विशेष प्रतिनिधी
मुंबई : Mantralaya Clerk अन्न व औषध प्रशासन मंत्री नरहरी झिरवाळ यांच्या कार्यालयातील राजेंद्र ढेरंगे या क्लार्कला लाचलुचपत प्रतिबंधक विभागाच्या अधिकाऱ्यांनी गुरुवारी 12 फेब्रुवारी रंगेहाथ अटक केली. यामुळे राज्यात खळबळ उडाली आहे. ढेरंगे याला अटक केल्यानंतर त्याला पोलीस कोठडीत ठेवण्यात आले आहे. परंतु, आता ढेरंगेच्या अडचणीत आणखी वाढ होण्याची शक्यता आहे. कारण, त्याच्याकडे सापडलेल्या अतिरिक्त 48 हजारांचा हिशोब त्याला देता येत नसल्याने हे पैसे सुद्धा लाच स्वरुपातील असल्याचा संशय बळावला आहे. आज आरोपी राजेंद्र ढेरंगे याला न्यायालयात हजर करण्यात आले. त्यावेळी त्याला न्यायालयीन कोठडी सुनावण्यात आली आहे.Mantralaya Clerk
आरोपी राजेंद्र ढेरंगे याला अटक झाल्यानंतर त्याच्याकडे 35 हजार रुपयांची रक्कम सापडली होती. तर, तपासामध्ये त्याची झडती घेतल्यानंतर त्याच्याकडे अतिरिक्त 43 हजार सुद्धा लाचलुचपत प्रतिबंधक विभागाच्या अधिकाऱ्यांना सापडले. मात्र, त्याच्याकडे हे पैसे कुठून आले, हे त्याचेच पैसे आहे की त्याला कोणी दिले आहेत? याबाबतचे कोणतेही ठोस पुरावे तो न्यायालयात सादर करू शकला नाही. परंतु, चौकशीदरम्यान ढेरंगेने असा दावा केला की, ही जास्तीची रोकड त्याची स्वतःची आहे आणि त्याने ती त्याच्या क्रेडिट कार्ड बिलासाठी बाजूला ठेवली होती. तथापि, एसीबी अधिकाऱ्यांचे म्हणणे आहे की, केवळ निवेदनांच्या आधारे हा दावा स्वीकारता येणार नाही. जोपर्यंत बँकमधून पैसे काढण्याचे रेकॉर्ड, कर्ज घेतल्याचे पुरावे किंवा इतर आर्थिक कागदपत्रे सादर केली जात नाहीत, तोपर्यंत हे स्पष्टीकरण वैध मानले जाणार नाही. त्यामुळे आता लाचलुचपत प्रतिबंधक विभागाच्या अधिकाऱ्यांकडून त्याच्या क्रेडिट कार्ड बॅलन्सची देखील चौकशी करण्यात येत आहे.Mantralaya Clerk
मुंबईतील एका मेडिकल स्टोअर मालकाच्या तक्रारीवरून लाचलुचपत प्रतिबंधक विभागाकडून आरोपी राजेंद्र ढेरंगे याच्यावर कारवाई करण्यात आली होती. ढेरेंगेने मेडिकल स्टोअर मालकाचा परवाना निलंबन रद्द करण्यासाठी 50 हजार रुपयांची मागणी केली होती. परंतु, मेडिकल मालकाने ढेरंगेसोबत तडजोड करत ती रक्कम 35 हजार रुपयांवर आणली. 9 फेब्रुवारी रोजी एसीबीशी संपर्क साधत मेडिकल मालकाने याबाबतची माहिती त्यांना दिली. ज्यानंतर एजन्सीने प्राथमिक पडताळणी केली आणि नंतर त्याला पकडण्यासाठी सापळा रचला. तक्रारदाराने त्याच्या लेखी तक्रारीत एफडीएच्या एका वरिष्ठ अधिकाऱ्याचा सहभाग असल्याचा आरोपही केला आहे. त्याने दिलेल्या लेखी तक्रारीनुसार, ढेरंगे त्याला अधिकाऱ्याकडे घेऊन गेला, जिथे त्याला सांगण्यात आले की, निलंबन कालावधी कमी करण्यासाठी लाच दररोजच्या दराने निश्चित केली आहे.
तक्रारदाराच्या मते, ही रक्कम दररोज 4 हजार रुपये निश्चित करण्यात आली होती आणि वाटाघाटीसाठी कोणताही पर्याय नव्हता. याबाबत, एसीबी अधिकाऱ्यांनी सांगितले की, ते आरोपांची पडताळणी करण्यासाठी तक्रारदारासोबत दोनदा मंत्रालयात गेले होते, परंतु संबंधित वरिष्ठ अधिकारी त्याच्या कार्यालयात उपस्थित नसल्याने त्यावेळी सापळा रचता आला नाही. आवश्यक परवानगी घेतल्यानंतर, वरिष्ठ अधिकाऱ्याला त्याचे म्हणणे नोंदवण्यासाठी बोलावले जाईल आणि त्याची भूमिका देखील तपासली जाईल.
Arrested Mantralaya Clerk Fails to Explain ₹43,000 in Cash
महत्वाच्या बातम्या
- स्वीकृत सदस्य म्हणजे काय? महानगरपालिका स्वीकृत सदस्यांची निवड कशी केली जाते?
- अजितदादांच्या अपघातग्रस्त विमानातील नाेंदणी साधनांचे आगीमुळे नुकसान, तपास यंत्रणेकडून प्रथमच अधिकृत माहिती
- खारगे समितीची पार्थ पवार यांना क्लिन चिट, राज्यसभेवर जाण्याचा मार्ग माेकळा
- Chief Minister : शैक्षणिक संस्थांना अल्पसंख्यांक दर्जा बहाल करण्यास मुख्यमंत्र्यांची स्थगिती
