धनंजय मुंडेंना पुन्हा मंत्री केले तर राज्यभर मोठे आंदोलन, सुप्रिया सुळे यांचा इशारा

विशेष प्रतिनिधी

पुणे : Dhanajay Mundheधनंजय मुंडेंना पुन्हा मंत्री केले, तर आम्ही बीडला जाऊन उपोषण करू आणि राज्यभर मोठे आंदोलन करू असा इशारा राष्ट्रवादी काॅंग्रेस शरद पवार गटाच्या खासदार सुप्रिया सुळे यांनी दिला आहे.

नाशिकच्या जिल्हा व सत्र न्यायालयाने मंत्री माणिकराव कोकाटे यांना दोषी ठरवत दोन वर्षांची शिक्षा सुनावली आहे. या निर्णयामुळे कोकाटे यांची आमदारकी रद्द झाली आणि त्यांचे मंत्रिपदही गेले आहे. कोकाटे यांच्याकडून खाते काढून घेतल्यानंतर माजी मंत्री धनंजय मुंडे यांची पुन्हा मंत्रिमंडळात वर्णी लागण्याची शक्यता वर्तवली जात आहे. मात्र, या शक्यतेने शरद पवार गट आक्रमक झाला असून खासदार सुप्रिया सुळे यांनी सरकारला थेट इशारा दिला.Dhananjay Mundhe

• देशातील सर्वांत मोठे शिपयार्ड महाराष्ट्रात बांधण्यासाठी फडणवीस सरकारचा पुढाकार

क्रीडा व युवककल्याण, अल्पसंख्याक विकास व वक्फ मंत्री माणिकराव कोकाटे यांना न्यायालयाने दोन वर्षांची शिक्षा सुनावल्याने सर्वोच्च न्यायालयाच्या नियमानुसार त्यांची आमदारकी आपोआप रद्द झाली. त्यानंतर मुख्यमंत्री देवेंद्र फडणवीस यांनी कोकाटेंची खाती काढून ती उपमुख्यमंत्री अजित पवार यांच्याकडे सोपवा, असे पत्र बुधवारी रात्री राज्यपालांना दिले. त्यानुसार राज्यपालांनी कार्यवाहीदेखील केली.

सुप्रिया सुळे काय म्हणाल्या?
धनंजय मुंडे(Dhananjay Mundhe) पुन्हा मंत्रिमंडळात येण्याच्या चर्चेवर खासदार सुप्रिया सुळे यांनी कडाडून टीका केली. “धनंजय मुंडे यांनी गृहमंत्री अमित शाह यांची भेट घेतली याचे मला वाईट वाटते.

ज्या नेत्यावर टोकाचे आरोप झाले आहेत, त्यांना अमित शाह भेट कशी काय देतात?” असा सवाल करत सुप्रिया सुळे म्हणाल्या की, “धनंजय मुंडे (Dhananjay Mundhe)यांच्यावरील आरोप सिद्ध झाले नसले तरी, आरोपांमध्ये तथ्य असल्याशिवाय सरकारने त्यांचा राजीनामा घेतला का?

आता पुन्हा त्यांना मंत्रिमंडळात घेण्याचे प्रयत्न होत असतील, तर आम्ही गप्प बसणार नाही. जर धनंजय मुंडेंना पुन्हा मंत्री केले, तर आम्ही बीडला जाऊन उपोषण करू आणि राज्यभर मोठे आंदोलन छेडू.

Supriya Sule warns of big protests across the state if Dhananjay Munde is made a minister again

महत्वाच्या बातम्या

• राज्य निवडणूक आयोगाच्या आयुक्तांना हटवण्यासाठी काँग्रेस आक्रमक, नाना पटोले मांडणार ठराव
• Padalkar–Awhad : पडळकर – आव्हाड राड्यात कार्यकर्त्यांना शिक्षा, समितीने केली कारवाईची शिफारस
• चऱ्होली येथे व्यावसायिकाच्या डोक्यात गोळ्या घालून ठार केल्याच्या गुन्ह्यात फरार माजी नगरसेवक किसन तापकीरवर मोक्का
• निवडणूक 20 दिवस पुढे ढकलून निकाल फिरवण्याचे काम, विजय वडेट्टीवार यांचा महायुतीवर आरोप