दिल्ली स्फोटप्रकरणात ३०० किलो अमोनियम नायट्रेट अजूनही गायब; अयोध्या आणि वाराणसीवर हल्ल्याचा कट उघड

विशेष प्रतिनिधी

नवी दिल्ली : दिल्लीतील लाल किल्ला मेट्रो स्थानकाजवळ झालेल्या स्फोटानंतर देशातील सुरक्षा यंत्रणांमध्ये मोठी खळबळ उडाली आहे. तपास यंत्रणांना आतापर्यंत २,९०० किलो अमोनियम नायट्रेट हस्तगत केले असले तरी ३०० किलो स्फोटक अद्याप बेपत्ता आहे. हे स्फोटक चुकीच्या हातात गेल्याची भीती व्यक्त करण्यात येत असून, त्याचा शोध घेणे सुरक्षा यंत्रणांची सर्वोच्च प्राधान्याची बाब बनली आहे. Delhi blast case

गेल्या सोमवार (१० नोव्हेंबर) रोजी लाल किल्ला मेट्रो स्थानकाजवळ झालेल्या स्फोटानंतर राष्ट्रीय तपास संस्था (NIA), गुप्तचर विभाग (IB) आणि दिल्ली पोलिसांच्या विशेष शाखा यांनी संयुक्त तपास सुरू केला आहे. प्राथमिक तपासात असे समोर आले आहे की, ही स्फोटके बांगलादेश आणि नेपाळमार्गे भारतात तस्करीने आणण्यात आली होती. मूळतः ही स्फोटके एका खत उत्पादन कंपनीतून चोरीला गेली होती, असेही तपासात स्पष्ट झाले आहे.

सुरक्षा अधिकाऱ्यांच्या माहितीनुसार, एकूण ३,२०० किलो अमोनियम नायट्रेट देशात आणण्यात आले होते, परंतु त्यापैकी केवळ २,९०० किलो सापडले आहे. उर्वरित ३०० किलो स्फोटकांचा ठावठिकाणा लागलेला नसल्याने देशभरात हाय अलर्ट घोषित करण्यात आला आहे.

हत्येच्या कटातील आराेपी जरांगेचेच कार्यकर्ते, धनंजय मुंडे यांचा खळबळजनक आराेप

तपासात पुढे असेही उघडकीस आले आहे की, या स्फोटकांचा वापर करून अयोध्या आणि वाराणसीसारख्या धार्मिक शहरांमध्ये मोठ्या दहशतवादी हल्ल्यांची योजना आखण्यात आली होती. दिल्ली, लखनौ, वाराणसी आणि गोरखपूर परिसरात विशेष सुरक्षा तपासणी सुरू आहे.

फरीदाबाद टेरर मॉड्यूलशी संबंधित दहशतवाद्यांना अटक करण्यात आली असून, त्यांच्याकडून अनेक धक्कादायक माहिती समोर आली आहे. या मॉड्यूलमधील प्रमुख सदस्य डॉ. शाहीन या महिलेने अयोध्यामध्ये स्लीपर सेल सक्रिय केल्याची माहिती तपासात मिळाली आहे. तिच्या नेतृत्वाखाली उत्तर भारतातील काही भागांत धार्मिक स्थळांवर हल्ल्याची योजना तयार करण्यात आल्याचे मानले जात आहे.

राष्ट्रीय तपास संस्थेचे वरिष्ठ अधिकारी म्हणाले, “३०० किलो स्फोटक चुकीच्या हातात जाऊ नये म्हणून देशातील सर्व राज्यांना सतर्क राहण्याचे आदेश देण्यात आले आहेत. सीमावर्ती भागात आणि संवेदनशील धार्मिक स्थळांवर अतिरिक्त सुरक्षा वाढवण्यात आली आहे.”

दरम्यान, या प्रकरणाचा धागा जम्मू-काश्मीरमधील काही अतिरेकी संघटनांशी जोडला गेला असल्याचा संशय आहे. केंद्रीय गृहमंत्रालयाने या तपासावर लक्ष ठेवले असून, देशातील सर्व महत्त्वाच्या धार्मिक आणि ऐतिहासिक स्थळांवर सुरक्षा वाढवण्यात आली आहे.

300 kg of ammonium nitrate still missing in Delhi blast case; Plot to attack Ayodhya and Varanasi exposed

महत्वाच्या बातम्या

दिल्ली स्फोटप्रकरणात ३०० किलो अमोनियम नायट्रेट अजूनही गायब; अयोध्या आणि वाराणसीवर हल्ल्याचा कट उघड