विशेष प्रतिनिधी
नवी दिल्ली: सर्वोच्च न्यायालयाने सोमवार (२७ ऑक्टोबर) रोजी मुख्य न्यायाधीश बी. आर. गवई यांच्यावर बूट फेकणाऱ्या दलित वकील राकेश किशोर यांच्याविरुद्ध फौजदारी अवमान कारवाई (criminal contempt) सुरू करण्यास नकार दिला. Supreme Court
ही बाब न्यायमूर्ती सुर्यकांत आणि जॉयमल्या बागची यांच्या खंडपीठासमोर आली होती. सुनावणीदरम्यान न्यायालयाने स्पष्ट केले की अशा प्रकारच्या घटनांना अनावश्यक प्रसिद्धी देणे योग्य ठरणार नाही.
न्यायमूर्ती सुर्यकांत म्हणाले, “आपण या घटनेचा निश्चितच विचार करू आणि भविष्यात अशा घटना टाळण्यासाठी काही मार्गदर्शक तत्त्वे (guidelines) तयार करण्याचा विचार करीत आहोत. मात्र, एका व्यक्तीला अवाजवी प्रसिद्धी दिल्यास त्याचा महिमामंडन होईल.”
न्यायमूर्ती जॉयमल्या बागची यांनी सांगितले की, “बूट फेकणे किंवा न्यायालयात घोषणाबाजी करणे ही न्यायालयाचा प्रत्यक्ष अवमान करणारी कृती आहे. अशा वेळी संबंधित न्यायाधीशावर अवलंबून असते की त्यांनी अवमानाची कारवाई सुरू करावी की नाही. या प्रकरणात मुख्य न्यायाधीशांनी मोठेपण दाखवत ही घटना दुर्लक्षित केली.” खंडपीठाने नमूद केले की या प्रकरणाचा “नैसर्गिक शेवट” व्हावा आणि आरोपीस अनावश्यक महत्त्व देऊ नये.
६ ऑक्टोबर रोजी, ७१ वर्षीय वकील राकेश किशोर यांनी सर्वोच्च न्यायालयाच्या खुल्या सुनावणीदरम्यान सीजेआय गवईंवर बूट फेकला. सुरक्षा कर्मचाऱ्यांनी त्यांना बाहेर काढताना ते “सनातनचा अपमान सहन करणार नाही!” अशा घोषणा देत होते.
सीजेआय गवईंनी मध्य प्रदेशातील खजुराहो येथील जवारि मंदिरातील भगवान विष्णूच्या भग्न मूर्तीच्या पुनर्स्थापनेवरील याचिका फेटाळताना देवतांचा उल्लेख करत टिप्पणी केली होती. त्यावेळी त्यांनी अर्जदाराला म्हटले होते, “तुम्ही विष्णूचे भक्त आहात, तर देवतेला स्वतःच काही करण्यास सांगा. प्रार्थना करा.”
या वक्तव्यामुळे धार्मिक भावना दुखावल्याचा आरोप होत असून, त्यानंतर संतापलेल्या राकेश किशोर यांनी सर्वोच्च न्यायालयात ही अत्यंत नाट्यमय कृती केली होती.
सर्वोच्च न्यायालयाच्या निर्णयानंतर आता ही बाब “अवमान नव्हे तर दुर्लक्ष करण्याजोगी घटना” म्हणून बंद मानली जाणार असून, न्यायालय लवकरच अशा घटनांना आळा घालण्यासाठी नवीन मार्गदर्शक तत्त्वे तयार करणार आहे.
Supreme Court Refuses to Initiate Contempt Action Against Dalit Lawyer Who Threw Shoe at CJI Gavai
महत्वाच्या बातम्या
- महिला डॉक्टरची आत्महत्या नसून संस्थात्मक हत्या, राहुल गांधी यांचा आरोप
- धंगेकर अन्यायविरोधात लढणारा कार्यकर्ता, पण आपल्याला महायुतीत दंगा नको, एकनाथ शिंदे यांची भूमिका
- मुरलीधर मोहोळांनी विशाल गोखलेंसाठी केला पदाचा गैरवापर, १९७ कोटींचा हवाई घोटाळ्याचा रवींद्र धंगेकरांचा आरोप
- पुण्यात जमिनीचा मोठा धिंगाणा, मुरलीधर मोहोळ यांच्या मंत्रिपदाचा राजीनामा घेण्याची विजय वडेट्टीवार यांची मागणी
