महाराष्ट्राच्या माध्यम आणि मनोरंजन उद्योगाला आंतरराष्ट्रीय स्तरावर नेताना ‘तिसऱ्या मुंबई’मध्ये एक जागतिक दर्जाची क्रिएटिव्ह इकोसिस्टम उभारण्याचा निर्धार मुख्यमंत्री देवेंद्र फडणवीस यांनी व्यक्त केला.
पुरंदर तालुक्यातील वनपुरी, उदाचीवाडी, एखतपूर, मुंजवडी, कुंभारवळण, खानवडी आणि पारगाव या सात गावांमधून २ हजार ६७३ हेक्टर इतके भूसंपादन करण्यात येणार आहे. याविरोधात सात गावांतील शेतकऱ्यांनी आक्रमक भूमिका घेतली आहे. ड्रोन सर्वेक्षणाला ग्रामस्थांनी विरोध दर्शवला आहे. यावेळी पोलिसांकडून लाठीमार झाल्याचा आरोप ग्रामस्थांनी केला आहे.
महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या इयत्ता बारावी परीक्षेचा (Hsc) निकाल उद्या ( ५ मे ) ऑनलाइन जाहीर करण्यात येणार आहे.
राष्ट्रवादी काँग्रेस पक्षाच्या वतीने आयोजित ‘गौरवशाली महाराष्ट्र महोत्सव 2025’ या कार्यक्रमात माजी मुख्यमंत्र्यांच्या सन्मान साेहळ्यात स्वत: उपस्थित न राहता प्रतिनिधी पाठविल्याने उपमुख्यमंत्री अजित पवार यांनी दुसरे उपमुख्यमंत्री एकनाथ शिंदे यांना चांगलेच सुनावले आहे.
सामाजिक कार्यकर्त्या अंजली दमानिया यांनी शिवसेना ठाकरे गटाच्या उपनेत्या सुषमा अंधारे या अजित पवार गटात प्रवेश करणार असल्याचा दावा एका ग्रुपवर केला. त्यांच्या या दाव्यानंतर आता सुषमा अंधारे आणि अंजली दमानिया यांच्यात टि्वटर वाॅर पेटले आहे. चुकीच्या बिळात हात घातला तर दंश महागात पडेल, असा इशारा सुषमा अंधारे यांनी अंजली दमानिया यांना दिला आहे.
शिवसेना ठाकरे गटाचे खासदार संजय राऊत यांनी छगन भुजबळ यांना मुख्यमंत्रीपदाची संधी हाेती असे वक्तव्य केले हाेते. यावर प्रतिक्रिया देताना भुजबळ यांनीही माझ्या आयुष्यात दोन-तीन वेळा मुख्यमंत्री होण्याची संधी आली होती, पण योग्य वेळ निघून गेली, अशी खंत व्यक्त केली.
पहलगाममधील दहशतवादी हल्ल्यानंतर पाकिस्तानवर भारताने कारवाई केल्यास, बांगला देशकडून भारताच्या ईशान्येकडील सातही राज्यांवर कब्जा करण्याचे वक्तव्य बांगलादेशच्या माजी लष्करी अधिकारी आणि बांग्ला देशाचे मुख्य सल्लागार मोहम्मद युनुस यांचे सहकारी ए. एल. एम. फजलुर रहमान यांनी केले होते. या वादग्रस्त विधानावरून ऑल इंडिया मजलिस-ए-इत्तेहादुल मुस्लिमीनचे (AIMIM) प्रमुख आणि हैदराबादचे खासदार असदुद्दीन ओवैसी यांनी तीव्र शब्दांत इशारा दिला आहे. बांगला देशाने लक्षात ठेवावे की, त्यांचे स्वतंत्र अस्तित्व भारतामुळेच शक्य झाले आहे. १९७१ मध्ये भारताच्या मदतीमुळेच बांगलादेश स्वतंत्र झाला.”
पुणे–नाशिक मार्गावर देखील नवीन ट्रॅकच्या चाचण्या सुरू असून, खोडद येथील जागतिक दर्जाच्या प्रयोगशाळेमुळे या मार्गाला प्राधान्य दिले जात आहे.
जम्मू-काश्मीरमधील पहलगाम येथे झालेल्या दहशतवादी हल्ल्यानंतर भारत सरकारने पाकिस्तानविरोधात कठोर पावलं उचलण्यास सुरुवात केली आहे.
डहाणू तालुक्यातील केनाळ बायगुडा येथे सायबु निंजरे सावार (वय २५) या गर्भवती महिलेचा आणि तिच्या नवजात बाळाचा उपचाराच्या अभावामुळे मृत्यू झाला. या पार्श्वभूमीवर विधान परिषद उपसभापती डॉ. नीलम गोऱ्हे यांनी आरोग्य संचालक, पालघर यांना तातडीने चौकशी करून दोषींवर कारवाई करण्याच्या सूचना दिल्या आहेत.
प्रसिद्ध गायक सोनू निगम याच्यावर गुन्हा दाखल झाला आहे. कन्नडमध्ये गाणे गायचा आग्रह केल्यावर तो म्हणाला यामुळेच पहलगाममध्ये युद्ध झालं. त्यामुळे कन्नड भाषिकांच्या भावना दुखावल्याने त्याचविरुद्ध एफआयआर करण्यात आली.
मुख्यमंत्री लाडकी बहीण योजनेचे पैसे देण्यासाठीसामाजिक न्याय विभागाचा निधी वळवल्याने मंत्री संजय शिरसाट अर्थमंत्री अजित पवार यांच्यावर प्रचंड संतापले आहेत. लाडकी बहीण योजनेचा एप्रिल महिन्याचा हप्ता देण्यासाठी सामाजिक न्याय आणि आदिवासी विभागाचा निधी वळविल्याने त्यांनी संताप व्यक्त केला आहे. शिरसाट म्हणाले, या खात्याचा कायदेशीर निधी वर्ग करता येत नाही किंवा त्यात कपात करता येत नाही. परंतु अर्थ खात्याकडून आपले डोके जास्त चालवले जात आहे. सामाजिक खात्याची आवश्यकता नसेल किंवा गरज नसेल तर खाते बंद करा