विशेष प्रतिनिधी
नवी दिल्ली : काँग्रेस नेत्या प्रियंका गांधी यांचे पती आणि उद्योगपती रॉबर्ट वड्रा यांच्या विरोधात अंमलबजावणी संचालनालयाने (ED) पुन्हा एकदा कारवाईची चक्रे फिरवली आहेत. २००८ साली हरियाणातील फरीदाबादजवळील अमीपुरा परिसरात झालेले शेकडो कोटींचे जमीन व्यवहार मनी लॉन्डरिंगप्रकरणी संशयाच्या भोवऱ्यात अडकले असून, वड्रा यांना या प्रकरणी चौकशी होत आहे. Robert Vadra
हे प्रकरण मनी लॉन्डरिंगशी संबंधित असून त्यामध्ये अनेक संशयास्पद आर्थिक व्यवहार झाल्याचा आरोप आहे. ईडीने आधीच काही महत्त्वाच्या दस्तऐवजांवर तपास सुरू केला असून, वड्रा यांची चौकशी ही तपासाच्या दृष्टिकोनातून निर्णायक ठरणार आहे.
हा जमीन व्यवहार हरियाणाच्या फरीदाबादजवळील अमीपुरा परिसरातील आहे. २००८ मध्ये काही कंपन्यांमार्फत भूखंड विकत घेण्यात आले होते. तपासानुसार, वड्रा यांच्या मालकीच्या किंवा संबंधीत असलेल्या कंपन्यांनी अत्यंत कमी दरात जमिनी विकत घेतल्या. काही वर्षांनी त्या उच्च दराने विकून कोट्यवधींचा नफा मिळवला. हा व्यवहार संदिग्ध असल्यामुळे त्यावर ‘बेनामी मालमत्ता’, ‘मनी लॉन्डरिंग’ व ‘आर्थिक फसवणूक’ अशा विविध कलमांतर्गत चौकशी सुरू आहे.
- Devendra Fadnavis : आजारांवर नियंत्रण ठेवण्यासाठी संयमी जीवनशैली आवश्यक, देवेंद्र फडणवीस यांचे आवाहन
याआधीही रॉबर्ट वड्रा यांची अंमलबजावणी संचालनालयाने काही वेळा चौकशी केली होती, विशेषतः लंडनमधील एका प्रॉपर्टीशी संबंधित प्रकरणात. मात्र, हरियाणा जमीन प्रकरणात त्यांची ही पहिली मोठी चौकशी मानली जात आहे. सूत्रांनी दिलेल्या माहितीनुसार, ईडीकडे प्राप्त झालेल्या दस्तऐवजांमध्ये काही नावे, आर्थिक व्यवहार आणि संदिग्ध ट्रान्सफर यांचा उल्लेख आहे, जे वड्रा यांच्या कंपन्यांशी संबंधित असल्याचा संशय आहे.
या संपूर्ण प्रकारावर काँग्रेसकडून तीव्र प्रतिक्रिया व्यक्त करण्यात आली आहे. पक्षाचे प्रवक्ते म्हणाले, “हे राजकीय हेतूंनी प्रेरित पावले आहेत. मोदी सरकार विरोधकांना अडचणीत आणण्यासाठी सरकारी यंत्रणांचा गैरवापर करत आहे.” प्रियांका गांधी यांनीदेखील यापूर्वी सार्वजनिकरित्या आपल्या पतीवरच्या आरोपांना खोडून काढले असून, त्यांना बदनाम करण्याचा प्रयत्न होत असल्याचे म्हटले आहे.
ईडीच्या चौकशीत वड्रा यांनी आज सहकार्य केले नाही, तर त्यांच्यावर कठोर कारवाई होऊ शकते. या प्रकरणात पुढे अटकही होण्याची शक्यता नाकारता येत नाही. ईडी यानंतर संबंधित कंपन्यांच्या आर्थिक नोंदी, व्यवहार, आणि त्यांच्याशी संबंधित अन्य व्यक्तींनाही चौकशीसाठी समन्स पाठवणार आहे.
ED action intensifies on Robert Vadra’s suspicious land deals; Investigation into major financial irregularities underway
महत्वाच्या बातम्या
- Girish Mahajan : तुम्ही राजकीय दलाली केल्यामुळेच उद्धवजींची सेना संपली, गिरीश महाजन यांचा संजय राऊत यांच्यावर पलटवार
- Rupali Chakankar : रुपाली चाकणकर काय रश्मिका मंदाना आहेत? सुषमा अंधारे यांचा सवाल
- Aditi Tatkare : सरकारी महिला कर्मचारी लाडकी बहीण लाभ चार महिन्यांपूर्वीच बंद, आदिती तटकरे यांची माहिती
- Raju Shetti : शेतकऱ्यांची भिकाऱ्याशी तुलना करणाऱ्या माणिकराव कोकाटेंना मंत्रिमंडळात ठेवू नका, राजू शेट्टी यांची मागणी
