विशेष प्रतिनिधी
अहिल्यानगर : धार्मिक स्थळांच्या प्रतिष्ठेशी सतत छेडछाड केली जात आहे, ते आपण आता कोणत्याही किंमतीत स्वीकारू शकत नाही. कोणत्याही मुस्लिम संस्थेत तुम्हाला कोणताही हिंदू काम करताना दिसणार नाही, असा इशारा मंत्री आणि भाजप नेते नितेश राणे यांनी दिला होता. Shani Shingnapur
त्याप्रमाणे शनिशिंगणापूर देवस्थानने आपल्या 167 कर्मचाऱ्यांना नोकरीवरून काढून टाकले आहे. यात 114 मुस्लिम कर्मचाऱ्यांचा समावेश आहे.
हिंदुत्ववादी संघटनांनी नुकतीच कर्मचाऱ्यांना कामावरून कमी करण्याचा इशारा दिला होता. श्री क्षेत्र शनिशिंगणापूर मंदिरात 114 मुस्लिम कर्मचाऱ्यांची नियुक्ती करण्यात आली होती. या कर्मचाऱ्यांनी 21 मे रोजी कथितपणे मंदिराच्या पवित्र चौथऱ्यावर जाऊन ग्रिल बसवले होते. तेथील स्वच्छता व रंगरंगोटीही केली होती. हिंदुत्ववादी संघटनांनी यावर तीव्र आक्षेप घेत या कर्मचाऱ्यांच्या हकालपट्टीची मागणी केली होती. तसेच या प्रकरणी 14 जून रोजी मंदिराबाहेर मोर्चा काढण्याचाही इशारा दिला होता. या इशाऱ्यानंतर मंदिराच्या विश्वस्त मंडळाने ट्रस्टमध्ये 114 मुस्लिम कर्मचारी काम करतात हे मान्य केले, पण त्याचवेळी एकाही मुस्लिम कर्मचाऱ्याची नियुक्ती मंदिराच्या मुख्य चौथऱ्यावर किंवा गर्भगृहात करण्यात आल्याचे स्पष्ट केले होते.
हे कर्मचारी मुख्यतः शेती विभाग, कचरा व्यवस्थापन व शिक्षणाशी संबंधित कामांमध्ये कार्यरत आहेत. 99 कर्मचारी मागील 5 महिन्यांपासून नोकरीवर अनुपस्थित आहेत. त्यामुळे त्यांचाही पगार बंद करण्यात आला आहे. उर्वरित 15 कर्मचारी अनेक वर्षांपासून ट्रस्टला आपली सेवा देत आहेत. यातील काहींचा अनुभव 20 वर्षांहून अधिकचा आहे, असे विश्वस्त मंडळाने म्हटले होते. पण या प्रकरणी देवस्थानवरील दबाव वाढल्यानंतर अखेर त्यांनी 114 मुस्लिम कर्मचाऱ्यांसह एकूण 167 जणांना कामावरून कमी केले. या सर्वांवर अनियमितता व शिस्तभंगाचा ठपका ठेवण्यात आला आहे.
मंत्री नीतेश राणे यांनी गुरूवारीच हिंदू संघटनांनी मुस्लिम कर्मचाऱ्यांच्या हकालपट्टीची केलेली मागणी योग्यच असल्याचे विधान केले होते. हाजी अली आणि अजमेर दर्ग्यात कृत्य कुणी करेल का? असे कृत्य फक्त आपल्या हिंदू धार्मिक स्थळांसोबतच का केले जाते? कोणताही हिंदू व्यक्ती कोणत्याही मुस्लिम धार्मिक स्थळात काम करताना दिसला तर हे लोक त्याला नक्कीच सोडणार नाहीत, असे म्हणाले होते.
भाजप अध्यात्मिक समन्वय आघाडीचे प्रमुख
आचार्य तुषार भोसले म्हणाले, अखेर हिंदू समाजाच्या दबावापुढे शनिशिंगणापूरमंदिर व्यवस्थापन झुकले. ११४ मुस्लिम कर्मचाऱ्यांना काढून टाकले.
Shani Shingnapur Devasthan fires 114 Muslim employees
महत्वाच्या बातम्या
- Girish Mahajan : तुम्ही राजकीय दलाली केल्यामुळेच उद्धवजींची सेना संपली, गिरीश महाजन यांचा संजय राऊत यांच्यावर पलटवार
- Rupali Chakankar : रुपाली चाकणकर काय रश्मिका मंदाना आहेत? सुषमा अंधारे यांचा सवाल
- Aditi Tatkare : सरकारी महिला कर्मचारी लाडकी बहीण लाभ चार महिन्यांपूर्वीच बंद, आदिती तटकरे यांची माहिती
- Raju Shetti : शेतकऱ्यांची भिकाऱ्याशी तुलना करणाऱ्या माणिकराव कोकाटेंना मंत्रिमंडळात ठेवू नका, राजू शेट्टी यांची मागणी
