भारतासाठी गुड न्यूज, भारतीय अर्थव्यवस्था वेगाने वाढत राहण्याचा अंदाज

विशेष प्रतिनिधी

नवी दिल्ली: भारतीय अर्थव्यवस्था जगातील सर्वात वेगाने वाढणारी अर्थव्यवस्था आहे असे प्रशस्तीपत्र देत मॉर्गन स्टॅनलीच्या जागतिक गुंतवणूक समितीने (GIC) भारतावर विश्वास व्यक्त करत जागतिक मंदी असूनही वाढ कायम राहील अशी आशा व्यक्त केली आहे. चीनच्या अर्थव्यवस्थेबद्दल मात्र या अहवालात नकारात्मक चित्र आहे.

मॉर्गन स्टॅनलीने चौथ्या तिमाहीच्या आधारे २०२५ मध्ये भारताचा नाममात्र जीडीपी (सकल देशांतर्गत उत्पादन) विकास दर ५.९ टक्के राहण्याचा अंदाज व्यक्त केला आहे. यासोबतच, जागतिक गुंतवणूक फर्मने आशा व्यक्त केली आहे की भारत जगातील सर्व लहान आणि मोठ्या देशांमध्ये सर्वात वेगाने वाढणारी अर्थव्यवस्था म्हणून आपले स्थान कायम ठेवेल. अहवालात आर्थिक वर्ष २६ मध्ये भारताचा जीडीपी विकास दर ६.४ टक्के राहण्याचा अंदाज आहे, ज्यामुळे तो या शर्यतीत पुढे राहील.

अजित पवार आणि संजय शिरसाट यांच्यात समेट; निधी वाटपावरून निर्माण झालेला वाद मिटला

मॉर्गन स्टॅनलीने आपल्या अहवालात भारतावर विश्वास व्यक्त केला आहे आणि म्हटले आहे की जागतिक मंदीच्या वाढत्या धोक्यातही भारतीय अर्थव्यवस्था वेगाने वाढत राहील. जागतिक अर्थव्यवस्थेच्या दृष्टिकोनात असे म्हटले आहे की जागतिक आर्थिक वाढीमध्ये घट होण्याची शक्यता आहे.

अंदाजित आकडेवारी जाहीर करताना, अहवालात म्हटले आहे की आर्थिक वर्ष २०२५ मध्ये नाममात्र जागतिक जीडीपी २.५ टक्क्यांपर्यंत घसरण्याची अपेक्षा आहे, जो आर्थिक वर्ष २०२४ मध्ये ३.५ टक्के होता.

मंदीच्या सावटाखाली जगातील अनेक अर्थव्यवस्थांवर वाईट परिणाम होत असल्याने, अहवालात म्हटले आहे की बहुतेक अर्थव्यवस्था संभाव्य वाढीच्या पातळीपेक्षा खाली जातील आणि जागतिक अर्थव्यवस्थेतील घसरणीमागील प्रमुख घटक म्हणजे अमेरिकेचे व्यापार धोरण तसेच त्यातून उद्भवणारी अनिश्चितता. अमेरिकेसाठी, मॉर्गन स्टॅनली म्हणतात की अमेरिकेचा नाममात्र जीडीपी वाढ दर आर्थिक वर्ष २४ मध्ये २.५ टक्क्यांवरून आर्थिक वर्ष २०२५ आणि आर्थिक वर्ष २६ मध्ये फक्त १ टक्क्यांपर्यंत खाली येईल.

अमेरिकेतील विकास दरात घट होण्याची शक्यता व्यक्त केली असताना, चीनबद्दल असे काही म्हटले आहे जे ड्रॅगनला चिडवेल. अमेरिकन टॅरिफमुळे, चीनची अर्थव्यवस्था मंदीत जाण्याची शक्यता आहे आणि आर्थिक वर्ष २०२४ च्या तुलनेत आर्थिक वर्ष २५ मध्ये वास्तविक विकास दरात सुमारे ०.५ टक्के घट होऊ शकते. ताज्या अंदाजानुसार, चीनचा वास्तविक जीडीपी वाढ २०२५ मध्ये ४.० टक्के आणि २०२६ मध्ये ४.२ टक्के असेल.

भारतासाठी गुड न्यूज, भारतीय अर्थव्यवस्था वेगाने वाढत राहण्याचा अंदाज