विशेष प्रतिनिधी
नवी दिल्ली : भारत निवडणूक आयोगाने (ECI) मतदारांसाठी एक महत्त्वपूर्ण उपक्रम राबवत ‘राष्ट्रीय मतदार हेल्पलाईन’ आणि बुक अ कॉल ‘Book-a-Call with BLO’ ही नवी सुविधा सुरु केली आहे. या उपक्रमाद्वारे देशभरातील नागरिकांच्या मतदार नोंदणी, निवडणूक प्रक्रिया आणि तक्रारींशी संबंधित सर्व प्रश्नांचे तत्पर निराकरण करण्याचा उद्देश आहे. Election Commission
निवडणूक आयोगाच्या माहितीनुसार, राष्ट्रीय संपर्क केंद्र (National Contact Centre – NCC) ही मध्यवर्ती हेल्पलाईन म्हणून कार्यरत असून, नागरिकांना टोल-फ्री क्रमांक 1800-11-1950 वरून दररोज सकाळी ८ ते सायंकाळी ८ या वेळेत संपर्क साधता येईल. प्रशिक्षित अधिकारी मतदार, राजकीय पक्ष, आणि नागरिकांना आवश्यक माहिती, निवडणूक सेवा आणि तक्रारींचे निराकरण याबाबत मार्गदर्शन करतील.
राष्ट्रीय स्तरावरील या उपक्रमासोबतच, राज्य संपर्क केंद्रे (SCCs) आणि जिल्हा संपर्क केंद्रे (DCCs) स्थापन करण्याचे निर्देश सर्व राज्ये आणि केंद्रशासित प्रदेशांना देण्यात आले आहेत. ही केंद्रे वर्षभर कार्यरत राहतील आणि स्थानिक भाषेत सेवा उपलब्ध करून देतील, ज्यामुळे तक्रारींचे निराकरण अधिक सुलभ आणि स्थानिक स्तरावर होऊ शकेल.
सर्व फोन कॉल, तक्रारी आणि विचारणा नवीन “National Grievance Service Portal (NGSP 2.0)” या डिजिटल प्रणालीवर नोंदविण्यात येतील. त्यामुळे पारदर्शकपणे नोंद, मागोवा आणि तक्रार निराकरणाची प्रक्रिया सुनिश्चित होईल, असे आयोगाने स्पष्ट केले.
या उपक्रमातील विशेष आकर्षण म्हणजे ‘Book-a-Call with BLO’ ही सुविधा. ECINET प्लॅटफॉर्मवर उपलब्ध असलेली ही सेवा मतदारांना आपल्या बूथ लेव्हल ऑफिसर (BLO) सोबत थेट फोन कॉल ठरविण्याची संधी देते. यामार्फत मतदार नोंदणी, EPIC कार्ड, मतदार यादीतील चुका, मतदान केंद्राची माहिती यांसारख्या सर्व शंका सोडवता येतील.
तसेच ECINET अॅप द्वारे मतदारांना इतर निवडणूक अधिकाऱ्यांशी संपर्क साधण्याची सुविधाही उपलब्ध आहे. आयोगाने मुख्य निवडणूक अधिकारी (CEO), जिल्हा निवडणूक अधिकारी (DEO) आणि मतदार नोंदणी अधिकारी (ERO) यांना सर्व तक्रारी ४८ तासांत सोडविण्याचे निर्देश दिले आहेत.
या सर्व सुविधा विद्यमान तक्रार निवारण प्रणालीला पूरक ठरणार असून, नागरिकांना complaints@eci.gov.in या ई-मेलवरूनही तक्रारी नोंदविता येतील.
निवडणूक आयोगाने नागरिकांना आवाहन केले आहे की त्यांनी ‘1950 Voter Helpline’ आणि ‘Book-a-Call with BLO’ या सुविधांचा वापर करून आपल्या निवडणूक संबंधित अडचणी तत्काळ सोडवाव्यात.
हा उपक्रम “सशक्त मतदार, सशक्त लोकशाही” या उद्दिष्टाशी सुसंगत असून, निवडणूक आयोगाच्या पारदर्शक, सुलभ आणि सर्वसमावेशक लोकशाही प्रक्रियेच्या दिशेने एक मोठे पाऊल म्हणून पाहिले जात आहे.
Election Commission’s ‘National Voter Helpline
महत्वाच्या बातम्या
- महिला डॉक्टरची आत्महत्या नसून संस्थात्मक हत्या, राहुल गांधी यांचा आरोप
- धंगेकर अन्यायविरोधात लढणारा कार्यकर्ता, पण आपल्याला महायुतीत दंगा नको, एकनाथ शिंदे यांची भूमिका
- मुरलीधर मोहोळांनी विशाल गोखलेंसाठी केला पदाचा गैरवापर, १९७ कोटींचा हवाई घोटाळ्याचा रवींद्र धंगेकरांचा आरोप
- पुण्यात जमिनीचा मोठा धिंगाणा, मुरलीधर मोहोळ यांच्या मंत्रिपदाचा राजीनामा घेण्याची विजय वडेट्टीवार यांची मागणी
