पाकिस्तानी कवीची शायरी सुनावत परवेश वर्मा यांनी उडविली अरविंद केजरीवाल यांची टर

विशेष प्रतिनिधी

नवी दिल्ली : दिल्लीचे माजी मुख्यमंत्री आणि आपचे सर्वेसर्वा अरविंद केजरीवाल यांच्या अहंकारी स्वभावावरून भाजप नेते आमदार परवेश वर्मा यांनी त्यांची चांगलीच टर उडविली आहे. Arvind Kejriwal

वर्मा यांनी एक्स या सोशल नेटवर्किंग साईटवर एक व्हिडिओ शेअर केला आहे. ज्यामध्ये अरविंद केजरीवाल यांनी पंतप्रधान नरेंद्र मोदी यांना दिल्लीत आपला हरवणे शक्य नाही आणि त्यांना पुन्हा जन्म घ्यावा लागेल, असे म्हटले आहे. भाजपाचे विधानसभा सदस्य वर्मा यांनी रविवारी पाकिस्तानी कवी हबीब जालिब यांच्या कवितेचा उल्लेख करून केजरीवाल यांची टर उडवली.

वर्मा यांनी सोशल मीडियावर 33-सेकंदाचा एक व्हिडिओ शेअर केला. ज्यामध्ये जालिब यांच्या कवितेचा उल्लेख करताना म्हटले आहे, “तुम से पहले वो जो एक शख्स याँ तख्त-नशीं था, उसको भी अपने खुदा होने पे इतना ही यकीं था,” याचा अर्थ, “तुमच्या आधी जो सिंहासनावर बसला होता, त्यालाही स्वतःला ईश्वर समजण्याचा अभिमान होता.” या कवितेचा उपयोग करून वर्मा यांनी केजरीवाल यांची टिंगल केली,

Ajit Pawar तुमची भावकी टक्केवारी घेऊन पैसे खाते, अजित पवारांकडेच थेट तक्रार

वर्मा यांनी शेअर केलेल्या व्हिडिओमध्ये केजरीवाल यांचा एक भाषण क्लिप आहे, ज्यामध्ये ते म्हणत आहेत, “मी मोदीजींना आव्हान देतो, तुम्ही या जन्मात दिल्लीत आम्हाला हरवू शकत नाही. तुम्हाला पुन्हा जन्म घ्यावा लागेल.” त्यानंतर व्हिडिओमध्ये पंतप्रधान मोदी यांचा प्रतिसाद दाखवला आहे, ज्यामध्ये ते आप वर टीका करताना म्हणतात, “दिल्लीत फक्त एकच घोष आहे. आम्ही ‘आपदा’ सहन करणार नाही, आम्ही बदल घडवून आणू.

दिल्ली विधानसभा निवडणुकीत जनतेने भाजपला स्पष्ट बहुमत दिले असून आम आदमी पक्षाला मोठ्या पराभवाचा सामना करावा लागला आहे. तर एकेकाळी दिल्लीतील सत्तेत वर्चस्व असलेल्या काँग्रेसला भोपळाही फोडता आलेला नाही. जनतेने 48 जागांवर भाजपला कौल दिला असून तब्बल 27 वर्षानंतर दिल्लीत भाजपची सत्ता आली आहे. तर, गेल्या निवडणुकीत 62 जागा जिंकणाऱ्या ‘आप’ला या निवडणुकीत 22 जागांवर समाधान मानावं लागलं.

पाकिस्तानी कवीची शायरी सुनावत परवेश वर्मा यांनी उडविली अरविंद केजरीवाल यांची टर