विशेष प्रतिनिधी
पाटणा : Rahul Gandhi’ बिहार विधानसभा निवडणुकीच्या पार्श्वभूमीवर काँग्रेस नेते राहुल गांधी यांनी केलेल्या वक्तव्याने देशभरात तीव्र राजकीय वाद निर्माण झाला आहे. बिहारमधील औरंगाबाद जिल्ह्यातील कुटुंबा येथे झालेल्या सभेत राहुल गांधी यांनी म्हटले की, “देशातील फक्त १० टक्के लोक न्यायव्यवस्था, नोकरशाही, उद्योग आणि अगदी सैन्यावरही नियंत्रण ठेवतात. उरलेले ९० टक्के दलित, मागासवर्गीय, आदिवासी आणि अल्पसंख्याक समाजातील लोक कुठेच दिसत नाहीत.लष्करालाही जातीय राजकारणाचा रंग देण्याच्या राहुल गांधी यांच्या असंवेदनशीलतेवर टीकेची झोड उठली आहे.Rahul Gandhi’
या विधानानंतर विरोधकांनी राहुल गांधींवर “देशातील संस्था आणि सैन्याच्या एकतेला तडा देणारे” वक्तव्य केल्याचा आरोप केला आहे. काँग्रेस समर्थकांचे म्हणणे आहे की, त्यांनी फक्त सामाजिक असमतोलावर लक्ष वेधले आहे.Rahul Gandhi’
राहुल गांधींच्या या वक्तव्याने पुन्हा एकदा त्यांच्या राजकारणात “जातीय ध्रुवीकरण करून मतदारांची मने जिंकण्याचा प्रयत्न” दिसून आल्याची चर्चा रंगली आहे. त्यांच्या भाषणात देश दोन गटांत विभागून दाखवण्यात आला. एक लहानसा सत्ताधारी वर्ग, आणि दुसरा मोठा समाजघटक, ज्याला त्यांनी “मागास आणि वंचित भारत” असे संबोधले.
गांधी म्हणाले, “सर्व नोकऱ्या, सर्व निर्णय आणि नियंत्रण त्या १० टक्क्यांकडे आहे. सैन्यात, न्यायव्यवस्थेत, उद्योगात, प्रशासनात सगळीकडे तेच आहेत. उरलेल्या ९० टक्क्यांना प्रतिनिधित्व मिळत नाही.”
राजकीय विश्लेषकांचे म्हणणे आहे की हे विधान “फूट पाडणारे आणि तथ्यहीन” आहे. दिल्लीस्थित धोरण विश्लेषक प्रवीण चतुर्वेदी यांनी सांगितले, “भारतामध्ये सैन्य, न्यायव्यवस्था आणि नोकरशाही जात, धर्म किंवा प्रांतावर आधारित नसतात. अशा वक्तव्यांमुळे समाजात संशय आणि असंतोष निर्माण होऊ शकतो.”
राहुल गांधींनी केवळ सामाजिक संस्थाच नव्हे तर भारतीय सैन्यालाही या वादात ओढले. त्यांनी केलेले “१० टक्के लोक सैन्यावर नियंत्रण ठेवतात” हे विधान विशेषतः लष्करी वर्तुळात तीव्र प्रतिक्रिया निर्माण करणारे ठरले.
निवृत्त ब्रिगेडियर अरविंद सिंह म्हणाले, “भारतीय सैन्य हे धर्म, जात, भाषा आणि प्रांतीयतेच्या पलीकडचे संस्थान आहे. आम्ही एकच गोष्ट ओळखतो ती म्हणजे भारतमाता. अशा वक्तव्यांनी सैनिकांचा मनोबल कमी होतो आणि सैन्याच्या निष्ठेवर शंका निर्माण होते.”
राहुल गांधींनी लष्कराबाबत यापूर्वीही वादग्रस्त वक्तव्य केले आहे. काही महिन्यांपूर्वी ‘भारत जोडो यात्रा’ दरम्यान त्यांनी चीनबाबत विधान करताना म्हटले होते की “चीनी सैनिक अरुणाचल प्रदेशात भारतीय जवानांना मारहाण करत आहेत.” त्या वेळी सर्वोच्च न्यायालयाने त्यांना फटकारत सांगितले होते, “जर तुम्ही खरे भारतीय असाल, तर असे वक्तव्य करणार नाही.”
भाजपने राहुल गांधींवर देशातील संस्था कमजोर करण्याचा आरोप केला आहे. केंद्रीय मंत्री अनुराग ठाकूर म्हणाले, “राहुल गांधी देशातील सैन्य, न्यायव्यवस्था आणि लोकशाही संस्थांवर अविश्वास निर्माण करण्याचे काम करत आहेत. हे देशद्रोही वक्तव्य आहे.”
तर काँग्रेस प्रवक्ते जयराम रमेश यांनी प्रत्युत्तर देताना म्हटले, “राहुल गांधी यांनी फक्त सामाजिक वास्तव दाखवले आहे. त्यांनी कुठेही सैन्य किंवा न्यायव्यवस्थेचा अवमान केलेला नाही.”
बिहारमध्ये लवकरच विधानसभा निवडणुका होणार आहेत. त्यामुळे राहुल गांधींचे हे वक्तव्य निवडणूकपूर्व राजकीय वातावरण ढवळून काढणारे ठरले आहे. विरोधकांनी त्यांच्यावर “जातीय द्वेषाचे राजकारण करून मतांसाठी देशाची एकता धोक्यात घालण्याचा” आरोप केला आहे.
दरम्यान, काँग्रेसकडून अधिकृत निवेदन आलेले नसले तरी सोशल मीडियावर या विषयावर तीव्र चर्चा सुरू आहे. राजकीय तज्ज्ञांच्या मते, “राहुल गांधींची ही रणनीती अल्पकालीन राजकीय फायदा देईल, पण दीर्घकालीन दृष्टीने काँग्रेसला नुकसान पोहोचवू शकते.”
भारतीय समाजाची एकता आणि संस्थांची प्रतिष्ठा कायम राखण्यासाठी राजकारण्यांनी भाषणात संयम राखणे आवश्यक असल्याचे तज्ज्ञांचे मत आहे. राहुल गांधींच्या या विधानाने मात्र देशात पुन्हा एकदा “जात विरुद्ध राष्ट्र” या भावनांना पेटवले आहे.
“10% of Indians Control the Army, Judiciary, and Industry”, Rahul Gandhi’s Insensitive Attempt to Drag the Military into Caste Politics
महत्वाच्या बातम्या
- महिला डॉक्टरची आत्महत्या नसून संस्थात्मक हत्या, राहुल गांधी यांचा आरोप
- धंगेकर अन्यायविरोधात लढणारा कार्यकर्ता, पण आपल्याला महायुतीत दंगा नको, एकनाथ शिंदे यांची भूमिका
- मुरलीधर मोहोळांनी विशाल गोखलेंसाठी केला पदाचा गैरवापर, १९७ कोटींचा हवाई घोटाळ्याचा रवींद्र धंगेकरांचा आरोप
- पुण्यात जमिनीचा मोठा धिंगाणा, मुरलीधर मोहोळ यांच्या मंत्रिपदाचा राजीनामा घेण्याची विजय वडेट्टीवार यांची मागणी
