विशेष प्रतिनिधी
मुंबई : दिवंगत उपमुख्यमंत्री अजित पवार यांच्या विमानाचा अपघात झाला त्याच दिवशी व्हीएसआर कंपनीला क्लिन चिट देण्याचा प्रयत्न झाला असा धक्कादायक आराेप राष्ट्रवादी काॅंग्रेस शरद पवार गटाचे आमदार आणि अजित पवार यांचे पुतणे राेहित पवार यांनी केला आहे.Rohit Pawar
पत्रकारांशी बाेलताना राेहित पवार म्हणाले, २८ जानेवारी महाराष्ट्रासाठी आणि आमच्यासाठी काळा दिवस होता. अजित पवारांच्या विमानाचा अपघात झाला की घातपात झाला त्याची माहिती जनतेसमोर आली पाहिजे. डीजीसीए ( DGCA) कडून मंगळवारी एक अहवाल आला. त्यात व्हीएसआर VSR कंपनीतील त्रुटी समोर आल्यानंतर DGCA ने या कंपनीची लिअरजेट विमाने उड्डाण करण्यास बंदी आणली. मात्र त्या अहवालातही या कंपनीला वाचवण्याचा अप्रत्यक्ष प्रयत्न करण्यात आला. VSR कंपनी चूक असेल तर DGCA चीही चूक आहे. त्यामुळे त्यांच्यावर गुन्हा दाखल झाला पाहिजे. VSR कंपनीच्या मालकाला अटक केली पाहिजे.Rohit Pawar
पवार म्हणाले की, अपघाताच्या दिवशी २८ जानेवारीला DGCA ला एक अहवाल देण्यात आला होता. जेव्हा अजितदादांचा मृतदेह हॉस्पिटलमध्ये होता. अख्खा महाराष्ट्र शोकाकुल होता तेव्हा दुपारी १.३६ मिनिटांनी हा अहवाल दिला. त्यात VSR कंपनीला क्लीन चीट देण्याचा पहिला प्रयत्न झाला. लेव्हल १ बाबत कुठेही काही अडचण आम्हाला जाणवली नाही असं अहवालात म्हटलं होते. त्याशिवाय आम्ही ज्या मंत्र्यांचा राजीनामा मागतोय त्याच मंत्र्यांनी अपघाताच्या दिवशी कंपनीला क्लीनचीट देण्याचं विधान केले.Rohit Pawar
मंगळवारी जो अहवाल आला त्यात काही प्रमाणात म्हणजे नखाएवढाच दिलासा देण्याचा प्रयत्न झाला. व्हीएसआर कंपनीच्या अनेक त्रुटी ऑडिट टीमला जाणवून आल्या. विमान उड्डाणाच्या प्रमाणपत्रात त्रुटी आढळल्या. एअर सेफ्टी आणि फ्लाईट ऑपरेशनमध्येही त्रुटी दिसून आल्या. आम्ही पत्रकार परिषद घेऊन जो विषय मांडला. तेच VSR कंपनीच्या अहवालात दिसले. VSR कंपनीच्या कारभारात अनेक त्रुटी होत्या. आता तुम्ही बोलता, पण या महाराष्ट्राचा एक मोठा नेता गेला. २८ तारखेला क्लीनचीट देण्याचा प्रयत्न केला. परंतु महाराष्ट्रातील जनतेने, माध्यमांनी हा प्रश्न लावून धरला म्हणून मंगळवारी अहवाल दिला. मात्र या अहवालातही VSR कंपनीला वाचवण्याचा मार्ग ठेवला. VSR कंपनीतील ज्या त्रुटी आणि समस्या दिसून आल्या त्यातून लिअरजेटच्या विमानाचे उड्डाण थांबवण्याचे आदेश दिले. विमानातील त्रुटी दूर करण्याचं काम करा. त्यानंतर पुन्हा सुरू करण्यास अप्रत्यक्षपणे अहवालात सांगितले. केवळ दिखावा म्हणून हा अहवाल आणला गेला. लिअरजेटबाबत तुम्ही त्रुटी सांगता, इतर विमानांचे काय? VSR कंपनीची सगळीच विमाने ग्राऊंड करायला हवीत.Rohit Pawar
टीडीपीचे खासदार जे देशाचे नागरी वाहतूक मंत्री आहेत त्यांच्या नेत्याचे आणि VSR कंपनीचे मालक यांच्यात आर्थिक संबंध आहेत असा आरोप करत रोहित पवार म्हणाले, VSR कंपनीच्या मालकाला ताब्यात घेतले पाहिजे. DGCA च्या अधिकाऱ्यांनी ज्याकडे याकडे दुर्लक्ष केले त्यांचीही चौकशी केली पाहिजे. मी मरिन ड्राईव्ह पोलीस स्टेशनला जाऊन DGCA विरोधात जे VSR कंपनीशी जवळ आहेत त्यांच्यावर गुन्हा दाखल करण्याची मागणी करणार आहे. यामागे घातपाताचा विषय आहे. त्यामुळे अज्ञातावरही गुन्हा दाखल झाला पाहिजे. दादांचा अपघात की घातपात याच्या खोलात आम्ही जाणारच आहोत. लोकांसमोर हे सत्य आले पाहिजे. हे सत्य बाहेर आणण्यासाठी आम्ही लढायला तयार आहोत. यासाठी जो जबाबदार असेल त्याला शोधण्याचं काम आम्ही करणार आहोत. येणाऱ्या लोकसभा अधिवेशनात खासदारांनी हा मुद्दा संसदेत मांडावा. लोकसभेचे विरोधी पक्षनेते राहुल गांधी यांनी हा विषय घ्यावा. आज आमचा एफआयआर ( FIR) घेतला नाही तर उद्या बारामतीत लोकांसोबत जाऊन पोलीस ठाण्याबाहेर बसू. जोपर्यंत FIR होत नाही तोपर्यंत आम्ही उठणार नाही असा इशाराही रोहित पवारांनी दिला आहे.Rohit Pawar
Attempt to save VSR Airlines, Rohit Pawar demands registration of case
महत्वाच्या बातम्या
- शक्तीपीठ महामार्ग विरोधातील आंदोलन तीव्र करणार, राजू शेट्टी यांचा इशारा
- Rahul Gandhi राहुल गांधी यांची भिवंडी न्यायालयात हजेरी; भाजपने ठाण्यात दाखवले काळे झेंडे
- Bhiwgan Case : भिगवण प्रकरणातील तरुणीची सुधार गृहात रवानगी
- Muslim Reservation : मुस्लिम समाजाच्या आरक्षण रद्द विरोधात मुंबई हायकोर्टात याचिका
