विशेष प्रतिनिधी
पाटणा : बिहारमधील पटना जिल्ह्यातील मोकामा परिसरात प्रशांत किशोर यांच्या जनसुराज पक्षाच्या कार्यकर्त्याची गोळ्या घालून हत्या झाल्याने राज्यातील राजकारणात खळबळ उडाली आहे. ही घटना गुरुवारी निवडणूक प्रचारादरम्यान घडली असून, दुलारचंद यादव असे मृत कार्यकर्त्याचे नाव आहे. निवडणुकीच्या पार्श्वभूमीवर ही घटना घडल्याने राजकीय वातावरण चांगलेच तापले आहे. Prashant Kishor
पोलिसांनी दिलेल्या माहितीनुसार, यादव हे जनसुराज पक्षाचे उमेदवार पियूष प्रियदर्शी यांच्या प्रचारासाठी गेले असताना अज्ञात व्यक्तींनी गोळीबार केला. त्यात यादव गंभीर जखमी झाले आणि घटनास्थळीच त्यांचा मृत्यू झाला. पोलीस अधीक्षक कार्तिकेय के. शर्मा यांनी सांगितले की, शवविच्छेदन अहवाल आल्यानंतरच मृत्यूचे नेमके कारण स्पष्ट होईल. Prashant Kishor
मोकामा मतदारसंघात सध्या दोन दिग्गज गुंड-राजकारण्यांमध्ये थेट सामना होत आहे. जेडीयूचे अनंत सिंग आणि राजदच्या वीणा देवी (सुरजभान सिंग यांच्या पत्नी) यांच्यात चुरशीची लढत आहे.
जनसुराज पक्षाचे राज्याध्यक्ष मनोज भारती यांनी या घटनेचा तीव्र निषेध केला आहे. ते म्हणाले, “ही हत्या लोकशाहीवरील हल्ला आहे. निवडणुकीत भीती निर्माण करून मतं मिळवण्याचा प्रयत्न सुरू आहे. प्रचार मोहिमेदरम्यान उमेदवारांवर हल्ले, गोळीबार आणि कार्यकर्त्यांना चिरडून ठार मारणे हे गंभीर गुन्हे आहेत.”
जनसुराज पक्षाचे संस्थापक प्रशांत किशोर यांनी सांगितले की, पक्षाचे वरिष्ठ नेते मोकामामध्ये घटनास्थळी उपस्थित आहेत आणि या प्रकरणाची माहिती घेत आहेत.
दरम्यान, राजदचे नेते तेजस्वी यादव यांनी एनडीए सरकारवर निशाणा साधला आहे. ते म्हणाले, “दुलारचंद यादव यांची हत्या ही राज्यातील कायदा-सुव्यवस्थेवर गंभीर प्रश्नचिन्ह आहे. पंतप्रधान मोदींनी हे लक्षात घ्यावे. हे कोणते ‘राज’ आहे?”
मोकामा मतदारसंघातील मतदान ६ नोव्हेंबर रोजी होणार असून, दुसरा टप्पा ११ नोव्हेंबरला आणि निकाल १४ नोव्हेंबरला जाहीर होणार आहे.
Prashant Kishor’s activist shot dead
महत्वाच्या बातम्या
- महिला डॉक्टरची आत्महत्या नसून संस्थात्मक हत्या, राहुल गांधी यांचा आरोप
- धंगेकर अन्यायविरोधात लढणारा कार्यकर्ता, पण आपल्याला महायुतीत दंगा नको, एकनाथ शिंदे यांची भूमिका
- मुरलीधर मोहोळांनी विशाल गोखलेंसाठी केला पदाचा गैरवापर, १९७ कोटींचा हवाई घोटाळ्याचा रवींद्र धंगेकरांचा आरोप
- पुण्यात जमिनीचा मोठा धिंगाणा, मुरलीधर मोहोळ यांच्या मंत्रिपदाचा राजीनामा घेण्याची विजय वडेट्टीवार यांची मागणी
