आयएमएफचा भारताच्या अर्थव्यवस्थेवर विश्वास! २०२५ मध्ये चीन आणि अमेरिकेलाही टाकले मागे

विशेष प्रतिनिधी

नवी दिल्ली : आंतरराष्ट्रीय नाणेनिधी (IMF) ने २०२५ साठी भारताच्या आर्थिक वाढीचा अंदाज वाढवला असून, भारत पुन्हा एकदा जगातील सर्वात वेगाने वाढणारी प्रमुख अर्थव्यवस्था ठरला आहे. India Economy

IMF च्या ऑक्टोबर २०२५ वर्ल्ड इकॉनॉमिक आउटलुक अहवालानुसार, भारताचा सकल देशांतर्गत उत्पादन (GDP) वाढ दर ६.६% इतका राहील, जो सर्व प्रमुख देशांपेक्षा जास्त आहे. या आकड्यांनुसार, भारताने चीनच्या ४.८%, अमेरिकेच्या २%, आणि जर्मनी–फ्रान्ससारख्या प्रगत अर्थव्यवस्थांच्या ०.२% आणि ०.७% वाढ दरांना मागे टाकले आहे. India Economy

IMF च्या मते, भारताच्या सातत्यपूर्ण आर्थिक वाढीमागे मजबूत देशांतर्गत मागणी, आर्थिक सुधारणांचे धोरणात्मक पाऊल, आणि तरुण लोकसंख्येचे योगदान हे महत्त्वाचे घटक आहेत.
अहवालात म्हटले आहे की, “भारत आणि सौदी अरेबियासारखे उदयोन्मुख देश तरुण लोकसंख्येमुळे दीर्घकालीन वाढीच्या दिशेने वाटचाल करत आहेत.”

Devendra Fadnavis : शेतकऱ्याला पुन्हा उभे करण्यासाठी मुख्यमंत्री देवेंद्र फडणवीस यांच्याकडून माेठ्या पॅकेजची घाेषणा

IMF ने स्पष्ट केले आहे की, अमेरिकेच्या नव्या व्यापार धोरणांमुळे जागतिक व्यापारात काही अडथळे निर्माण झाले असले, तरी त्याचा भारताच्या अर्थव्यवस्थेवर फारसा नकारात्मक परिणाम झाला नाही. भारताची अंतर्गत बाजारपेठ आणि वाढत्या उत्पादन क्षेत्रामुळे ही जोखीम कमी झाली आहे.

IMF ने २०२६ साठी भारताचा GDP वाढ दर ६.२% इतका अपेक्षित धरला आहे, कारण त्या काळात अमेरिकन टॅरिफ वाढ आणि जागतिक व्यापारातील अस्थिरता काही प्रमाणात परिणाम करू शकते.
मात्र, या घटीनंतरही भारत जगातील सर्वात वेगाने वाढणारा देश राहील, असे IMF ने स्पष्ट केले आहे. वाढीच्या दरांमुळे भारताने जागतिक आर्थिक मंचावर पुन्हा एकदा आपली शक्तिशाली उपस्थिती सिद्ध केली आहे.

IMF च्या आकडेवारीनुसार –

भारत : ६.६% वाढ दर
चीन : ४.८%
अमेरिका : २%
फ्रान्स : ०.७%
जर्मनी : ०.२%

IMF Shows Confidence in India’s Economy! India Surpasses China and the US in 2025 Growth Outlook

महत्वाच्या बातम्या

आयएमएफचा भारताच्या अर्थव्यवस्थेवर विश्वास! २०२५ मध्ये चीन आणि अमेरिकेलाही टाकले मागे