मराठा आंदोलन मनोज जरांगे यांचे आंदोलन शेवटच्या टप्प्यात आले असताना ओबीसी संघटनांनी आक्रमक पवित्र घेतला आहे. मराठा समाजाला कुठल्याही परिस्थितीत ओबीसीतून आरक्षण देऊ नका. ओबीसी आरक्षणाला धक्का न लागता मराठा समाजाला आरक्षण द्यावे. अन्यथा तीव्र स्वरुपाचे आंदोलन करण्यात येईल, असा इशारा अखिल भारतीय महात्मा ज्योतीबा फुले समता परिषदेमार्फत देण्यात आला आहे.
सरकारने हैदराबाद गॅझेटियर लागू करण्याचा निर्णय घेतल्याची माहिती जलसंपदा मंत्री राधाकृष्ण विखे पाटील यांनी मराठा आंदोलन मनोज जरांगे यांना दिली. या प्रकरणी 2-3 मुद्यांवर कायदेशीर त्रुटी आहेत. पण सरकारने त्यावरही 15 दिवसांत योग्य ती कारवाई करण्याची ग्वाही दिली आहे, असे सांगून मनोज जरांगे यांनी आंदोलन मागे घेण्याच्या तयारीत असल्याचे संकेत दिले आहेत.
मराठा समाजाला ओबीसी कोट्यातून आरक्षण मिळावे यासाठी मनोज जरांगे व अनेक मराठा बांधव गेले ४ दिवस झाले मुंबई मधील आझाद मैदानावर आंदोलन करत आहेत. मात्र उच्च न्यायालयाने आता जरांगेंना आझाद मैदान रिकामे करण्याची नोटिस बजावली आहे. दरम्यान अनेक मोठ-मोठे नेते हे जरांगेंना पाठिंबा देतांना दिसत आहेत. मात्र आता यामध्ये एका मुस्लिम नेत्याची देखील भर पडली आहे.
मराठा आंदोलक गेल्या ५ दिवसांपासून आझाद मैदानावर आंदोलन करत आहेत. मात्र, मुंबई उच्च न्यायालयाने आता त्यांना आझाद मैदान सोडण्याचा आदेश दिला आहे. यावर खासदार संजय राऊत यांनी तीव्र नाराजी व्यक्त करत, त्यांना मुंबई मधीलच एका स्टेडियमची जागा देऊन तिथे आंदोलन करू देण्याची मागणी केली आहे.
मराठा आरक्षणाच्या मागणीसाठी गेल्या अनेक वर्षांपासून सुरू असलेल्या आंदोलनाला गती देण्यासाठी महाराष्ट्रातील महायुती सरकारने नवीन शासन निर्णय (जीआर) काढण्याची तयारी दर्शवली आहे. मराठा समाजाला शिक्षण आणि सरकारी नोकऱ्यांमध्ये आरक्षण मिळावे, यासाठी सरकारने नवीन मसुद्यातील काही प्रमुख मुद्दे जाहीर केले आहेत. यामुळे मराठा समाजाच्या मागण्यांना बळ मिळण्याची शक्यता आहे.
आमच्या परिवाराच्या सदस्यावर कोण हाथ टाकायच्या वार्ता करत असेल तर ते आम्ही कधीही सहन करणार नाही. म्हणून भाषा जपून वापरली पाहिजे, असा इशारा देत आमदार निलेश राणे यांनी मनोज जरांगे यांच्यावर संताप व्यक्त केला.
पुण्याजवळील बहुप्रतीक्षित पुरंदर आंतरराष्ट्रीय विमानतळासाठी होत असणाऱ्या भूसंपादन प्रक्रियेला आता गती मिळाली आहे. जवळपास निम्म्या बाधित शेतकऱ्यांनी मोहिमेच्या पहिल्याच आठवड्यात त्यांची जमीन देण्यास सहमति दर्शवली आहे.
पुण्यातील नागरिकांना वाहतूक कोंडीतून आता अखेर मोठा दिलासा मिळणार आहे. केंद्रीय मंत्री नितीन गडकरी यांनी नऱ्हे आणि देहू रोड दरम्यान एलिव्हेटेड कॉरिडोर बांधण्यासाठी तब्बल सहा हजार कोटी रुपयांच्या प्रकल्पाला मंजुरी दिली आहे.
मराठा आरक्षण आंदोलनाला पाठिंबा दिल्यानंतर महाराष्ट्र नवनिर्माण सेनेने आता त्यामध्ये मराठी – अमराठी वादाचा मुद्दा पुढे केला आहे. मुंबईकर रोज अमराठी लोकांची गर्दी सहन करतो. आता मराठी भाषिकांचा त्रासही अभिमानाने सहन करेल, असे मनसेने म्हटले आहे.
आझाद मैदानात उपोषणाला बसलेल्या मनोज जरांगेंनी मेलो तरी मुंबई सोडणार नाही, असे म्हणत उपोषणावर ठाम राहण्याचा निर्णय घेतला आहे. न्यायालयाने जरांगे यांच्या उपोषणावर प्रश्नचिन्ह उपस्थित केले आहे.
निवडणुकीतील कथित मतचोरीच्या ‘अणुबॉम्ब’ नंतर आता ‘हायड्रोजन बॉम्ब’ आम्ही टाकणार आहोत. त्यानंतर, पंतप्रधान नरेंद्र मोदींना तोंड लपवायला जागा उरणार नाही, असा इशारा काँग्रेसचे माजी अध्यक्ष राहुल गांधी यांनी दीला
राज्यभरात ओबीसी समाजाच्या वतीने मोर्चे काढण्यात येणार असून, आवश्यकता भासल्यास मुंबईत धडक देऊ, असा इशारा ओबीसी नेत्यांनी दिला.