Author name: Bakhar Live

तब्बल 45 वर्षे माओवादी संघटनेत कार्यरत असलेला वरिष्ठ नेता आणि तेलंगणा राज्य समिती सदस्य बंडी प्रकाश उर्फ प्रभात यांनी 2 तेलंगणा पोलिसांसमोर शरणागती पत्करली. पोलिस महासंचालक बी. शिवधर रेड्डी यांच्या उपस्थितीत आत्मसमर्पण पार पडले. विविध राज्यांमध्ये त्याच्यावर मिळून सुमारे दीड कोटी रुपयांचे बक्षीस घोषित होते.
प्रकाश हे चळवळीतील जुने आणि प्रभावशाली नाव मानले जात होते. आंध्रप्रदेश, तेलंगणा, छत्तीसगड आणि महाराष्ट्र या राज्यांतील विविध व्यावसायिक स्त्रोतांकडून संघटनेसाठी निधी उभारण्याची जबाबदारी त्यांनी वर्षानुवर्षे सांभाळली. शरण येण्यापूर्वी ते ‘नॅशनल पार्क एरिया ऑर्गनायझर’ म्हणून काम करीत होते. भूमिगत होण्यापूर्वी ‘सिंगरेनी वर्कर्स युनियन’चे अध्यक्षपद त्यांनी सांभाळले होते. त्यांच्या संघटन कौशल्यामुळे निधी, भरती आणि स्थानिक संपर्क यामध्ये सातत्याने प्रभाव दिसत होता, अशी सुरक्षा यंत्रणांमध्ये नोंद आहे.