विशेष प्रतिनिधी
मुंबई : Ajit Pawar’s Aircraft उपमुख्यमंत्री अजित पवार यांचे विमान जमिनीवर कोसळण्यापूर्वी ते एका झाडाला धडकले होते, अशी माहिती हवाई उड्डाण मंत्रालयाच्या ‘एएआयबी’ (AAIB) तपास यंत्रणेने केलेल्या प्राथमिक तपास अहवालाट प्रसिद्ध केली आहे. अहवालात अपघाताचे नेमके कारण स्पष्ट नसले तरी, अपघाताला कारणीभूत ठरू शकणाऱ्या अनेक गंभीर त्रुटींवर बोट ठेवण्यात आले आहे.Ajit Pawar’s Aircraft
२८ जानेवारी रोजी बारामतीजवळ विमान अपघातात अजित पवार यांचे निधन झाले होते. या दुर्घटनेत एकूण पाच जणांचा मृत्यू झाला होता. जवळपास एक महिन्यानंतर डीजीसीएकडून या अपघाताचा प्राथमिक अहवाल समोर आला आहे.Ajit Pawar’s Aircraft
हवाई उड्डाण मंत्रालयाच्या अहवालानुसार, मुंबईहून बारामतीकडे येणाऱ्या या व्हीआयपी (VIP) फ्लाईटने रनवे ११ वर लँडिंगचा प्रयत्न केला होता. मात्र, पहिल्या प्रयत्नात वैमानिकाला लँडिंग करता आले नाही, त्यामुळे त्यांनी ‘गो-अराउंड’ (Go-Around) केला. दुसऱ्या प्रयत्नात पायलटने “Field in sight” असा संदेश दिला. परंतु, एअर ट्रॅफिक कंट्रोलने (ATC) त्यावेळी ३ किलोमीटर इतकी दृश्यमानता (Visibility) नोंदवली होती, जी ‘व्हीएफआर’ (व्हिज्युअल फ्लाईट रूल्स) नियमांनुसार आवश्यक असलेल्या ५ किलोमीटरपेक्षा खूपच कमी होती. लँडिंग क्लिअरन्स मिळाल्यानंतर काही क्षणांतच विमान रनवेच्या डावीकडे ५० मीटर अंतरावर असलेल्या झाडांवर आदळले आणि त्यानंतर लागलेल्या भीषण आगीत विमान जळून खाक झाले.
प्राथमिक अहवालातून बारामती विमानतळाच्या सुरक्षा व्यवस्थेवर अनेक गंभीर प्रश्नचिन्ह उपस्थित झाले आहेत:बारामती हे ‘अनकंट्रोल्ड एअरफिल्ड’ असून तिथे नियमित एटीसी सुविधा नाही. रनवेवर बारीक खडी आढळली असून, रनवेला परिपूर्ण कुंपण (lनाही. बारामतीमध्ये अधिकृत ‘मेट’ (MET) सुविधा उपलब्ध नाही. उपग्रह चित्रांनुसार परिसरात हलके धुके होते, तरीही लँडिंगचा प्रयत्न झाला. विमानतळावरील रनवे मार्किंग स्पष्ट नसल्यामुळे वैमानिकांना लँडिंगमध्ये अडचणी आल्याचे प्राथमिक तपासात दिसून आले आहे.
अपघाताच्या वेळी विमानाचे नेतृत्व करणाऱ्या कॅप्टन सुमित कपूर यांना १८ हजार ८५५ तासांचा मोठा अनुभव होता, तर फर्स्ट ऑफिसर शांभवी पाठक हिलाही २ हजार ४९० तासांचा अनुभव होता. दोघांनाही बारामती विमानतळाची माहिती होती. या अपघातानंतर डीजीसीएने आता कडक पावले उचलण्याचे संकेत दिले आहेत.
विमानाचा ब्लॅक बॉक्स आणि कॉकपीट मधील संभाषण (CVR) तपासण्यासाठी आता ज्या अमेरिकन कंपनीने ही यंत्रणा बनवली आहे, त्यांची मदत घेतली जाणार आहे. या यंत्रणेतील ‘रॉ डेटा’ सुरक्षितपणे बाहेर काढण्यासाठी अमेरिकेतून तज्ज्ञांची एक विशेष टीम भारतात येणार आहे. त्यानंतरच वैमानिक आणि एअर ट्रॅफिक कंट्रोल (ATC) मधील शेवटच्या क्षणांचे संभाषण समोर येऊ शकेल.
Ajit Pawar’s Aircraft Hit Tree Before Crash, Says Civil Aviation Ministry Report
महत्वाच्या बातम्या
- Israeli missile : इराणची राजधानी तेहरानवर इस्रायलचे क्षेपणास्त्र हल्ले
- जागतिक स्तरावरील संस्थांची मदत घ्या पण शंकांचे निरसन करा, सुनील तटकरे यांची विमान अपघाताबाबत मागणी
- पंकजा मुंडे यांच्या ब्रीफिंगला उपस्थित न राहिल्याने आयएएस अधिकाऱ्याचे निलंबन
- Amol Mitkari : त्यांचे काका गेलेत, त्यामुळे स्टंट म्हणू नका, रोहित पवारांच्या मदतीला अमोल मिटकरी
