विशेष प्रतिनिधी
मुंबई : ऑरेंज इकॉनॉमी’ म्हणजेच सर्जनशील अर्थव्यवस्थेचा जीडीपीतील वाटा आगामी काळात मोठ्या प्रमाणात वाढू शकतो. ही भारताच्या सर्वसमावेशक आणि शाश्वत विकासाची पुढचे इंजिन ठरेल. ऑरेंज इकॉनॉमी’ म्हणजे केवळ संस्कृती नव्हे तर भांडवल असल्याचे प्रतिपादन पंतप्रधान नरेंद्र माेदी यांनी केले.
मुंबई येथे झालेल्या वेव्हज या पहिल्या जागतिक सर्जनशील अर्थव्यवस्था परिषदेत पंतप्रधान नरेंद्र मोदी बाेलत हाेते. भारतातील पहिल्या चित्रपट ‘राजा हरिश्चंद्र’च्या ११२व्या वर्धापनदिनाचे औचित्य साधत पंतप्रधान म्हणाले,भारतीय चित्रपटांनी भारताच्या कथा जगभर पोहोचवल्या. ओटीटी आणि मोबाईलमुळे स्क्रीन छोटी होत असली संधी मात्र अमर्याद आहेत. भारताचे ओटीटी क्षेत्र गेल्या काही वर्षांत १० पट वाढले आहे. भारत सध्या चित्रपटनिर्मिती, डिजिटल कंटेंट, गेमिंग आणि फॅशनसाठी जागतिक हब म्हणून उदयास येतो आहे. “$४३० अब्ज डॉलर्सच्या अ‍ॅनिमेशन मार्केटमध्ये पुढील दशकात दुहेरी वाढ अपेक्षित आहे. ही संधी आपली आहे.
भारतातील सर्जनशील अर्थव्यवस्था सध्या $३० अब्ज इतका जीडीपीमध्ये वाटा देत असून, देशातील ८% लोकसंख्या या क्षेत्रात कार्यरत आहे. दरवर्षी $११ अब्जहून अधिक सर्जनशील वस्तू आणि सेवा निर्यात होतात. यूट्यूबसारख्या प्लॅटफॉर्ममुळे ग्रामीण आणि लहान शहरातील कलाकारही आता जागतिक प्रेक्षकांपर्यंत पोहोचू लागले आहेत. सरकारने $१ अब्ज डॉलरचा ‘क्रिएटिव इकॉनॉमी फंड’ जाहीर केला असून, मुंबईत ‘इंडियन इन्स्टिट्यूट ऑफ क्रिएटिव टेक्नॉलॉजी’ (IICT) स्थापन केली जात आहे. येथे नव्या पिढीला AR/VR, ब्लॉकचेन-आधारित कला संरक्षण, अ‍ॅनिमेशन, ग्राफिक डिझाईन, गेम डेव्हलपमेंट आदी सर्जनशील कौशल्ये दिली जाणार आहेत, असे त्यांनी सांगितले.
पंतप्रधान मोदी म्हणाले, “सर्जनशील अर्थव्यवस्था केवळ संस्कृती टिकवण्यापुरती मर्यादित नाही, ती भारताचे ‘सॉफ्ट पॉवर’ आणि ‘इकोनॉमिक पॉवर’ दोन्ही ठरणार आहे. हे केवळ कला नव्हे तर भांडवल आहे!” तथापि, कमकुवत बौद्धिक संपदा (IP) संरक्षण, ग्रामीण भागातील इंटरनेटचा अभाव, आणि औपचारिक आर्थिक साहाय्याची मर्यादा ही आव्हाने कायम आहेत. पण गती घेतली आहे, आता थांबण्याचा प्रश्नच नाही.
Orange Economy means not only culture but capital! Narendra Modi statement at the Waves conference
महत्वाच्या बातम्या
- Narhari Zirwal लाडक्या बहिणी 1500 रुपयांत खुश, 2100 रुपये देऊ असे कुणीच म्हटले नाही, नरहरी झिरवाळ यांचा दावा
- Bopdev Ghat : बोपदेव घाट सामूहिक बलात्कार प्रकरणातील आरोपीला अटक
- Devendra Fadnavis : शहरांचा चेहरा बदलल्यास ५० टक्के लोकसंख्येला उत्तम जीवन, मुख्यमंत्री देवेंद्र फडणवीस यांचे प्रतिपादन
- Devendra Fadnavis : महाराष्ट्रात एकही पाकिस्तानी नागरिक राहणार नाही , मुख्यमंत्री देवेंद्र फडणवीस यांची माहिती
