विशेष प्रतिनिधी
नवी दिल्ली : अन्न सुरक्षा व मानके प्राधिकरणाने, FSSAI, 14 आणि 15 ऑक्टोबरला काढलेल्या आदेशांत स्पष्ट केले की WHO मान्य फॉर्म्युला नसेल तर कुठल्याही पेयावर ORS हा शब्द वापरता येणार नाही. ट्रेडमार्कमध्ये प्रेफिक्स किंवा सफिक्स लावूनही ORS लिहिण्यास बंदी आहे. आधीची, “हे WHO शिफारस केलेले ORS नाही” अशी डिस्क्लेमर देऊन ORS वापरण्याची परवानगी तत्काळ प्रभावाने रद्द केली आहे.
FSSAIचे म्हणणे आहे की फळ पेय, नॉन कार्बोनेटेड वा रेडी-टू-ड्रिंक ड्रिंक्स यांवर ORS लिहिणे गैरसमज पसरवते. हे Food Safety and Standards Act, 2006 व संबंधित नियमांचे उल्लंघन आहे. सर्व FBOंना, फूड बिझनेस ऑपरेटर्स, लेबलवरील ORS शब्द हटवण्याचे निर्देश देण्यात आले आहेत. 8 एप्रिल 2022 चा भुलवणाऱ्या जाहिरातींवर निर्बंध घालणारा निर्देशही कायम आहे.
हैदराबादच्या डॉ. शिवरांजनी संतोष यांनी आठ वर्षे खोट्या ORS ब्रँडिंगविरोधात मोहिम चालवली. उच्च साखर असलेली पेयं ORS म्हणून विकली गेल्याने बालकांचे जुलाब वाढतात, मधुमेह रुग्णांची तब्येत बिघडते असे त्यांनी दाखवून दिले. त्यांच्या प्रयत्नांनंतरच FSSAIने दिशानिर्देश कडक केले.
तज्ञांच्या मते जुलाबात शरीरातील पाणी आणि इलेक्ट्रोलाइट्सचे संतुलन महत्त्वाचे असते. जास्त साखर हे संतुलन बिघडवते. त्यामुळे डिहायड्रेशन वाढते, काहीवेळा DKA सारखे गुंतागुंतीचे परिणाम दिसतात.
खरे ORS कसे ओळखाल
WHO फॉर्म्युला: 1 लिटर पाण्यात सुमारे 13.5 ग्रॅम ग्लुकोज, 2.6 ग्रॅम सोडियम क्लोराईड, 1.5 ग्रॅम पोटॅशियम क्लोराईड, 2.9 ग्रॅम सोडियम सिट्रेट. एकूण ऑस्मोलॅरिटी 245 mOsm/L.
लेबलवर अतिरिक्त फ्लेव्हर्स, हर्बल मिक्सेस, स्पिरुलिना, जास्त साखर असेल तर सावध राहा.
WHO मान्य सॅशे औषध दुकानदाराकडून घ्या. स्वतः बनवत असाल तर 1 लिटर स्वच्छ पाण्यात 6 चमचे साखर + अर्धा चमचा मीठ. अधिक काही घालू नका.
ORS नावाचा वापर थांबवा हा आदेश सर्व कंपन्यांना लागू.
लेबलिंग आणि जाहिरातींवर गैरभ्रामक दावे टाळणे बंधनकारक.
नियमभंग झाल्यास कडक कारवाई होणार.
Now sugar water will not be sold under the name ‘ORS’, only products that match the WHO formula will be labeled ORS
महत्वाच्या बातम्या
- Vijay Vadettiwar : काॅंग्रेसवर टीका करणाऱ्या जरांगे पाटील यांचा बोलवता धनी कोण? विजय वडेट्टीवार यांचा सवाल
- Devendra Fadnavis : शेतकऱ्याला पुन्हा उभे करण्यासाठी मुख्यमंत्री देवेंद्र फडणवीस यांच्याकडून माेठ्या पॅकेजची घाेषणा
- नवी मुंबई आंतरराष्ट्रीय विमानतळामुळे पुणेकरांसाठी नव्या संधींचे द्वार , मुरलीधर मोहोळ यांचे प्रतिपादन
- बनावट पासपोर्ट प्रकरणी नीलेश घायवळसह काढून देण्यासाठी मदत करणाऱ्या दोघांविरुद्धही गुन्हा
