विशेष प्रतिनिधी
नवी दिल्ली : पंतप्रधान नरेंद्र मोदी वयाची पंचाहत्तरी पूर्ण केल्यानंतर त्यांना निवृत्ती घ्यावी लागेल. राष्ट्रीय स्वयंसेवक संघाचे सरसंघचालक मोहन भागवत स्वतः 75 वर्षांचे झाल्यावर निवृत्ती स्वीकारतील. त्यामुळे मोदींवरही तो दबाव यावा यासाठी विरोधक पाण्यात देव टाकून बसले होते. मात्र सरसंघचालकांनी आपण निवृत्त होणार नसल्याचे स्पष्ट करून विरोधकांच्या मनसुब्यांना धक्का दिला आहे. Mohan Bhagwat
दिल्लीतील विज्ञान भवनात राष्ट्रीय स्वयंसेवक संघाच्या (RSS) शताब्दी वर्षानिमित्त तीन दिवसांच्या व्याख्यानमालेत सरसंघचालक मोहन भागवत यांनी दिलेला संदेश राजकीय वर्तुळात चर्चेचा विषय ठरला आहे. भागवत आणि पंतप्रधान नरेंद्र मोदी सप्टेंबरमध्ये ७५ वर्षांचे होणार असल्याने, भागवत काही संकेत देणार का, अशी उत्सुकता होती. पण भागवत यांनी स्पष्ट केले की ते निवृत्ती घेणार नाहीत, आणि संघाने विचारले तर ८० वर्षांपर्यंत पदावर राहतील. यामुळे मोदींच्या भविष्यासंदर्भात कुठलाही दुमत न ठेवता त्यांनी मोदींचं नेतृत्व २०२९ च्या निवडणुकीत सुरक्षित असल्याचे स्पष्ट केले. Mohan Bhagwat
पहिल्या दोन दिवसांत मुस्लिम नेत्यांना भागवत यांची मांडणी पसंत पडली. मात्र तिसऱ्या दिवशी प्रश्नोत्तर सत्रातही त्यांनी कोणताही विषय टाळला नाही. तरीही मुस्लिम नेते सावध राहिले, कारण प्रत्यक्ष कृती आणि भाषण यामध्ये दरी असल्याची त्यांची धारणा आहे.
संघाच्या च्या अनेक अजेंड्यांची अंमलबजावणी झाली आहे. शिक्षणसंस्था, राज्यपाल, कुलगुरू या पातळ्यांवर संघाचा प्रभाव वाढला आहे. मोदींनी स्वातंत्र्यदिनी लाल किल्ल्यावरून RSS चे कौतुक केले, यामुळे दोन्ही बाजूंची समजूत दृढ झाल्याचं दिसतं.भागवत यांनी बेकायदेशीर स्थलांतरितांवर कठोर भूमिका घेतली, १३० व्या घटनादुरुस्ती विधेयकाला पाठिंबा दिला आणि हिंदू सणांवर मांस न खाणे हा सौहार्दाचा भाग असू शकतो असे म्हटले. तरी पक्षाध्यक्ष निवडीत संघाचा मतप्रवाह महत्त्वाचा राहील, हे त्यांनी सूचित केले.
अयोध्यानंतर आता संघ कोणताही आंदोलन चालवणार नाही, पण स्वयंसेवकांना स्वातंत्र्य असल्याचे भागवत यांनी नमूद केले. त्यांनी मुस्लीम समाजाला काशीतील ज्ञानवापी आणि मथुरेतील ईदगाहवरील दावे सोडण्याचे आवाहन केले.
भागवत यांची प्रतिमा सौम्य असली तरी या भाषणातून त्यांनी संघाची मर्यादा आणि भाजपचे स्वातंत्र्य दोन्ही अधोरेखित केली. संघ ‘मानव निर्मिती’वर लक्ष केंद्रित करतो आणि राज्यकारभाराचा निर्णय भाजप नेत्यांकडेच राहतो, हे त्यांनी स्पष्ट केले.ही भूमिका RSS मध्ये आतल्या पातळीवर नवीन वाटचालीचा संकेत आहे की फक्त राजकीय वास्तवाचा स्वीकार आहे, हा प्रश्न अद्याप उभाच आहे. पण एवढं नक्की की २०२९ च्या निवडणुकीत नरेंद्र मोदींचं नेतृत्व आरएसएसच्या पाठिंब्याने अधिक घट्ट होणार आहे.
Mohan Bhagwat’s clear message: 2029 elections will be fought under the leadership of Narendra Modi
महत्वाच्या बातम्या
- किती माजलाय तो जरांग्या, भाषा मग्रुरीची : गुणरत्न सदावर्ते यांचा हल्लाबाेल
- मंत्र्याला काढण्याची घटनेतच तरतूद तर घटना दुरुस्ती कशासाठी, प्रकाश आंबेडकर यांचा सवाल
- न्यायदेवता अन्याय करणार नाही, मुंबईत जाणारच : मनाेज जरांगेंचा निर्धार
- एकेरी भाषा, आयाबहिणींवर अपशब्द खपवून घेणार नाही, चंद्रशेखर बावनकुळे यांचा मनाेज जरांगेंना इशारा
