विशेष प्रतिनिधी
वैशाली (बिहार) : बिहारमधील महुआ विधानसभा मतदारसंघातील एआयएमआयएमचे उमेदवार बच्चा राय यांच्या विरोधात सोशल मीडियावर खोटी व धार्मिक द्वेष पसरवणारी पोस्ट केल्याप्रकरणी गुन्हा दाखल करण्यात आला आहे.
मंगळवारी (दि. २१ ऑक्टोबर) गौरीगंज (कठारा) पोलिस ठाण्यात त्यांच्यावर भारतीय न्याय संहिता (BNS) च्या कलम २९९, १९६(१), ३५३(२), आणि ७४ अंतर्गत गुन्हा नोंदविण्यात आला.
वैशाली पोलिसांनी दिलेल्या माहितीनुसार, बच्चा राय यांनी सोशल मीडियावर रामपूर भोजार गावातील मशिदीची तोडफोड झाली आणि कुराणाच्या पानांची विटंबना करण्यात आली, असा दावा करत खोटा व्हिडिओ पोस्ट केला. हा व्हिडिओ काही तासांतच व्हायरल झाला आणि परिसरात हिंदू–मुस्लिम समुदायांमध्ये तणाव निर्माण झाला.
घटनेची माहिती मिळताच पोलिस आणि प्रशासनाचे अधिकारी तात्काळ घटनास्थळी दाखल झाले आणि परिस्थिती नियंत्रणात आणली. प्राथमिक तपासणीत कोणतीही तोडफोड झालेली नसल्याचे स्पष्ट झाले.
वैशालीचे सीडीपीओ संजय कुमार यांनी सांगितले, “आमच्या चौकशीत मशिदीची तोडफोड झाल्याचा कोणताही पुरावा सापडलेला नाही. वायरल व्हिडिओ पूर्णपणे बनावट असून त्यामधील दावे निराधार आहेत.”
पोलिस तपासात उघड झाले की, मशिदीजवळ काही मुलांमध्ये वैयक्तिक कारणावरून किरकोळ भांडण झाले होते, पण त्याचा धर्माशी काहीही संबंध नव्हता. दोन्ही पक्षांनी लेखी समजुतीने वाद मिटवला असून अफवा न पसरवण्याचे वचन दिले आहे.
दोन्ही समुदायांतील ज्येष्ठ नागरिकांनी हस्तक्षेप करून शांतता राखण्याचे आवाहन केले आणि कोणत्याही अफवांना बळी न पडण्याची विनंती केली.
पोलिसांच्या निवेदनात म्हटले आहे की, बच्चा राय यांनी जाणीवपूर्वक आणि नियोजनपूर्वक हा व्हिडिओ सोशल मीडियावर पोस्ट केला, ज्यामुळे दोन समुदायांमध्ये वैमनस्य वाढावे असा त्यामागचा हेतू होता.
तपासानंतर दोन्ही पक्षांनी संयुक्तपणे अर्ज देऊन वाद मैत्रीपूर्ण पद्धतीने मिटविण्याची विनंती केली आहे. पोलिसांनी सांगितले, “दोन्ही गटांनी लेखी स्वरूपात दिले आहे की, पुढील काळात कोणत्याही अफवांकडे दुर्लक्ष करतील आणि त्यांचा प्रसार करणार नाहीत.”
या प्रकरणामुळे निवडणूक काळात धार्मिक मुद्द्यांचा गैरवापर करून जनतेत तणाव निर्माण करण्याच्या प्रयत्नांबद्दल गंभीर चिंता व्यक्त केली जात आहे.
AIMIM’s Mahua candidate Bachcha Rai booked for false religious hate post
महत्वाच्या बातम्या
- भाजपच्या मुरलीधर मोहोळ यांच्या विरोधात शिंदे – ठाकरे गटाचे नेते साथ साथ, रवींद्र धंगेकर यांना वसंत मोरेंचा पाठिंबा
- व्हिजन डॉक्युमेंट साकारणार विकसित भारताचे स्वप्न : मुख्यमंत्र्यांचा विश्वास
- तर सर्वांची धार्मिक स्थळे अशीच लाटली जातील, जैन बोर्डिंग प्रकरणावरून रवींद्र धंगेकर यांचा इशारा
- औरंगजेबाच्या कबरीजवळ दिवा लावून दाखवा आणि एक लाख रुपये बक्षीस घ्या..
