विशेष प्रतिनिधी
नवी दिल्ली: संसदेत ई-सिगारेट ओढल्याच्या आरोपावरून तृणमूल काँग्रेसचे (TMC) खासदार कीर्ती आझाद पुन्हा एकदा वादाच्या भोवऱ्यात सापडले आहेत. भाजपने सोशल मीडियावर एक व्हिडिओ शेअर करत गंभीर आरोप केले असून, या प्रकरणावर पश्चिम बंगालच्या मुख्यमंत्री ममता बॅनर्जी यांनी स्पष्टीकरण द्यावे, अशी मागणी केली आहे. Kirti Azad
भाजप आयटी सेल प्रमुख अमित मालवीय यांनी 17 डिसेंबर रोजी ‘X’ (माजी ट्विटर) वर एक व्हिडिओ पोस्ट केला. या व्हिडिओत कीर्ती आझाद हातात एक वस्तू लपवून ती तोंडाकडे नेताना दिसत आहेत, असा दावा भाजपने केला आहे. भाजपचा आरोप आहे की ही वस्तू ई-सिगारेट असून, खासदार संसदेतच धूम्रपान करत होते.
मालवीय यांनी म्हटले आहे की “संसदेत ई-सिगारेट ओढल्याचा आरोप ज्या टीएमसी खासदारावर करण्यात आला आहे, ते म्हणजे कीर्ती आझाद. नियम आणि कायद्यांना यांच्यासाठी काहीच अर्थ नाही. संसदेत बसून हातात ई-सिगारेट लपवून ओढण्याची हिंमत कशी काय? धूम्रपान कायदेशीर असले, तरी संसदेत ते अजिबात स्वीकारार्ह नाही. ममता बॅनर्जी यांनी आपल्या खासदाराच्या गैरवर्तनावर स्पष्टीकरण द्यावे.”
या आधी भाजप खासदार अनुराग ठाकूर यांनी लोकसभा अध्यक्ष ओम बिर्ला यांचे लक्ष वेधत, काही टीएमसी खासदार संसदेत सातत्याने ई-सिगारेट ओढत असल्याचा आरोप केला होता.“संसदेत ई-सिगारेट ओढण्याची परवानगी आहे का?” असा थेट प्रश्न ठाकूर यांनी उपस्थित केला होता.
त्यावर लोकसभा अध्यक्षांनी स्पष्ट केले की, संसदेत कोणत्याही प्रकारचे धूम्रपान करण्यास मनाई आहे आणि असे प्रकार आढळल्यास योग्य ती कारवाई केली जाईल.
हे प्रकरण नव्याने उघडकीस आलेले नाही. याआधी टीएमसीचे खासदार सौगत रॉय यांनाही संसद भवनाबाहेर ई-सिगारेट ओढताना पकडण्यात आल्याचा दावा झाला होता. तसेच काही दिवसांपूर्वी महुआ मोइत्रा यांच्याविरोधातही अशाच आरोपांमुळे वाद निर्माण झाला होता.
भाजपने आता या मुद्द्यावर आक्रमक भूमिका घेतली असून, संसदीय शिस्त आणि नियमांचे उल्लंघन झाल्याचा आरोप केला आहे. लोकसभा अध्यक्षांकडून यावर काय कारवाई होते आणि टीएमसी किंवा ममता बॅनर्जी यांची भूमिका काय असते, याकडे देशाचे लक्ष लागले आहे.
The TMC MP accused by BJP MP Anurag Thakur of vaping inside Parliament is none other than Kirti Azad. For people like him, rules and laws clearly hold no meaning. Just imagine the audacity, hiding an e-cigarette in his palm while in the House!
Smoking may not be illegal, but… pic.twitter.com/kZGnYcP0Iu
— Amit Malviya (@amitmalviya) December 17, 2025
TMC MP Kirti Azad in controversy, video goes viral from BJP
महत्वाच्या बातम्या
- राज्य निवडणूक आयोगाच्या आयुक्तांना हटवण्यासाठी काँग्रेस आक्रमक, नाना पटोले मांडणार ठराव
- Padalkar–Awhad : पडळकर – आव्हाड राड्यात कार्यकर्त्यांना शिक्षा, समितीने केली कारवाईची शिफारस
- चऱ्होली येथे व्यावसायिकाच्या डोक्यात गोळ्या घालून ठार केल्याच्या गुन्ह्यात फरार माजी नगरसेवक किसन तापकीरवर मोक्का
- निवडणूक 20 दिवस पुढे ढकलून निकाल फिरवण्याचे काम, विजय वडेट्टीवार यांचा महायुतीवर आरोप
