विशेष प्रतिनिधी
मुंबई : मराठी माझी आई आहे, तर उत्तर भारत माझी मावशी आहे. आई मेली तरी चालेल, मात्र मावशी मरायला नाही पाहिजे. असे वादग्रस्त विधान शिवसेना शिंदे गटाचे आमदार प्रकाश सुर्वे यांनी केले आहे. Prakash Surve
मुंबई महानगरपालिका निवडणुकीच्या तोंडावर मराठी विरुद्ध अमराठी असा वाद पेटलेला असतानाच या वक्तव्यामुळे नवा वाद निर्माण होण्याची शक्यता आहे.
सुर्वे म्हणाले, मी हे इच्छितो की मराठी माझी आई आह े तर उत्तर भारत माझी मावशी आहे. एकवेळ आई मेली तरी चालेल. पण मावशी मरायला नको. कारण मावशीचे जास्त प्रेम असतं. आई पेक्षा जास्त प्रेम तुम्ही मला दिले आहे. माझ्यासाठी आणि माझ्या सहकाऱ्यांसाठी तुमचे प्रेम असंच ठेवा.
गेल्या काही दिवसांपासून मराठीचा मुद्दा महाराष्ट्रामध्ये चांगला तापला आहे. हिंदी सक्तीचा वरवंटा महाराष्ट्रावर लादण्याचा प्रयत्न झाल्यानंतर ठाकरे बंधूंसह महाराष्ट्रातील मराठीजन रस्त्यावर उतरले होते. त्यामुळे सरकारला एक पाऊल मागे जात हा निर्णय मागे घ्यावा लागला होता.
https://t.co/Ql4UJ1K9Om
फेसबुक शेवट बघा. मागाठाणेच्या मराठी माणसाने हा आमदार निवडून दिला आहे का ?
"मराठी मेली तरी चालेल" स्वतःच्या आईला मारून यूपी ची मावशी जगवतो हा, याचा जाहीर निषेध.@mnsadhikrut @RajThackeray @News18lokmat @TV9Marathi @saamTVnews @abpmajhatv @LokshahiMarathi pic.twitter.com/PJz8UZd1XK— Nayan Kadam (@Nayan7217_) November 3, 2025
मनसे नेते नयन कदम यांनी प्रकाश सुर्वे यांचा व्हिडिओ शेअर करत त्यांच्यावर टीका केली आहे. ते म्हणाले, मागाठाणेच्या मराठी माणसाने हा आमदार निवडून दिला आहे का? “मराठी मेली तरी चालेल” स्वतःच्या आईला मारून यूपीची मावशी जगवतो हा, याचा जाहीर निषेध, असे म्हणत नयन कदम यांनी तीव्र निषेध नोंदवला आहे.
गेल्या काही दिवसांपासून महाराष्ट्रामध्ये मराठीचा मुद्दा चांगलाच चर्चेत आहे. केंद्र सरकारने हिंदी भाषेची सक्ती करण्याचा प्रयत्न केल्यानंतर, ठाकरे बंधूंसह राज्यातील मराठी जनतेने तीव्र विरोध करत रस्त्यावर उतरून आंदोलन केले. या जनरेट्यामुळे अखेरीस सरकारला हा निर्णय मागे घेत जवळपास गुंडाळून टाकावा लागला.
आगामी मुंबई महानगरपालिका निवडणुकीतही मराठी भाषेचा आणि अस्मितेचा मुद्दा चांगलाच तापण्याची चिन्हे आहेत. या सर्व पार्श्वभूमीवर, शिवसेना शिंदे गटाचे आमदार प्रकाश सुर्वे यांनी “आई मेली तरी चालेल, मात्र मावशी मरायला नाही पाहिजे” असे जे वादग्रस्त विधान केले आहे, त्यामुळे सद्यस्थितीत शिंदे गटाची राजकीय अडचण वाढण्याची शक्यता आहे.
MLA Prakash Surve in Controversial Remark
महत्वाच्या बातम्या
- महिला डॉक्टरची आत्महत्या नसून संस्थात्मक हत्या, राहुल गांधी यांचा आरोप
- धंगेकर अन्यायविरोधात लढणारा कार्यकर्ता, पण आपल्याला महायुतीत दंगा नको, एकनाथ शिंदे यांची भूमिका
- मुरलीधर मोहोळांनी विशाल गोखलेंसाठी केला पदाचा गैरवापर, १९७ कोटींचा हवाई घोटाळ्याचा रवींद्र धंगेकरांचा आरोप
- पुण्यात जमिनीचा मोठा धिंगाणा, मुरलीधर मोहोळ यांच्या मंत्रिपदाचा राजीनामा घेण्याची विजय वडेट्टीवार यांची मागणी
