Author name: Bakhar Live

राज्यात गृहनिर्माण सोसायट्यांच्या व्यावसायिक गाळ्यात बियर किंवा दारुचे दुकान सुरु करायचे असेल तर यापुढे संबंधित सोसायटीचे ‘ना हरकत प्रमाणपत्र’ बंधनकारक राहील. सोसायटीच्या ‘ना हरकत प्रमाणपत्रा’शिवाय राज्यात नवीन बियर शॉपी किंवा दारु दुकान सुरु करता येणार नाही, अशी रोखठोक आणि स्पष्ट भूमिका उपमुख्यमंत्री अजित पवार यांनी विधानसभेत जाहीर केली.

एकनाथ शिंदे यांच्या मुख्यमंत्री पदाच्या कार्यकाळात सुरु झालेल्या योजनांवर अजित पवार यांचे कुऱ्हाड चालविणे सुरूच आहे. शिंदे यांची आनंदाचा शिधा योजना बंद केल्याची चर्चा आहे. या योजनेसाठी अर्थसंकल्पात निधीची तरतूदच करण्यात आलेली नाही.