विशेष प्रतिनिधी
नवी दिल्ली : Draupadi Murmu’ भारताच्या राष्ट्रपती द्रौपदी मुर्मू यांच्या सुरक्षेत मोठी त्रुटी झाल्याचा प्रकार केरळमध्ये उघड झाला आहे. सोमवारी सकाळी (२२ ऑक्टोबर) राष्ट्रपतींना शबरीमला यात्रेला घेऊन जाणारे भारतीय हवाई दलाचे एमआय-१७ हेलिकॉप्टर लँडिंगदरम्यान राजीव गांधी इनडोअर स्टेडियम, प्रमादम (केरळ) येथे नव्याने बांधलेल्या हेलिपॅडवरील खड्ड्यात अडकले. सुदैवाने या घटनेत कोणतीही जीवितहानी झाली नाही, मात्र राष्ट्रपतींच्या सुरक्षेच्या दृष्टीने ही गंभीर चूक मानली जात आहे.Draupadi Murmu’
राष्ट्रपती मुर्मू यांचे हेलिकॉप्टर प्रमादम येथील नव्याने काँक्रीट केलेल्या हेलिपॅडवर उतरवण्यात येत होते. मात्र, लँडिंग होताच हेलिकॉप्टरच्या वजनामुळे काँक्रीटचा भाग कोसळला आणि हेलिकॉप्टरचा एक भाग जमिनीत अडकला.Draupadi Murmu’
त्यानंतर तैनात पोलीस आणि अग्निशमन दलाच्या जवानांनी तत्काळ धाव घेत हेलिकॉप्टर सुरक्षित बाहेर काढले. या प्रसंगाचा एक व्हिडिओ सोशल मीडियावर मोठ्या प्रमाणावर व्हायरल झाला आहे.Draupadi Murmu’
स्थानिक पोलिस अधिकाऱ्यांनी दिलेल्या माहितीनुसार, राष्ट्रपतींच्या हेलिकॉप्टरसाठीची लँडिंग साइट शेवटच्या क्षणी निश्चित करण्यात आली होती. त्यामुळे मंगळवारी रात्री उशिरापर्यंत हेलिपॅडचे काँक्रीटिंग करण्यात आले. मात्र, ते योग्यरीत्या सुकले नसल्याने वजनाचा ताण सहन करू शकले नाही आणि लँडिंगदरम्यान पृष्ठभाग तुटला.
अधिकाऱ्यांनी सांगितले की, “ही सुरक्षा यंत्रणेकडून झालेली गंभीर चूक आहे. राष्ट्रपतींच्या कार्यक्रमाची तयारी योग्य वेळी पूर्ण व्हायला हवी होती. सुदैवाने पायलटांनी प्रसंगावधान राखले आणि मोठी दुर्घटना टळली.”
या घटनेनंतर राष्ट्रपती भवन आणि हवाई दलाने स्थानिक प्रशासनाकडून सविस्तर अहवाल मागवला आहे. ‘VVIP सुरक्षेतील दुर्लक्ष कसे झाले?’ याबाबत तपास सुरू आहे. राष्ट्रीय सुरक्षा सल्लागार कार्यालय (NSA) आणि गृह मंत्रालयाकडूनही या घटनेची प्राथमिक चौकशी केली जाऊ शकते, अशी शक्यता आहे.
सुरक्षा तज्ञांच्या मते, “राष्ट्रपती, पंतप्रधान किंवा अन्य VVIP व्यक्तींच्या दौर्‍यांपूर्वी सर्व लँडिंग साइट्सची तीन-स्तरीय पडताळणी केली जाते. अशा परिस्थितीत हेलिपॅड सुकलेले नसणे ही अत्यंत निष्काळजी बाब आहे
घटनेनंतर राष्ट्रपती मुर्मू यांनी आपला प्रवास रस्त्यानेच पुढे सुरू ठेवला. त्या शबरीमला मंदिरात पोहोचल्या आणि भगवान अयप्पा यांचे दर्शन घेतले.
राष्ट्रपती मुर्मू या भगवान अयप्पा मंदिराला भेट देणाऱ्या पहिल्या महिला राष्ट्रपती ठरल्या आहेत. त्याआधी 1970 च्या दशकात माजी राष्ट्रपती व्ही. व्ही. गिरी यांनी या मंदिराला भेट दिली होती.
राष्ट्रपती मुर्मू या 21 ते 24 ऑक्टोबर दरम्यान केरळ दौऱ्यावर आहेत. 23 ऑक्टोबर रोजी त्या तिरुअनंतपुरम येथील राजभवनात माजी राष्ट्रपती के.आर. नारायणन यांच्या पुतळ्याचे अनावरण करतील. 24 ऑक्टोबरला वर्कला येथील शिवगिरी मठातील श्री नारायण गुरूंच्या महासमाधी शताब्दी समारंभाचे उद्घाटन करतील. त्यानंतर त्या कोट्टायममधील सेंट थॉमस कॉलेजच्या 75 व्या वर्धापन दिनाच्या समारोप सोहळ्याला आणि एर्नाकुलममधील सेंट टेरेसा कॉलेजच्या शताब्दी समारंभाला उपस्थित राहतील.
Big mistake in President Draupadi Murmu’s security! A part of the helicopter got stuck in a pit in Kerala, a major accident was averted
महत्वाच्या बातम्या
- भाजपच्या मुरलीधर मोहोळ यांच्या विरोधात शिंदे – ठाकरे गटाचे नेते साथ साथ, रवींद्र धंगेकर यांना वसंत मोरेंचा पाठिंबा
- व्हिजन डॉक्युमेंट साकारणार विकसित भारताचे स्वप्न : मुख्यमंत्र्यांचा विश्वास
- तर सर्वांची धार्मिक स्थळे अशीच लाटली जातील, जैन बोर्डिंग प्रकरणावरून रवींद्र धंगेकर यांचा इशारा
- औरंगजेबाच्या कबरीजवळ दिवा लावून दाखवा आणि एक लाख रुपये बक्षीस घ्या..
