विशेष प्रतिनिधी
नवी दिल्ली : Amit Shah केंद्रीय गृहमंत्री अमित शहा यांनी आपल्या अधिकृत डिजिटल संवाद प्रणालीत मोठा बदल जाहीर केला आहे. सोशल मीडिया ‘एक्स’ (माजी ट्विटर) वरून त्यांनी कळवले की त्यांनी आता आपला अधिकृत ईमेल पत्ता भारतीय ईमेल सेवा प्रदाता ‘झोहो मेल’ वर हलवला आहे. Amit Shah
शहा यांनी आपल्या पोस्टमध्ये लिहिले आहे, “नमस्कार सर्वांना, मी माझा ईमेल पत्ता ‘झोहो मेल’वर बदलला आहे. कृपया लक्षात घ्या की माझा नवीन ईमेल पत्ता आहे amitshah.bjp@zohomail.in. भविष्यातील सर्व पत्रव्यवहारासाठी हा नवीन पत्ता वापरावा. आपले सहकार्याबद्दल आभार.”
‘झोहो मेल’ ही भारतीय सॉफ्टवेअर कंपनी झोहो कॉर्पोरेशनची निर्मिती असून, ती जाहिरातमुक्त, सुरक्षित आणि गोपनीयतेवर आधारित ईमेल सेवा म्हणून ओळखली जाते. यात एन्क्रिप्टेड कम्युनिकेशन, प्रॉडक्टिव्हिटी टूल्सशी एकत्रीकरण, आणि वापरण्यास सुलभ इंटरफेस अशा सुविधा उपलब्ध आहेत.
शहा यांनी घेतलेल्या या निर्णयामुळे भारतीय डिजिटल प्लॅटफॉर्मच्या वापराला प्रोत्साहन मिळणार आहे. यामुळे सरकारी अधिकाऱ्यांनी परदेशी तंत्रज्ञानाऐवजी स्वदेशी पर्यायांचा अवलंब करण्याची दिशा मिळाली आहे.
यापूर्वी केंद्रीय माहिती व प्रसारण, रेल्वे आणि इलेक्ट्रॉनिक्स व आयटी मंत्री अश्विनी वैष्णव यांनीदेखील ‘झोहो’चा अवलंब केला होता. त्यांनी ट्विट करून सांगितले होते, “मी ‘झोहो’वर – आपल्या स्वदेशी प्लॅटफॉर्मवर जात आहे. दस्तऐवज, स्प्रेडशीट्स आणि प्रेझेंटेशन्ससाठी याचा वापर करणार आहे. पंतप्रधान नरेंद्र मोदीजींच्या ‘स्वदेशीचा स्वीकार’ या आवाहनाला प्रतिसाद देऊन सर्वांनी स्वदेशी उत्पादने आणि सेवा वापराव्यात.”
Hello everyone,
I have switched to Zoho Mail. Kindly note the change in my email address.
My new email address is amitshah.bjp @ https://t.co/32C314L8Ct. For future correspondence via mail, kindly use this address.
Thank you for your kind attention to this matter.
— Amit Shah (@AmitShah) October 8, 2025
तंत्रज्ञान क्षेत्रातील तज्ज्ञांच्या मते, अशा उपक्रमांमुळे ‘आत्मनिर्भर भारत’ या पंतप्रधान नरेंद्र मोदी यांच्या दूरदृष्टीच्या संकल्पनेला बळ मिळते. देशाच्या डिजिटल सार्वभौमत्वाला चालना देण्यासाठी आणि डेटा सुरक्षेला प्राधान्य देण्यासाठी ही महत्त्वपूर्ण पावले ठरत आहेत.
शहा आणि वैष्णव यांच्या निर्णयामुळे सरकारी विभागांसोबतच खासगी क्षेत्रातही स्वदेशी डिजिटल प्लॅटफॉर्म वापरण्याचा नवा ट्रेंड सुरू होण्याची शक्यता व्यक्त केली जात आहे.
Amit Shah’s official email is now on Zoho, giving a boost to the ‘Self-reliant India’ campaign
महत्वाच्या बातम्या
- Vijay Vadettiwar : काॅंग्रेसवर टीका करणाऱ्या जरांगे पाटील यांचा बोलवता धनी कोण? विजय वडेट्टीवार यांचा सवाल
- Devendra Fadnavis : शेतकऱ्याला पुन्हा उभे करण्यासाठी मुख्यमंत्री देवेंद्र फडणवीस यांच्याकडून माेठ्या पॅकेजची घाेषणा
- नवी मुंबई आंतरराष्ट्रीय विमानतळामुळे पुणेकरांसाठी नव्या संधींचे द्वार , मुरलीधर मोहोळ यांचे प्रतिपादन
- बनावट पासपोर्ट प्रकरणी नीलेश घायवळसह काढून देण्यासाठी मदत करणाऱ्या दोघांविरुद्धही गुन्हा
