पुणे व मुंबईत मान्सून दाखल झाला असून पुढील ४ दिवस जोरदार पावसाचा इशारा भारतीय हवामान विभागाने दिला आहे. भारतीय हवामान विभागाचे (IMD) पुणेचे शास्त्रज्ञ एस.डी.सानप यांच्या माहितीप्रमाणे, काल तळ कोकणात मान्सून दाखल झाला असून आज मुंबईत देखील मान्सून पोहोचला आहे.
नागपूरच्या रहिवासी सुनिता जमगडे यांच्या बेपत्ता होण्याच्या प्रकरणाने गेल्या काही दिवसांपासून खळबळ उडवली होती. अखेर, जम्मू-कश्मीरमधील कारगिलजवळील हुंडरमन गावातून नियंत्रण रेषा (एलओसी) ओलांडून पाकिस्तानात गेल्याचे स्पष्ट झाले आहे.
शेवगाव-पाथर्डी महामार्गावर रविवारी दुपारी मुसळधार पावसात दोन दुचाकींची जोरदार धडक होऊन भीषण अपघात घडला. या दुर्घटनेत तीन जण गंभीर जखमी झाले. याचवेळी घटनास्थळाजवळून प्रवास करत असलेल्या महाराष्ट्राच्या महिला व बालकल्याण राज्यमंत्री मेघना बोर्डीकर यांनी प्रसंगावधान राखत तात्काळ आपला ताफा थांबवला आणि अपघातग्रस्तांच्या मदतीसाठी धावून गेल्या.
गेल्या अनेक दिवसांपासून राष्ट्रवादी अजित पवार गट आणि राष्ट्रवादी शरद पवार गट हे दोन्ही पक्ष पुन्हा एकदा एकत्र येणार असल्याची चर्चा राजकीय वर्तुळात रंगली आहे. राष्ट्रवादीच्या खासदार सुनेत्रा पवार यांनी हात जोडत या विषयावर अधिक बोलणं टाळलं आहे.
महिला आयोग अध्यक्षांविरोधात सोशल मीडियावर पोस्ट लिहिली म्हणून कार्यकर्त्यांना धमकवण्याच्या सुपाऱ्या दिल्या जात आहेत. महिलांना काय विरोध करण्याचीही मुभा राहिली नाही का?” असा सवाल राष्ट्रवादी काँग्रेस (शरद पवार गट) महिला प्रदेशाध्यक्षा रोहिणी खडसे यांनी केला आहे.
मला एकट्याला मंत्रिपद मिळाले असले तरी माझ्या कार्यकर्त्यांना देखील सत्तेचा सहभाग मिळायला हवा अशी मागणी करत आमच्यावर अन्याय होतोय, अशा शब्दात केंद्रीय समाज कल्याण राज्य मंत्री रामदास आठवले यांनी महायुतीवर नाराजी व्यक्त केली आहे. शरद पवारांच्या काळात आम्हाला सत्तेत वाटा मिळत होता असेही ते म्हणाले.
उपोषणामुळे माझं शरीर मला साथ देत नाही, पण अर्धवट आंदोलन करुन मरणार नाही, मराठ्यांना आरक्षण देऊनच मी मरणार, असा निर्धार मराठा आंदोलक मनोज जरांगेंनी व्यक्त केला .
देशाचे खरे हिरो पंतप्रधान नरेंद्र मोदी आहेत अशा शब्दांत आंध्र प्रदेशचे उपमुख्यमंत्री आणि दाक्षिणात्य चित्रपटसृष्टीतील सुपरस्टार पवन कल्याण यांनी केली आहे. त्यांची ही पोस्ट व्हायरल झाली आहे. या पोस्ट सोबत त्यांनी पंतप्रधानांसोबतचा फोटोही पोस्ट केला असून त्यामध्ये उपमुख्यमंत्री अजित पवार आणि एकनाथ शिंदे हे देखील आहेत.
जग आता भारताकडे एका महासत्तेच्या नजरेने पाहत आहे. आम्ही केवळ आक्रमणासाठी नव्हे, तर स्वतःचे रक्षण करण्यासाठी पावले उचलतो. आणि जगानेही मान्य केले की भारताला स्वतःचे रक्षण करण्याचा अधिकार आहे, असे काँग्रेसचे ज्येष्ठ नेते आणि सर्वपक्षीय शिष्टमंडळाचे सदस्य सलमान खुर्शीद यांनी सेऊलमध्ये भारताची भूमिका मांडताना सांगितले.
राष्ट्रीय जनता दलाचे (RJD) अध्यक्ष आणि बिहारचे माजी मुख्यमंत्री लालू प्रसाद यादव यांनी मोठ्या मुलगा तेज प्रताप यादव यांना पक्षातून आणि कुटुंबातून हकालपट्टी केल्याची घोषणा केली आहे. सोशल मीडियावर तेज प्रताप यांचे अनुष्का यादव नावाच्या महिलेसोबतचे खासगी फोटो आणि व्हिडिओ व्हायरल झाल्याच्या पार्श्वभूमीवर हा निर्णय घेण्यात आला आहे. या प्रकरणामुळे यादव कुटुंब आणि पक्षात मोठा वाद निर्माण झाला असून, राजकीय वर्तुळातही याची तीव्र प्रतिक्रिया उमटली आहे.
दिल्ली-मुंबई एक्स्प्रेसवेवर एका महिलेसोबत अश्लील कृत्य करतानाचा सीसीटीव्ही व्हिडिओ सोशल मीडियावर व्हायरल झाल्यानंतर मध्य प्रदेशातील मनोहरलाल ढाकड यांना मंदसौर पोलिसांनी अटक केली आहे. १३ मे रोजी भानपूरा पोलीस ठाण्याच्या हद्दीत ही घटना घडली असून, हाय रिझोल्यूशन सीसीटीव्ही कॅमेऱ्यांमुळे ही कृती स्पष्टपणे कैद झाली होती.
पहलगाममध्ये हल्लेखोरांनी पीडितांचा धर्म विचारून त्यांना गोळ्या घातल्या. यात कोणतीही चूक किंवा चुकून झालेले कृत्य नव्हते. ही एक योजनाबद्ध केलेली धार्मिक हत्या होती. २६ जणांचा बळी गेलेल्या या हल्ल्यात २५ भारतीय आणि १ नेपाळी नागरिक होते. बहुतेक सर्वजण हिंदू होते, असे काँग्रेसचे खासदार आणि केंद्र सरकारच्या सर्वपक्षीय शिष्टमंडळाचे सदस्य शशि थरूर यांनी अमेरिकेतील भारतीय दूतावासात आयोजित कार्यक्रमात बोलताना सांगितले.