Israel : इराणशी युद्धात इस्रायल दररोज किती पैसे खर्च करतोय? धक्कादायक रिपोर्ट आला समोर; जाणून घ्या, सविस्तर माहिती

विशेष प्रतिनिधी

नवी दिल्ली – इराण आणि इस्रायलमधील (Israel) युद्ध गेल्या आठ दिवसांपासून सुरू आहे. दोन्ही देश एकमेकांवर क्षेपणास्त्रे, ड्रोन आणि लढाऊ विमानांनी हल्ले करत आहेत. इस्रायल गाझामध्ये हमासशी लढत असताना, दुसऱ्या आघाडीवर इराणशीही झुंज देत आहे. या युद्धात, त्यांना लष्करी कारवायांवर दररोज लाखो डॉलर्स खर्च करावे लागले आहेत. एका अहवालानुसार, इस्रायलला इराणशी युद्धात दररोज ६२ अब्ज रुपये खर्च करावे लागत आहेत. Israel

इकॉनॉमिक टाईम्सच्या अहवालानुसार, इराणविरुद्धच्या सुरुवातीच्या लष्करी कारवायांमध्ये इस्रायलचा खर्च लक्षणीयरीत्या वाढला होता. इकॉनॉमिक टाईम्सने Ynet न्यूजच्या अहवालावर आधारित ही बातमी प्रकाशित केली आहे. या बातमीत, इस्रायली संरक्षण दलाच्या एका निवृत्त ब्रिगेडियरचा हवाला देत असे सांगण्यात आले की या कारवाईच्या पहिल्या ४८ तासांत इस्रायलने १.४ अब्ज डॉलर्स (१२५ अब्ज रुपये) खर्च केले आहेत.

अजित पवार आणि संजय शिरसाट यांच्यात समेट; निधी वाटपावरून निर्माण झालेला वाद मिटला

दिवस उलटत असताना हा खर्च वाढतच गेला. इराणसोबतच्या या युद्धात इस्रायल आता लष्करी कारवायांवर दररोज सुमारे ७२५ दशलक्ष डॉलर्स (६२ अब्ज रुपये) खर्च करत आहे. सरकारी आर्थिक सल्लागारांच्या मते, देश दररोज सुमारे ३०० दशलक्ष डॉलर्स (२६ अब्ज रुपये) फक्त जेट इंधन आणि शस्त्रास्त्रांवर खर्च करत आहे. Israel

युद्धामुळे देशाच्या देशांतर्गत उत्पादनावरही परिणाम होत आहे. त्याच वेळी, सैन्यावरील खर्चही वाढत आहे. राखीव असलेल्या लोकांना सैन्यात समाविष्ट करून युद्ध आघाडीवर तैनात केले जात आहे. राखीव लोकांना सैन्यात समाविष्ट करण्यासाठी दररोज २७ दशलक्ष डॉलर्स (२ अब्ज ३३ कोटी रुपये) खर्च केले जात आहेत.

इराणी क्षेपणास्त्रे रोखण्यासाठी वापरल्या जाणाऱ्या इंटरसेप्टर्सवर इस्रायलला दररोज खूप खर्च करावा लागतो. हे इंटरसेप्टर्स इस्रायलच्या क्षेपणास्त्र संरक्षणाचा एक महत्त्वाचा भाग आहेत आणि प्रत्येक हल्ल्याला प्रत्युत्तर देताना त्याचा खूप खर्च येतो. तसेच, इस्रायलमधील इमारतींना इराणच्या (Iran) हल्ल्यात खूप नुकसान झाले आहे. Israel

Israel : इराणशी युद्धात इस्रायल दररोज किती पैसे खर्च करतोय? धक्कादायक रिपोर्ट आला समोर; जाणून घ्या, सविस्तर माहिती