माझी उणीदुणी काढली तर मी तुम्हाला तसं सोडणार नाही असा इशारा उपमुख्यमंत्री अजित पवार यांनी विरोधकांना दिला. माळेगाव सहकारी साखर कारखान्याच्या निवडणुकीसाठी अजित पवार यांच्या उपस्थितीमध्ये सहा गटातील उमेदवारांच्या मुलाखती घेण्यात आल्या. त्यानंतर आयोजित केलेल्या पत्रकार परिषदेमध्ये बोलताना अजित पवार म्हणाले, माळेगाव कारखान्याबाबत विरोधकांकडून वेगवेगळे आरोप केले जात आहेत.
गोपीनाथ मुंडे यांनी चळवळीतून उभा केलेला पक्ष हा आता प्रोफेशनल झाला आहे. ज्यांच्याविरोधात मोर्चा काढला तेच आज भाजपसोबत सत्तेत आहेत. विशेष म्हणजे त्यांचे शिष्य समजल्या जाणाऱ्या देवेंद्र फडणवीसांनी पक्षाची ही अवस्था केली याची खंत आहे असा आरोप मनसेचे नेते प्रकाश महाजन यांनी केला आहे.
आपण उद्धवजींना आणि त्यांच्या शिवसेनेला शरद पवार आणि काँग्रेसच्या मांडीवर नेऊन बसवले. त्यामध्ये एवढी दलाली केली, तेवढी दलाली आजपर्यंत कोणीही केली नसेल. तुम्ही राजकीय दलाली केल्यामुळेच उद्धवजींची सेना संपली आहे, असा पलटवार जलसंपदा मंत्री गिरीश महाजन यांनी केला आहे.
विरोधक प्रसिद्धी मिळवण्यासाठी माझ्यावर आणि महिला आयोगावर टीका करतात, या रुपाली चाकणकर यांच्या वक्तव्याविषयी सुषमा अंधारे म्हणाल्या, रुपाली चाकणकर कोण आहेत? चाकणकर रश्मिका मंदाना आहेत की स्मृती इराणी आहेत? त्या कोणत्या क्षेत्रातील सुप्रीमो आहेत. राजकारण, बॉलीवूड की प्रशासन कशातील सुप्रीम आहेत, की त्यांच्यावर बोलल्याने प्रसिद्धी वगैरे मिळते. काही लोकांना फारच मोठे गैरसमज असतात. त्यांनी या अंधश्रद्धेतून जितक्या लवकर शक्य तितक्या लवकर बाहेर यावे.
सरकारी महिला कर्मचारी लाडकी बहीण योजनेचा लाभ घेत आहेत हे चार महिन्यापूर्वीच्या तपासणीतच लक्षात आले होते तेव्हापासूनच त्यांना लाभ देणे बंद केले आहे, अशी माहिती महिला आणि बालविकास मंत्री आदिती तटकरे यांनी पत्रकारांशी बोलताना दिली.
मंत्रिमंडळाच्या बैठकीत कुर्ल्यातील मदर डेअरीची जागा धारावी प्रकल्पाला देण्याच्या निर्णयावर शिक्कामोर्तब झाले आहे. कुर्ल्यातील जवळपास 8.05 हेक्टर जागा धारावी पुनर्विकासाला देण्यात आली आहे.
पुढच्या काही दिवसात ठाकरे गटात आणखी एक भूंकप होऊ शकतो, असा जलसंपदा मंत्री गिरीश महाजन यांनी केलेला दावा खरा ठरण्याची चिन्हे आहेत. नाशिक मधील ठाकरे गटाचे अनेक नेत्यांनी आपण पक्षात नाराज असल्याचे सांगितले आहे.
“कृषिमंत्री माणिकराव कोकाटे यांना बेजबाबदार वक्तव्य करायची सवय लागली आहे. त्यांनी शेतकऱ्यांची थेट भिकाऱ्याशी तुलना केली आहे. अशा मंत्र्याला मंत्रिमंडळात ठेवू नये. अजित पवार यांचेही याच मत आहे,” अशी तीव्र मागणी स्वाभिमानी शेतकरी संघटनेचे अध्यक्ष आणि माजी खासदार राजू शेट्टी यांनी केली आहे.
भारतीय जनता पक्षाचे ज्येष्ठ नेते तथा माजी केंद्रीय मंत्री स्वर्गीय गोपीनाथ मुंडे यांच्या कार्यक्रमात पंकजा मुंडे-धनंजय मुंडे 11 वर्षानंतर गोपीनाथ मुंडेंच्या पुण्यतिथीला एकत्र येत आहे. राष्ट्रवादी आमचा मित्रपक्ष असल्याने त्या पक्षातील नेत्यांना निमंत्रण दिले असल्याचे पंकजा मुंडे यांनी सांगितले.
माझ्या सख्ख्या भाच्याला मंत्री गिरीश महाजन यांनी खोट्या गुन्ह्यात अडकविल्याने त्याला विनाकारण सात वर्ष कारागृहात काढावे लागले असल्याचा आरोप एकनाथ खडसे यांनी केला आहे.
“बंगालमध्ये तुष्टीकरणाचे दिवस आता संपले आहेत.२०२६ च्या विधानसभेच्या निवडणुकांमध्ये भाजपला हिंदू मतदार तसेच महिला वर्गाचा भक्कम पाठिंबा मिळणार असून, त्यामुळे सध्याचे तृणमूल सरकार हद्दपार होईल, असा विश्वास केंद्रीय गृह मंत्री अमित शहा यांनी व्यक्त केला.
सामाजिक न्याय विभागाची वसतिगृहे तीन तारांकित (थ्री स्टार) केली जाणार आहेत. राज्यभरातील १२५ वसतिगृहांसाठी १२०० कोटींची तरतूद करण्यात आली आहे, अशी माहिती सामाजिक न्याय मंत्री संजय शिरसाट यांनी दिली.