विशेष प्रतिनिधी
पुणे: मुंढवा भूखंड घोटाळ्यात उपमुख्यमंत्री अजित पवार यांचे पुत्र पार्थ पवार अडचणीत आले आहेत. सामाजिक कार्यकर्त्या अंजली दमानिया व विजय कुंभार यांनी या प्रकरणी पार्थ पवार व शितल तेजवानी यांच्यात झालेल्या पॉवर ऑफ अटॉर्नी (मुखत्यारपत्र) व्यवहाराशी संबंधित महत्त्वाचे दस्तऐवज समोर आणले आहेत. या दस्तऐवजांवर दोन्ही पक्षांच्या स्वाक्षऱ्या आहेत. Mundhwa Land Scam
अंजली दमानिया व विजय कुंभार यांनी पत्रकार परिषदेत पार्थ पवार व शितल तेजवानी यांच्या पॉवर ऑफ अटॉर्नीचे दस्तऐवज उघड केले. ही दस्तऐवज या प्रकणातील एक संशयित दिग्विजय पाटील व शितल तेजवानी यांचे वकील तृप्ता ठाकूर यांनीच मिळवले आहेत. त्यांनी दमानिया यांना दिले आहेत. या प्रकरणात पार्थ पवार यांचे नाव वारंवार समोर येत आहे. पण त्यानंतरही त्यांच्यावर कोणतीही थेट कारवाई होत नाही. उलट दिग्विजय पाटील व शितल तेजवानी यांनाच सातत्याने चौकशी व त्रासाला सामोरे जावे लागत आहे. यामुळे तृप्ता ठाकूर यांनी पार्थ पवारांविरोधातील दस्तऐवज समोर आणली आहेत, असे अंजली दमानिया यांनी सांगितले आहे.
विजय कुंभार यांनी यावेळी हे सर्व दस्तऐवज पूर्वीपासूनच पोलिसांकडे उपलब्ध असल्याचाही दावा केला. शितल तेजवानी यांनी 2021 मध्ये पॉवर ऑफ अटॉर्नीद्वारे सर्व व्यवहारांचे अधिकार दिले होते. या संदर्भातील सर्व माहिती व दस्तऐवज पूर्वीपासूनच पोलिसांकडे उपलब्ध आहेत. पण त्यानंतरही या प्रकरणी पार्थ पवारांवर कोणतीही कारवाई झाली नाही. यामुळे संशय बळावत आहे, असे ते म्हणालेत.
अंजली दमानिया म्हणाल्या, प्रस्तुत प्रकरणात पार्थ पवारांच्या स्वाक्षरीचे पत्र आहे. पण पार्थ पवारांनी तेव्हा हे पत्र आपल्या स्वाक्षरीचे नसल्याचा दावा केला होता. 25 मे 2021 रोजी हा व्यवहार करून देण्यात आला. हे सर्व दस्तऐवज सरकार दरबारी जमा आहेत. मागील 5-6 वर्षांपासून हा घोटाळा सुरू आहे. अजित पवारांना हे सर्वकाही माहिती होते. मुख्यमंत्री व महसूल मंत्री या प्रकरणात त्यांना प्रोटेक्ट करत आहेत.
मुंढवा भूखंड घोटाळ्यात पार्थ पवारांवरही गुन्हा दाखल व्हावा. पण राजकीय दबावामुळे त्यांच्यावर गुन्हा दाखल केला जात नाही. या पॉवर ऑफ अटॉर्नीवर पार्थ पवारांची प्रत्येक पानावर स्वाक्षरी आहे. त्यांचा फोटोही त्यावर आहे. यात उभयंतांत झालेले व्हॉट्सएप चॅटही आहे. संतोष हिंगणे व तृप्ता ठाकूर यांच्याही चॅटचा यात समावेश आहे.
अजित पवारांचे पीए संतोष हिंगणे राम चौबे व वकील तृप्ता ठाकूर यांचेही यात चॅटिंग आहे. त्यानंतरही पार्थ पवारांना प्रोटेक्ट केले जात आहे. अजित पवारांचाही या प्रकरणी राजीनामा घेतला गेला पाहिजे. हा शितल तेजवानी व पार्थ पवार यांच्यात झालेला व्यवहार आहे. त्यात तीन-तीन ओएसडींचा समावेश आहे, असेही दमानिया यावेळी बोलताना म्हणाल्या.
Mundhwa Land Scam: Parth Pawar’s Signatures on Power of Attorney Linked to Sheetal Tejwani
महत्वाच्या बातम्या
- Devendra Fadnavis गतिमान आणि प्रगतीशील कायदा-सुव्यवस्था उभी करणार! अमित शहा यांच्यासोबत देवेंद्र फडणवीस यांची बैठक
- Russia : ”रशियाने युक्रेनमधील चेर्नोबिल पॉवर प्लांटवर हल्ला केला”
- PM Modi : पंतप्रधान मोदींच्या दौऱ्यामुळे भारत-अमेरिका व्यापार संबंध अधिक मजबूत
- Manipur : मणिपूरमधील कॅम्पमध्ये सीआरपीएफ जवानाने केला गोळीबार अन् नंतर…
