विशेष प्रतिनिधी
मुंबई : राज्य सहकारी बँकेचे प्रशासक व ज्येष्ठ बँकिंग तज्ञ श्री.विद्याधर अनास्कर यांनी लिहिलेल्या `गोष्ट रिझर्व्ह बँकेची’ (Gosht Reserve Bankachi) या पुस्तकाचे प्रकाशन मुख्यमंत्री देवेंद्र फडणवीस (Devendra Fadnavis) यांच्या हस्ते झालं.
विधानभवनातील मंत्रीमंडळ सभागृहात दि.14 जुलै 2025 रोजी आंतरराष्ट्रीय सहकार वर्षाच्या निमित्त आयोजित बैठकीपूर्वी सदर पुस्तकाचे प्रकाशन झाले. या प्रसंगी राज्याचे सहकार मंत्री श्री.बाबासाहेब पाटील, कृषीमंत्री श्री.माणिकराव कोकाटे, अन्न व नागरी पुरवठा मंत्री श्री.छगन भुजबळ, गृहनिर्माण मंत्री श्री.अतुल सावे, पर्यावरण मंत्री श्रीमती पंकजा मुंडे, मत्स्य व बंदरे विकास मंत्री श्री.नितेश राणे, सहकार राज्यमंत्री श्री.पंकज भोयर तसेच राज्याचे मुख्य सचिव श्री.राजेशकुमार उपस्थित होते. Devendra Fadnavis
मुख्यमंत्र्यांच्या गुंतवणूक व धोरण मुख्य सल्लागारपदी कौस्तुभ धवसे यांची नियुक्ती
सन 1773 पासून रिझर्व्ह बँकेचा इतिहास गोष्टरुपाने स्थानिक भाषेमध्ये विषद केलेले हे भारतातील पहिले पुस्तक ठरावे. यामध्ये सर वॉरेन हॅस्टींग्सच्या काळापासून मध्यवर्ती बँकेची संकल्पना, त्याचा प्रवास, रिझर्व्ह बँकेचे बोधचिन्ह, रिझर्व्ह बँकेचे नामकरण इत्यादीपासून सन 1982 पर्यंतचा इतिहास गोष्टरुपाने अत्यंत रोचक शब्दात मांडलेल्या 51 प्रकरणांचा समावेश असलेले हे पुस्तक आहे. सदर पुस्तकास प्रसिध्द जेष्ठ अर्थतज्ञ डॉ.नरेंद्र जाधव यांची प्रस्तावना लाभली असून, पुणे येथील राजहंस प्रकाशन या प्रकाशन क्षेत्रातील प्रसिध्द संस्थेने हे पुस्तक प्रकाशित केले आहे.
मुख्यमंत्री देवेंद्र फडणवीस यांनी पुस्तकाचे कौतुक करताना सांगितले, “हे पुस्तक रिझर्व्ह बँकेच्या इतिहासाला तर सलाम करते, पण त्याचबरोबर नव्या पिढीला अर्थशास्त्र आणि बँकिंग क्षेत्रातील आव्हानांची ओळख करून देते.” त्यांनी विद्याधर अनास्कर यांचे अभिनंदन केले आणि असे साहित्य समाजाला प्रेरणा देणारे असल्याचे नमूद केले. या पुस्तकात ईस्ट इंडिया कंपनीपासून ते आधुनिक काळातील डिजिटल बँकिंगपर्यंतच्या बदलांचा मागोवा घेण्यात आला आहे. रिझर्व्ह बँकेच्या गव्हर्नरांची भूमिका, चलन व्यवस्थापन आणि आर्थिक स्थैर्य राखण्याचे प्रयत्न यांचाही विस्तृत उल्लेख आहे. प्रकाशन सोहळ्यात उपस्थित मान्यवरांनी या पुस्तकाच्या शैक्षणिक आणि ऐतिहासिक महत्त्वावर प्रकाश टाकला. हे पुस्तक बँकिंग क्षेत्रातील विद्यार्थ्यांसह सर्वसामान्य वाचकांसाठीही उपयुक्त ठरणार आहे.
‘Gosht Reserve Bankachi’; Book written by Anaskar published!
महत्वाच्या बातम्या
- Sanjay Shirsat : संजय शिरसाट यांच्या अडचणी संपेनात! सामाजिक न्याय खात्यात 1500 कोटींच्या टेंडर घोटाळ्याचा आरोप
- jayant patil : राजीनाम्यावर मौन सोडताना जयंत पाटील यांचे भाजप प्रवेशावर भाष्य
- Kaustubh Dhavase : मुख्यमंत्र्यांच्या गुंतवणूक व धोरण मुख्य सल्लागारपदी कौस्तुभ धवसे यांची नियुक्ती
- Shiv Sena dispute : शिवसेनेतील वादावर तीन महिन्यात निकाल, पक्ष आणि धनुष्य बाण चिन्हाचा होणार फैसला
