Mumbai : मुंबईतील प्रारूप मतदार यादीचा घोळ, 11 लाख 1 हजार 505 नावे ही दुबार
मुंबई महापालिका निवडणूक प्रारूप मतदार यादीतील दुबार मतदारांचा घोळ काही सुटलेला दिसत नाही. महापालिका 1 जुलै 2025 रोजीपर्यंत नोंदविण्यात आलेल्या मतदारांच्या यादीनुसार मतदान घेण्याचे ठरले आहे. त्यानुसार एकूण मतदारांची संख्या ही 1 कोटी 3 लाख 43 हजार 216 एवढी नोंदवण्यात आलेली आहे. मात्र या यादीत तब्बल 11 लाख 1 हजार 505 नावे ही दुबार आहेत. 4 लाख 33 हजार मतदारांची नावे ही अनेकदा नोंदवण्यात आलेली आहेत. एकाच व्यक्तीचे नाव तब्बल 103 वेळा नोंदविण्यात आल्याचा जागतिक विक्रम झाला आहे.
