Esha Deol :पप्पांची प्रकृती स्थिर आणि ते बरे होत आहेत, धर्मेंद्र यांच्या निधनाच्या अफवा पसरविणाऱ्याना ईशा देओलने फटकारले

विशेष प्रतिनिधी

मुंबई : ज्येष्ठ अभिनेते धर्मेंद्र यांच्या प्रकृतीबाबत गेल्या काही दिवसांपासून विविध अफवा सोशल मीडियावर पसरत आहेत. काही माध्यमांनी तर त्यांच्या निधनाची बातमी प्रसिद्ध केली होती. मात्र, या सर्व वृत्तांना धर्मेंद्र यांची मुलगी ईशा देओल हिने स्पष्ट शब्दांत खंडन करत त्यांच्या चाहत्यांना दिलासा दिला आहे. ( My father is alive, his condition is improving, Esha Deol reprimands those who spread rumors of Dharmendra’s death)

• हत्येच्या कटातील आराेपी जरांगेचेच कार्यकर्ते, धनंजय मुंडे यांचा खळबळजनक आराेप

ईशा देओलने आपल्या इंस्टाग्रामवर पोस्ट करत म्हटले आहे, “ मीडिया पूर्णपणे खोट्या बातम्या पसरवत आहे. पप्पांची प्रकृती स्थिर आहे आणि ते बरे होत आहेत. आम्ही सर्वांना विनंती करतो की त्यांनी आमच्या कुटुंबाच्या गोपनीयतेचा आदर करावा. पप्पांच्या लवकर बरे होण्यासाठी प्रार्थना केल्याबद्दल धन्यवाद.”
तिच्या या पोस्टनंतर धर्मेंद्र यांच्या चाहत्यांमध्ये दिलासा आणि आनंदाचे वातावरण निर्माण झाले आहे. गेल्या काही दिवसांपासून धर्मेंद्र यांच्या प्रकृतीत बिघाड झाल्याच्या बातम्या समोर येत होत्या. त्यांना मुंबईतील ब्रीच कँडी हॉस्पिटलमध्ये दाखल करण्यात आल्याची माहिती समोर आली होती. मात्र, सोशल मीडियावर त्यांच्या निधनाच्या बातम्या पसरल्या. या पार्श्वभूमीवर ईशा देओलने पुढे येत स्वतः स्पष्टता दिली. तिच्या पोस्टनंतर धर्मेंद्र यांच्या प्रकृतीबाबतचे गैरसमज दूर झाले.
धर्मेंद्र यांच्या निधनाची बातमी समोर आल्यानंतर हेमा मालिनी यांनीही नाराजी व्यक्त केली आणि लिहिले आहे की, जे घडत आहे ते अक्षम्य आहे. जबाबदार चॅनेल्स उपचारांना प्रतिसाद देत असलेल्या आणि बरे होणाऱ्या व्यक्तीबद्दल खोट्या बातम्या कशा पसरवू शकतात? हे अत्यंत अनादरपूर्ण आणि बेजबाबदार वर्तन आहे. कृपया कुटुंबाचा आणि त्यांच्या गोपनीयतेच्या गरजेचा आदर करा.
देओल कुटुंबाने सर्व चाहत्यांना आणि माध्यमांना “धर्मेंद्र यांच्या आरोग्याबाबत चुकीच्या बातम्या पसरवू नका” असे आवाहन केले आहे. त्यांनी सांगितले की, “धर्मेंद्र यांच्या प्रकृतीवर डॉक्टर लक्ष ठेवून आहेत आणि ते हळूहळू बरे होत आहेत. चाहत्यांनी त्यांच्या लवकर बरे होण्यासाठी प्रार्थना करावी.”
धर्मेंद्र यांचे वय ८८ वर्षे असून, त्यांच्या चाहत्यांचा देशभरातून शुभेच्छा आणि प्रार्थनांचा वर्षाव सुरू आहे. ईशा देओलच्या या स्पष्ट पोस्टनंतर सोशल मीडियावर “#GetWellSoonDharmendra” हा ट्रेंड सुरू झाला आहे.

Pappa’s condition is stable and he is recovering, Esha Deol slams those spreading rumors about Dharmendra’s death