MLA Shrinivas Vanga : उमेदवारी नाकारल्याने नाराज आमदार नॉट रिचेबल, मनात आत्महत्येचा विचार असल्याचा कुटुंबाच दावा

विशेष प्रतिनिधी

मुंबई : MLA Shrinivas Vanga शिवसेना शिंदे गटातून उमेदवारी मिळाली नसल्याने एक विद्यमान आमदार चक्क गायब झाले आहेत. त्यांच्या मनात आत्महत्येचे विचार घोळत होते, अशी माहिती त्यांच्या पत्नीने दिली आहे. MLA Shrinivas Vanga

महायुतीमध्ये पालघरच्या जागेवर एकनाथ शिंदेंच्या शिवसेनेकडून राजेंद्र गावित यांना उमेदवारी जाहीर करण्यात आली आहे. त्यामुळे पालघर विधानसभा मतदारसंघाचे शिंदे गटाचे विद्यमान आमदार श्रीनिवास वनगा हे नाराज झाले आहेत. विधानसभेची उमेदवारी न मिळाल्यामुळे श्रीनिवास वनगा हे प्रचंड मानसिक तणावाखाली आहेत. त्यांच्या मनात आत्महत्येचे विचार होते असे त्यांच्या पत्नीने सांगितले. MLA Shrinivas Vanga

Sachin Sawant : सचिन सावंतावर वरुण सरदेसाई भारी, गळ्यात मारली अंधेरी, सावतांनी नाकारली उमेदवारी

गेल्या १२ तासांपासून श्रीनिवास वनगा हे नॉट रिचेबल आहेत. श्रीनिवास वनगा हे काल संध्याकाळी सात ते साडेसातच्या सुमारास घराबाहेर पडले. त्यांनी घरातून बाहेर पडताना आपण कुठे जातोय हे कोणालाही सांगितलं नाहीत. त्यांचे दोन्हीही फोन बंद आहेत. श्रीनिवास वनगा हे घराबाहेर पडून आता १२ तास उलटले आहेत. त्यांनी कोणाशीही संपर्क साधलेला नाही. यामुळे श्रीनिवास वनगा यांच्या कुटुंबियांची चिंता वाढली आहे. सध्या श्रीनिवास वनगा यांचा पोलीस शोध घेत आहेत.

MLA Shrinivas Vanga : उमेदवारी नाकारल्याने नाराज आमदार नॉट रिचेबल, मनात आत्महत्येचा विचार असल्याचा कुटुंबाच दावा