विशेष प्रतिनिधी
मुंबई : School bus राज्यातील शालेय विद्यार्थ्यांच्या पालकांवर नव्या शैक्षणिक वर्षापासून अतिरिक्त आर्थिक भार पडणार आहे. शालेय बस चालक-मालक संघटनेने (SBOA) जून २०२६ पासून शालेय बस वाहतूक शुल्कात १५ टक्के वाढ करण्याचा निर्णय जाहीर केला आहे. २०२६-२७ या शैक्षणिक वर्षापासून ही दरवाढ लागू होणार आहे.School bus
संघटनेच्या मते, शालेय बस सेवा चालविण्याचा खर्च मोठ्या प्रमाणात वाढल्याने हा निर्णय घेण्यात आला आहे. बस चालक-मालकांनी शासनाकडे वारंवार निवेदने देऊन विविध सवलती आणि मदतीची मागणी केली होती. मात्र, शासनाकडून कोणतीही ठोस मदत किंवा दिलासा न मिळाल्याने शुल्कवाढ अपरिहार्य ठरल्याचे संघटनेने स्पष्ट केले आहे.School bus
एसबीओएने सांगितले की, ही वाढ केवळ इंधन दरवाढीमुळे होत नाही. आंतरराष्ट्रीय घडामोडींमुळे इंधनाच्या किमतीत मोठी वाढ झाली आहे. याशिवाय चालक आणि मदतनीस यांच्या वेतनात वाढ, वाहनांच्या देखभाल-दुरुस्तीचा खर्च, सुट्या भागांच्या वाढलेल्या किमती, टोल शुल्क, परवाना शुल्क तसेच ई-चलन आणि इतर नियामक कारवाईमुळे होणारा खर्च यामध्ये लक्षणीय वाढ झाली आहे.
संघटनेने राज्य परिवहन विभाग आणि संबंधित शासकीय यंत्रणांकडे अनेकदा पाठपुरावा करून शुल्कवाढ टाळण्यासाठी उपाययोजना सुचवल्या होत्या. मात्र, कोणताही सकारात्मक प्रतिसाद न मिळाल्याने सेवा सुरू ठेवण्यासाठी वाहतूक शुल्क वाढविण्याशिवाय दुसरा पर्याय उरला नसल्याचे संघटनेचे म्हणणे आहे.
या निर्णयाचे समर्थन करताना संघटनेने नमूद केले की, विमान वाहतूक आणि इतर परिवहन क्षेत्रांप्रमाणेच शालेय बस सेवांनाही वाढत्या खर्चाचा सामना करावा लागत आहे. विद्यार्थ्यांना सुरक्षित, विश्वासार्ह आणि कार्यक्षम वाहतूक सेवा देण्यासाठी मोठी गुंतवणूक करावी लागते तसेच कठोर सुरक्षा नियमांचे पालन करावे लागते.
शुल्कवाढीमुळे पालकांच्या घरगुती अर्थसंकल्पावर परिणाम होणार असल्याची कबुली संघटनेने दिली असून त्याबद्दल खेदही व्यक्त केला आहे. मात्र, विद्यार्थ्यांच्या सुरक्षिततेशी कोणतीही तडजोड न करता दर्जेदार सेवा सुरू ठेवण्यासाठी पालक आणि शैक्षणिक संस्थांनी सहकार्य करावे, असे आवाहन करण्यात आले आहे.विद्यार्थ्यांची सु
रक्षितता हेच आमचे सर्वोच्च प्राधान्य असल्याचे स्पष्ट करत संघटनेने ही शुल्कवाढ नफेखोरीसाठी नसून सेवा टिकवून ठेवण्यासाठी आवश्यक असल्याचा दावा केला आहे. नव्या शैक्षणिक वर्षाच्या सुरुवातीला या निर्णयाचा परिणाम राज्यातील हजारो कुटुंबांवर होण्याची शक्यता आहे.
School bus fees to rise 15% across Maharashtra from June 2026
महत्वाच्या बातम्या
- Manoj Jarange : सरकारी शिष्टमंडळाशी चर्चेनंतर मनोज जरांगेंनी उपोषण केले स्थगित
- Baramati : विधवा महिलेचा छळ, बारामतीत विद्यमान नगरसेवकावर गुन्हा दाखल
- Ghatkopar : घाटकोपर येथील पालिका मराठी शाळा वाचविण्यासाठी हजारोंचा जनआक्रोश
- मराठा आरक्षणाबाबत संविधानाच्या चौकटीत बसणारा निर्णय, ओबीसींवर अन्याय होऊ देणार नाही, मुख्यमंत्र्यांचे आश्वासन
