विशेष प्रतिनिधी
कल्याण: “फ्लॅटमधील बाथरूमचा नळ चालू राहिला आहे आणि तिथे एक डेड बॉडी ठेवली आहे…”, एका आरोपी महिलेने घरमालकाला पाठवलेल्या या एका धक्कादायक व्हॉईसमेलने कल्याण पोलिसांच्या तपासाला वेगळाच वळण दिलं. कल्याणमधील मलंग रोडवर असलेल्या नीलकंठ सोसायटीत घडलेल्या या हायप्रोफाईल मर्डरने Murder संपूर्ण परिसरात प्रचंड खळबळ उडवून दिली आहे.
प्रियकराची डोक्यात वार करून निर्घृण हत्या केल्यानंतर, आरोपी महिलेने अत्यंत थंड डोक्याने त्याचा मृतदेह एका पोत्यात भरला. पुरावे नष्ट करण्यासाठी तिने तब्बल २४ तास बाथरूमचा नळ सुरूच ठेवला, जेणेकरून मृतदेह पाण्यात भिजून लवकर सडावा आणि रक्ताचे डागही वाहून जावेत. हा क्रूर ‘वॉटर प्लॅन’ आखून महिला थेट कोलकात्याच्या दिशेने फरार झाली. मात्र, पळून गेल्यानंतर तिने घरमालकाला पाठवलेल्या एका व्हॉईसमेलमुळे या संपूर्ण थराराचा उघडकीस आला आहे.
गेल्या दोन-तीन दिवसांपासून नीलकंठ सोसायटीतील या बंद घरातून प्रचंड दुर्गंधी येत होती. त्यातच फरार झालेल्या आरोपी महिलेचा घरमालकाला तो धक्कादायक व्हॉईसमेल आला. मेसेज ऐकताच हादरलेल्या घरमालकाने क्षणाचाही विलंब न करता तात्काळ मानपाडा पोलिसांना याची माहिती दिली. पोलिसांनी घटनास्थळी धाव घेत दरवाजा तोडून आत प्रवेश केला. बाथरूमच्या दिशेने गेल्यावर पोलिसांना एक संशयास्पद गोणी आढळून आली, ज्यात मृतदेह अत्यंत सडलेल्या अवस्थेत होता.
पोलिसांची पथके कोलकात्याकडे रवाना;
मानपाडा पोलिसांनी याप्रकरणी हत्येचा गुन्हा दाखल केला असून घटनास्थळी फॉरेन्सिक पथकाने पाहणी करून महत्त्वाचे पुरावे गोळा केले आहेत. व्हॉईसमेलच्या महत्त्वाच्या धाग्यावरून पोलिसांनी आपली तपासाची चक्रे वेगाने फिरवली असून आरोपी महिलेच्या अटकेसाठी पोलिसांची विशेष पथके थेट कोलकात्याकडे रवाना झाली आहेत. हत्येमागील नेमके कारण काय होते आणि यामध्ये आणखी कोणाचा सहभाग आहे का, याचा तपास सध्या पोलीस करत आहेत.
नेमकं प्रकरण काय?
प्रेयसीनेच आपल्या प्रियकराची हत्या केली असावी असा पोलिसांना संशय आहे. हत्या केल्यानंतर पुरावे नष्ट करण्यासाठी बाथरूमचा नळ सुरू ठेवून ती कोलकात्याला पसार झाल्याचे मानले जात आहे. पोलिसांनी दिलेल्या माहितीनुसार, गेल्या दोन ते तीन दिवसांपासून परिसरातील लोकांना या बंद फ्लॅटमधून प्रचंड दुर्गंधी येत होती . दुर्गंधी वाढतच गेल्याने त्यांनी तात्काळ मानपाडा पोलिसांना याची माहिती दिली. पोलिसांचे पथक जेव्हा अपार्टमेंटमध्ये पोहोचले, तेव्हा त्यांना घर बाहेरून लॉक असल्याचे आढळले. पोलिसांनी दरवाजा तोडून आत प्रवेश केला आणि झडती घेतली असता, बाथरूममध्ये ठेवलेल्या एका ड्रममध्ये मोठी गोणी आढळून आली. ती गोणी उघडली असता, पोलिसांना आत त्या तरुणाचा अत्यंत सडलेल्या अवस्थेतील मृतदेह आढळला, ज्याचे अनेक तुकडे करून ते ड्रममध्ये भरले होते.
गुन्हा लपवण्याच्या उद्देशाने मृतदेह ड्रममध्ये भरण्यापूर्वी धारदार शस्त्राने हल्ला करण्यात आला होता. हत्या केल्यानंतर आरोपी महिलेने जाणीवपूर्वक बाथरूमचा नळ चालू ठेवला होता, असा संशयही पोलिसांनी व्यक्त केला आहे. पाण्याच्या सततच्या प्रवाहामुळे मृतदेह लवकर सडावा आणि रक्ताचे डाग किंवा इतर फॉरेन्सिक पुरावे धुऊन जावेत, या हेतूने तिने हे केल्याचे तपास अधिकाऱ्याचे म्हणणे आहे.मृत व्यक्ती आणि आरोपी महिला यांच्यातील संबंध, हत्येमागील संभाव्य कारण आणि हा गुन्हा आधीच आखलेला कट होता का, या सर्व बाबींचा पोलीस सर्व बाजूंनी तपास करत आहेत. मात्र, हत्येचा नेमका घटनाक्रम आणि कारण हे पूर्ण तपासानंतर तसेच शवविच्छेदन आणि फॉरेन्सिक अहवाल आल्यानंतरच स्पष्ट होईल, असेही त्यांनी स्पष्ट केले.
“There’s a body in the flat” – voicemail sent by a woman to the landlord sparks a sensation.
महत्वाच्या बातम्या
- Dr Kumar Saptarshi : ज्येष्ठ समाजवादी विचारवंत डॉ. कुमार सप्तर्षी यांचे निधन
- मुख्यमंत्री देवेंद्र फडणवीस यांच्या वाढदिवशी जाहिरात, होर्डिंग, उत्सव नको! पक्षातर्फे आवाहन
- पुण्याची वाहतूककोंडी फोडणार तीन महामार्ग, मुख्यमंत्री देवेंद्र फडणवीस यांची माहिती
- आपलं म्हणणं खरं करणं यालाच हुकूमशाही म्हणतात, उद्धव ठाकरे यांची टीका
