निवडणूक आयोगाची प्रतिमा मलिन करण्याचा प्रयत्न योग्य नाही, निवडणूक आयुक्तांनी राहुल गांधींना सुनावले

विशेष प्रतिनिधी

नवी दिल्ली: आमच्यासाठी कोणताही सत्ताधारी पक्ष किंवा विरोधी पक्ष नाही. सर्व राजकीय पक्ष समान आहेत. चौकशीशिवाय मतदार यादीबद्दल जनतेमध्ये गोंधळ निर्माण करणे आणि भारतीय निवडणूक आयोगाची प्रतिमा मलिन करण्याचा प्रयत्न करणे योग्य नाही, अशा शब्दांत मुख्य निवडणूक आयुक्त ज्ञानेश कुमार यांनी काँग्रेस नेते राहुल गांधी यांनी सुनावले. Rahul Gandhi

निवडणूक आयोगाने नवी दिल्लीतील राष्ट्रीय मीडिया सेंटरमध्ये पत्रकार परिषदेत मुख्य निवडणूक आयुक्त म्हणाले, जर त्रुटी दूर करण्यासाठी अर्ज वेळेवर केला गेला नाही आणि नंतर मत चोरीसारखे चुकीचे शब्द वापरून जनतेची दिशाभूल केली गेली तर हा लोकशाहीचा अपमान आहे. काही मतदारांनी मत चोरीचे आरोप केले, पुरावे मागितल्यावरही उत्तर मिळाले नाही. निवडणूक आयोग अशा आरोपांना घाबरत नाही.

ज्ञानेश कुमार म्हणाले, जेव्हा निवडणूक आयोगाच्या खांद्यावर बंदूक ठेवून मतदारांना लक्ष्य केले जात आहे, तेव्हा आम्ही हे स्पष्ट करतो की निवडणूक आयोग निर्भयपणे गरीब, श्रीमंत, वृद्ध, महिला, तरुण आणि सर्व धर्म आणि वर्गातील लोकांसोबत दगडासारखे उभे आहे, उभे होते आणि उभे राहील.

Devendra Fadnavis : महादेवीला परत आणण्यासाठी सर्व कायदेशीर पर्याय तपासणार, मुख्यमंत्री देवेंद्र फडणवीस यांचे आश्वासन

ज्ञानेश कुमार म्हणाले की, चौकशीशिवाय मतदार यादीबद्दल जनतेमध्ये गोंधळ निर्माण करणे आणि भारतीय निवडणूक आयोगाची प्रतिमा मलिन करण्याचा प्रयत्न करणे योग्य नाही. मतदार सेवा पोर्टल किंवा मतदार हेल्पलाइन अ‍ॅपवर मतदाराचे नाव आणि नातेवाईकांचे नाव टाकल्यावर कोणत्याही विधानसभेतील त्या नावाच्या सर्व मतदारांची माहिती दिसते. याचा अर्थ असा नाही की, ही सर्व माहिती एकाच मतदाराची आहे. फुलपूर लोकसभा मतदारसंघात समाविष्ट असलेल्या अलाहाबाद पश्चिम-261 विधानसभा मतदारसंघातील संदीप यांचा मुलगा गुलाब नावाच्या व्यक्तीकडे 7 वेगवेगळी मतदार कार्ड असल्याचा आरोप निराधार आहे. कारण ही सर्व मतदार कार्ड संदीप नावाच्या वेगवेगळ्या व्यक्तींची आहेत आणि त्यांचे फोटो, नातेवाईकांची नावे आणि घराचे पत्ते देखील वेगवेगळे आहेत, अशी माहिती निवडणूक आयोगाने दिली.

राहुल गांधी यांनी निवडणूक आयोगावर मत चोरीचा आरोप केला होता. ते म्हणाले होते की, ‘मतांची चोरी होत आहे. निवडणूक आयोग या चोरीत सहभागी आहे याचे पुरावे आमच्याकडे आहेत. ते भाजपसाठी हे करत आहेत. महाराष्ट्राचे निकाल पाहिल्यानंतर आमच्या संशयाची पुष्टी झाली की निवडणूक चोरी झाली आहे. मशीन रीडेबल मतदार यादी न दिल्याने आम्हाला खात्री पटली की निवडणूक आयोगाने भाजपशी संगनमत करून महाराष्ट्र निवडणूक चोरी केली आहे. आम्ही येथे मत चोरीचे एक मॉडेल सादर केले. मला वाटते की हे मॉडेल देशातील अनेक लोकसभा आणि विधानसभा जागांवर वापरले गेले.

Election Commissioner tells Rahul Gandhi

महत्वाच्या बातम्या

निवडणूक आयोगाची प्रतिमा मलिन करण्याचा प्रयत्न योग्य नाही, निवडणूक आयुक्तांनी राहुल गांधींना सुनावले