राहुल गांधींची चोरी पकडल्याचा राग, काँग्रेसकडून पत्रकार शिव अरोर यांच्याविरुद्ध एफआयआर

विशेष प्रतिनिधी

नवी दिल्ली : काँग्रेस पक्षाने पत्रकार शिव अरोर यांच्यावर गुन्हेगारी तक्रार दाखल केली आहे. राहुल गांधी यांच्या ‘मत चोरले’ या आरोपांवर अरोर यांनी केलेल्या भाष्यामुळे ही कारवाई करण्यात आली आहे. हा कार्यक्रम एनडीटीव्हीवरील “India Matters” या मालिकेत 19 ऑगस्ट 2025 रोजी प्रसारित झाला होता.

काँग्रेसचे ज्येष्ठ नेते पवन खेरा यांनी शुक्रवारी ‘एक्स’वर पोस्ट करत माहिती दिली की, “शिव अरोर यांचा काँग्रेस आणि विरोधी पक्षनेते राहुल गांधी यांना बदनाम करण्याचा प्रयत्न असफल ठरणार आहे. त्याविरोधात गुन्हेगारी तक्रार दाखल करण्यात आली आहे. आमच्या वकील ईशा बक्षी संपूर्ण कायदेशीर लढाई लढतील.”?

19 ऑगस्टला प्रसारित “From ‘Chori’ To ‘Sorry’: Vote The Fake Narrative?” या भागात शिव अरोर यांनी सीएसडीएस (CSDS) चे संजय कुमार यांनी दिलेल्या माफीचा दाखला दिला होता. संजय कुमार यांनी महाराष्ट्रातील मतदार याद्यांबाबत चुकीची माहिती पोस्ट केली होती. त्या आधारावर काँग्रेस व राहुल गांधींनी निवडणूक आयोगावर मोठे आरोप केले होते.

मोनोरेल दुर्घटनेवर राजकारण करण्याची गरज नाही, अजित पवारांनी विरोधकांना सुनावले

नंतर संजय कुमार यांनी आपली चूक मान्य करत एक्सवर सार्वजनिक माफी मागितली. त्यांनी लिहिले होते की, “महाराष्ट्र निवडणुकांबाबत चुकीची आकडेवारी पोस्ट झाली. आमच्या डेटा टीमकडून पंक्तींची गफलत झाली. चुकीचा डेटा तुलना करताना वापरला गेला. त्यामुळे ट्विट काढून टाकले असून मी मनापासून माफी मागतो.”

शिव अरोर यांनी या घडामोडींचा उल्लेख करत राहुल गांधींच्या बहुतांश आरोपांना तथ्याधारित पुरावे नसल्याचे सांगितले. तसेच, राहुल गांधींनी निवडणूक आयोगाच्या मागणीप्रमाणे हे आरोप प्रतिज्ञापत्राद्वारे सादर केले नाहीत, तर फक्त राजकीय प्रचारासाठीच त्यांचा वापर केला, असा दावा अरोर यांनी केला.

काँग्रेसने ही बाब गंभीर मानून शिव अरोर यांच्याविरोधात गुन्हेगारी तक्रार दाखल केली आहे. या प्रकरणावर आता न्यायालयीन कारवाई होणार असून काँग्रेसचे म्हणणे आहे की पत्रकारांकडून पक्ष व त्यांच्या नेत्यांची जाणीवपूर्वक बदनामी केली गेल्यास ते कायद्याचा आधार घेतील.

Angry over Rahul Gandhi being caught stealing, Congress files FIR against journalist Shiv Arora

महत्वाच्या बातम्या

राहुल गांधींची चोरी पकडल्याचा राग, काँग्रेसकडून पत्रकार शिव अरोर यांच्याविरुद्ध एफआयआर