विशेष प्रतिनिधी
मुंबई: राज्य मंत्रिमंडळाने मंगळवारी घेतलेल्या महत्त्वपूर्ण निर्णयानुसार, स्थानिक स्वराज्य संस्थांच्या निवडणुकांमध्ये राखीव जागांवर निवडून आलेल्या उमेदवारांना जातवैधता प्रमाणपत्र सादर करण्यासाठी सहा महिन्यांची अतिरिक्त मुदत देण्यात आली आहे. हा निर्णय महापालिका, नगरपरिषदा, नगरपंचायती तसेच ग्रामपंचायत, जिल्हा परिषद आणि पंचायत समिती निवडणुकांसाठी समानपणे लागू राहणार आहे.
या निर्णयासाठी संबंधित कायद्यांमध्ये सुधारणा करण्यास आणि “महाराष्ट्र जात वैधता प्रमाणपत्र सादरीकरण (मुदतवाढ) अध्यादेश २०२५” काढण्यास मंत्रिमंडळाने मंजुरी दिली आहे.
राज्य शासनाने स्पष्ट केले की, हा निर्णय सर्व उमेदवारांना न्याय देण्यासाठी आणि प्रशासकीय प्रक्रिया सुलभ करण्यासाठी घेतला गेला आहे. अनेकदा वैधता प्रमाणपत्र मिळविण्यासाठी लागणाऱ्या कालावधीमुळे निवडून आलेल्या उमेदवारांना अडचणी निर्माण होत होत्या. आता या मुदतवाढीमुळे उमेदवारांना आवश्यक कागदपत्रे सादर करण्यासाठी अधिक वेळ मिळणार आहे.
नगरविकास आणि ग्रामविकास विभागांनी सादर केलेल्या या प्रस्तावानुसार, संबंधित अधिनियमांमध्ये सुधारणा करण्यात येणार आहेत. यामध्ये मुंबई महानगरपालिका अधिनियम, १८८८, महाराष्ट्र महानगरपालिका अधिनियम, १९४९, महाराष्ट्र नगरपरिषदा, नगरपंचायती आणि औद्योगिक नगरी अधिनियम, १९६५ तसेच ग्रामपंचायत आणि पंचायत राज अधिनियमांमध्ये आवश्यक दुरुस्ती केली जाणार आहे.
राज्य शासनाचे म्हणणे आहे की, या निर्णयामुळे पद गमावण्याची भीती कमी होईल, प्रशासकीय स्थैर्य येईल आणि स्थानिक संस्थांचे कार्य सुरळीत सुरू राहील.
दरम्यान, निवडणुकीनंतर काही उमेदवारांकडे वैध जातप्रमाणपत्र नसल्यामुळे त्यांच्या सदस्यत्वावर प्रश्नचिन्ह निर्माण होत होते. या निर्णयामुळे अनेक निवडून आलेल्या प्रतिनिधींना दिलासा मिळणार आहे.
Six-Month Extension Granted to Candidates for Submitting Caste Validity Certificates
महत्वाच्या बातम्या
- महिला डॉक्टरची आत्महत्या नसून संस्थात्मक हत्या, राहुल गांधी यांचा आरोप
- धंगेकर अन्यायविरोधात लढणारा कार्यकर्ता, पण आपल्याला महायुतीत दंगा नको, एकनाथ शिंदे यांची भूमिका
- मुरलीधर मोहोळांनी विशाल गोखलेंसाठी केला पदाचा गैरवापर, १९७ कोटींचा हवाई घोटाळ्याचा रवींद्र धंगेकरांचा आरोप
- पुण्यात जमिनीचा मोठा धिंगाणा, मुरलीधर मोहोळ यांच्या मंत्रिपदाचा राजीनामा घेण्याची विजय वडेट्टीवार यांची मागणी
