विशेष प्रतिनिधी
मुंबई : कोणताही रंग कुणाच्या बापाचा नाही. सगळे रंग हे निसर्गाच्या बापाचे आहेत, अशी संतप्त प्रतिक्रिया अभिनेते सयाजी शिंदे यांनी एमआयएमच्या नगरसेविका सहर शेख यांच्या मुंब्रा हिरवा करण्याच्या विधानावर दिला आहे.
ठाणे महापालिका निवडणुकीतील विजयानंतर एमआयएमच्या नवनिर्वाचित नगरसेविका सहर शेख यांनी ‘कैसा हराया’ म्हणत राष्ट्रवादी काँग्रेस पार्टी शरदचंद्र पवार पक्षाचे आमदार जितेंद्र आव्हाड यांना चिडवले होते. यावेळी त्यांनी संपूर्ण मुंब्रा हिरवे करण्याचीही घोषणा केली होती. त्याचे तीव्र पडसाद उमटल्यानंतर अखेर सहर शेखने पोलिसांकडे आपला माफीनामा लिहून देत या प्रकरणावर पडदा टाकला. या पार्श्वभूमीवर अभिनेते सयाजी शिंदे यांनी या प्रकरणावर वरील परखड प्रतिक्रिया दिली आहे.
सयाजी शिंदे सोमवारी जुन्नर तालुक्यात देवराईच्या कामानिमित्त आले होते. यावेळी पत्रकारांशी संवाद साधताना ते म्हणाले, निसर्गामध्ये सगळे रंग आहेत. ते कुणाला आव आणून तयार करता येत नाहीत. कोणताही रंग कुणाच्या बापाचा नाही. सगळे रंग हे निसर्गाच्या बापाचे आहेत. महाराष्ट्रातील पहिली देवराई ही छत्रपती शिवाजी महाराज यांच्या नावाने जुन्नर तालुक्यातून सुरू करत आहे. संताचे जे दुर्लक्षित विचार राहिले, ते आम्ही पुढे घेऊन जात आहोत. इथे सध्या 1 हजार झाडे लावण्यात आली आहे. आणखी 10 हजार झाडे आम्हाला इथे लावायची आहेत. नाशिकच्या तपोवनातील वृक्षतोडी प्रकरणी कायदेशीर कारवाई करण्यात आली आहे.
तपोवनाची जागा सोडून त्यांनी कुठेही कुंभमेळा करावा. कुंभमेळा ही सुद्धा चांगली परंपरा आहे. पण झाडांची परंपरा ही त्याहून अधिक चांगली आहे. मला राजकारणातील फारसे कळत नाही. त्यात मला रसही नाही. हजारो वर्षांपासून राजकारण सुरू आहे. ते आजही सुरूच आहे. त्यात काहीही नवीन नाही, असेही सयाजी शिंदे यावेळी बोलताना म्हणाले.
No Colour Belongs to Anyone’s Father, Says Sayaji Shinde in Angry Reaction to ‘Green Mumbra’ Remark
महत्वाच्या बातम्या
- Chhagan Bhujbal : महाराष्ट्र सदन प्रकरणात छगन भुजबळ निर्दोष; ईडी मनी लॉन्डरिंग केसला पूर्णविराम
- गुजरातच्या दारूबंदीच्या धर्तीवर गुटखा बंदीसाठी स्वतंत्र कायदा, नरहरी झिरवाळ यांची माहिती
- उध्दव ठाकरे यांच्या शिवसैनिकाला महापाैरपदासाठी पाठिंबा द्या, भास्कर जाधव यांचे एकनाथ शिंदे यांना आवाहन
- महापालिकांमध्ये महापौर-उपमहापौर निवडीचा कार्यक्रम जाहीर ; महिनाअखेरीस सत्तास्थापना
