विशेष प्रतिनिधी
मुंबई : BMC मुंबई महापालिकेच्या आगामी सार्वत्रिक निवडणुकीमध्ये भाजप आणि शिवसेनेने महायुतीमध्ये निवडणूक लढवली असली तरी निवडून आल्यानंतर कोकण विभागीय आयुक्तांच्या कार्यालयात आपल्या गटांची स्वतंत्र नोंदणी न करता एकत्रपणे आपल्या गटाची नोंदणी करण्याच्या हालचाली सुरु झाल्या आहे. त्यामुळे भाजप आणि शिवसेनेच्या एकाच गटाची नोंदणी झाल्यास सभागृहातील पदनिर्देशित सदस्य अर्थात स्वीकृत नगरसेवकांसह वैधानिक आणि विशेष समित्यांमधील सदस्यांची समिकरणे बदलली जाण्याची शक्यता आहे. यामुळे वैधानिक आणि विशेष समित्यांमध्ये भाजपा शिवसेनेची गणसंख्या वाढलेली पहायला मिळणार आहे. तसेच झाल्यास महायुतीतील घटक पक्षांचे संख्याबळ वाढून विरोधकांचे संख्याबळ कमी होणार आहे.BMC
मुंबई महापालिकेच्या निवडणुकीत भाजपचे ८९ तर शिवसेनेचे २९ नगरसेवक निवडून आले आहेत. तर उबाठाचे ६५ नगरसेवक निवडून आले आहेत. उबाठाचे ६५ आणि काँग्रेसचे २४ तसेच मनसेचे ०६ यासर्वांची कोकण भवनामध्ये नोंदणी झाली आहे. मात्र, सभागृहात एमआयएमचा एक स्वीकृत नगरसेवक वाढत असल्याने भाजप आणि शिवसेनेने स्वतंत्र नोंदणी न करता एक गट स्थापन करून नोंदणी केल्यास एमआयएमचा एक सदस्य कमी होवून भाजप आणि शिवसेनेचे एकूण सहा स्वीकृत निवडून येवू शकतात. सध्या स्वतंत्र गट ठेवल्यास भाजपचे चार आणि शिवसेनेचा एक अशाप्रकारे पाच सदस्य निवडून येणार होते. ही समिकरणे दोन्ही पक्षाचे एकत्र गट बनवल्यास बदलली जावू शकतात. तसेच स्थायी समिती, शिक्षण समिती, बेस्ट समिती आणि सुधार समितीमध्ये भाजप आणि शिवसेनेचा एक सदस्य तसेच विशेष समित्यांमध्ये दोन सदस्य वाढले जावू शकतात. त्यामुळे एमआयएमचा एक स्वीकृत नगरसेवक कमी करून महायुतीचा एक सदस्य वाढवणे आणि वैधानिक तसेच विशेष समित्यांमध्ये एक गट करून आपला एक सदस्य वाढवणे यासाठी भाजप आणि शिवसेनेचा प्रयत्न सुुरु आहे. त्यामुळे शनिवारी हे दोन्ही पक्ष स्वतंत्र नोंदणी न करता एकत्रपणे नोंदणी करू शकतात अशी माहिती मिळत आहे.
Single BJP–Shiv Sena Bloc in BMC? Committee Equations Set to Shift with Nominated Councillors
महत्वाच्या बातम्या
- Chhagan Bhujbal : महाराष्ट्र सदन प्रकरणात छगन भुजबळ निर्दोष; ईडी मनी लॉन्डरिंग केसला पूर्णविराम
- गुजरातच्या दारूबंदीच्या धर्तीवर गुटखा बंदीसाठी स्वतंत्र कायदा, नरहरी झिरवाळ यांची माहिती
- उध्दव ठाकरे यांच्या शिवसैनिकाला महापाैरपदासाठी पाठिंबा द्या, भास्कर जाधव यांचे एकनाथ शिंदे यांना आवाहन
- महापालिकांमध्ये महापौर-उपमहापौर निवडीचा कार्यक्रम जाहीर ; महिनाअखेरीस सत्तास्थापना
