उपमुख्यमंत्री अजित पवार यांच्या ताफ्यातील गाडीची धडक बसून नवरा–बायकोसह दोन लहान मुलांचा अपघात

विशेष प्रतिनिधी

बीड : बीड जिल्ह्यात धूनकवड फाटा परिसरात आज दुपारी उपमुख्यमंत्री अजित पवार यांच्या ताफ्यातील गाडीचा भीषण अपघात झाला. पवार धारूरवरून केजकडे जात असताना ताफा पुढे जात होता. त्याच वेळी अचानक एक दुचाकी समोर आल्याने ताफ्यातील पायलट वाहनाने जोरदार धडक दिली. या धडकेत दुचाकीवरील नवरा–बायको आणि दोन लहान मुलांसह चौघे गंभीर जखमी झाले. Ajit Pawar

स्थानिक नागरिकांनी तात्काळ धाव घेत मदतकार्य सुरू केले. जखमींना तातडीने धारूर ग्रामीण रुग्णालयात हलवण्यात आले. त्यापैकी दोन जणांची प्रकृती चिंताजनक असल्याची माहिती रुग्णालयाने दिली आहे. आवश्यक ते उपचार सुरू असून गंभीर जखमींना पुढील उपचारासाठी बीड जिल्हा रुग्णालयात हलवण्याचा विचार सुरू आहे.Ajit Pawar

हत्येच्या कटातील आराेपी जरांगेचेच कार्यकर्ते, धनंजय मुंडे यांचा खळबळजनक आराेप

धडकेत ताफ्यातील एक सुरक्षा रक्षकही जखमी झाल्याचे समोर येते. त्यालाही उपचारासाठी रुग्णालयात दाखल कर ण्यात आले आहे. अपघाताची माहिती मिळताच धारूर पोलिसांनी घटनास्थळी धाव घेत वाहतूक सुरळीत केली आणि पंचनामा सुरू केला.अपघाताचे कारण अद्याप स्पष्ट नाही.

घटनास्थळी काही काळ मोठी वाहतूक कोंडी झाली. उपमुख्यमंत्री अजित पवार ताफ्यासह सुरक्षित असल्याचे प्रशासनाने स्पष्ट केले आहे. पोलिसांनी संपूर्ण प्रकरणाचा तपास सुरू केला असून सीसीटीव्ही फुटेज मिळताच अपघाताचा नेमका क्रम स्पष्ट होणार असल्याचे सांगण्यात येत आहे.

accident after being hit by a vehicle in Deputy Chief Minister Ajit Pawar’s convoy;.

महत्वाच्या बातम्या

उपमुख्यमंत्री अजित पवार यांच्या ताफ्यातील गाडीची धडक बसून नवरा–बायकोसह दोन लहान मुलांचा अपघात