्रदर्शन प्रेरणादायी ठरणार असून, एरोनॉटिक्स क्षेत्रातील करिअरच्या संधींबाबत जागरूकता निर्माण करण्याचा प्रयत्न आयोजकांनी केला आहे.
आयोजकांनी सांगितले की, विज्ञान आणि तंत्रज्ञानाबाबतची आवड वाढवणे, नव्या पिढीला संशोधन आणि नवकल्पनांकडे वळवणे हा या प्रदर्शनामागील प्रमुख उद्देश आहे. त्यामुळे शालेय व महाविद्यालयीन विद्यार्थ्यांनी मोठ्या संख्येने या प्रदर्शनाला भेट द्यावी, असे आवाहन करण्यात आले आहे.
२७ आणि २८ मार्च या दोन दिवसांत सकाळपासून संध्याकाळपर्यंत हे प्रदर्शन सर्वांसाठी खुले राहणार असून, पुणेकरांसाठी विज्ञान आणि तंत्रज्ञानाची ही एक अनोखी मेजवानी ठरणार आहे. या प्रदर्शनाला मोठा प्रतिसाद मिळेल, अशी अपेक्षा आयोजकांनी व्यक्त केली आहे.
‘Science of Flight’ Exhibition Inaugurated in Pune
महत्वाच्या बातम्या
- Mandatory PNG Shift : सुविधेच्या ठिकाणी पीएनजी जोडणी घ्यावीच लागणार; एलपीजीवरील ताण कमी करण्यासाठी निर्णय
- देशात अनेक शहरांमध्ये इंधनासाठी रांगा; पण प्रत्यक्षात देशात इंधनाचा पुरेसा साठा; मोदी सरकारचा खुलासा
- Amid West Asia : एप्रिलमध्ये रशियाकडून 6 कोटी बॅरल कच्चे तेल खरेदी करेल भारत; सवलतीऐवजी प्रीमियमवर मिळेल
- कुटुंब टिकले तरच धर्म आणि राष्ट्र टिकेल, समाज सुरक्षित राहील; पुण्यातल्या कोथरूड मधल्या विराट संमेलनात एकमुखी सूर
