विशेष प्रतिनिधी
सातारा: आयपीएस अधिकारी प्रवीण रामराव पवार यांच्या कन्येच्या सातारा येथील विवाहसोहळ्यात शरद पवार आणि देवेंद्र फडणवीस एकत्र आले होते. या सोहळ्यात त्यांच्यासोबत उद्योगपती गौतम अदानी यांचीही उपस्थिती होती. या तीन मान्यवरांचे एकत्र असलेले फोटो सोशल मीडियावर चांगलेच व्हायरल होत आहेत. या भेटीची माहिती खुद्द शरद पवारांनीही सोशल मीडियाच्या माध्यमातून दिली आहे.
आयपीएस अधिकारी श्री. प्रवीण रामराव पवार यांची कन्या प्राजक्ता व हिमांशू यांच्या लग्न समारंभास उपस्थित राहिलो; नवदाम्पत्यास शुभाशीर्वाद दिले. याप्रसंगी राज्याचे मुख्यमंत्री श्री. देवेंद्र फडणवीस व पक्षाचे प्रदेशाध्यक्ष, आमदार श्री. शशिकांत शिंदे हेदेखील उपस्थित होते. pic.twitter.com/RI6ZqUACNg
— Sharad Pawar (@PawarSpeaks) November 12, 2025
शरद पवार यांनी ट्विट करत म्हटले की, आयपीएस अधिकारी प्रवीण रामराव पवार यांची कन्या प्राजक्ता व हिमांशू यांच्या लग्न समारंभास उपस्थित राहिलो; नवदाम्पत्यास शुभाशीर्वाद दिले. याप्रसंगी राज्याचे मुख्यमंत्री देवेंद्र फडणवीस व पक्षाचे प्रदेशाध्यक्ष, आमदार शशिकांत शिंदे हेदेखील उपस्थित होते, अशी माहिती शरद पवार यांनी दिली आहे. यासोबत शरद पवारांनी काही फोटो शेअर केले आहेत. या फोटोमध्ये एका सोफ्यावर शरद पवार आणि उद्योगपती गौतम अदानी बसलेले आहेत. बाजूलाच देवेंद्र फडणवीस आणि राष्ट्रवादी कॉंग्रेस शरद पवार गटाचे प्रदेशाध्यक्ष शशिकांत शिंदे बसल्याचे दिसून आले.
शरद पवार यांचे सर्वपक्षीय नेत्यांसमवेत नेहमीच मैत्रीपूर्ण संबंध राहिले आहेत, तर दुसरीकडे राजकीय विरोधक म्हणून ते सत्ताधारी आणि भाजपवर सातत्याने टीकाही करतात. यापूर्वी मुख्यमंत्री देवेंद्र फडणवीस यांच्यावर टीका करूनही, अलीकडेच मुंबई क्रिकेट असोसिएशनच्या निवडणुकीवरून त्यांनी फडणवीस यांचे कौतुक केले होते. तसेच, उद्योगपती गौतम अदानी यांच्याशीही त्यांची जवळीक आहे. शरद पवारांच्या ‘लोक माझे सांगाती’ या पुस्तकातही अदानींचा उल्लेख असून त्यांनी बारामतीला भेट दिली होती.
Sharad Pawar and Devendra Fadnavis together, Gautam Adani also with them
महत्वाच्या बातम्या
- District Collector : निवडणूक प्रचारासाठी ध्वनीक्षेपकाच्या वापरावर निर्बंध, जिल्हाधिकाऱ्यांचे आदेश जारी
- Shiv Sena, : शिवसेना, राष्ट्रवादी आमदार अपात्रतेच्या सुनावणी पुढील वर्षी जानेवारीमध्ये
- कुठे नेऊन ठेवला आमचा महाराष्ट्र, ड्रग प्रकरणातील आरोपींच्या भाजप प्रवेशावरून नाना पटोले यांचा सवाल
- काेरेगाव पार्क जमीन प्रकरणी पार्थ पवारांवर गुन्हा दाखल करा, अंजली दमानिया यांची मागणी
