विशेष प्रतिनिधी
नवी दिल्ली : 26/11 मुंबई हल्ला, 1993 बॉम्बस्फोट, गुलशनकुमार हत्या आणि कोपर्डी बलात्कारासारख्या अनेक संवेदनशील खटल्यांमध्ये सरकारी विशेष वकील म्हणून ठसा उमठवणारे वरिष्ठ विधिज्ञ उज्वल निकम (Ujjwal Nikam) यांची राष्ट्रपती द्रौपदी मुर्मू यांनी राज्यसभेसाठी नामनिर्देशित सदस्य म्हणून निवड केली आहे.
- Eknath Shinde : चर्चेत राहण्यासाठी नाना पटोलेंचा प्रयत्न होता का?; उपमुख्यमंत्री एकनाथ शिंदेंचा सवाल
भारतीय संविधानाच्या अनुच्छेद 80 अंतर्गत, राष्ट्रपती विशिष्ट क्षेत्रात उल्लेखनीय योगदान दिलेल्या व्यक्तींना राज्यसभेत नियुक्त करू शकतात. याच अंतर्गत उज्वल निकम (Ujjwal Nikam) यांना कायदाक्षेत्रातील कार्यगौरव म्हणून संसदेत स्थान देण्यात आले आहे. यासोबतच माजी परराष्ट्र सचिव हर्षवर्धन श्रृंगला, इतिहासकार मीनाक्षी जैन, आणि समाजसेवक सी. सदानंदन मास्ते यांचाही समावेश आहे.
उज्वल निकम यांनी 2024 मध्ये उत्तर-मध्य मुंबई लोकसभा मतदारसंघातून भाजपच्या उमेदवार म्हणून निवडणूक लढवली होती, परंतु त्यांचा पराभव काँग्रेसच्या वर्षा गायकवाड यांनी केला होता. निवडणुकीतील पराभवानंतर त्यांना राज्यसभेवर नामनिर्देशित करण्यात आले आहे.
उज्वल निकम यांनी आपल्या वकिली कारकिर्दीत अनेक प्रकरणांमध्ये कठोर शिक्षा सुनावण्यासाठी भूमिका बजावली आहे. न्यायप्रक्रियेचा दृढ पाठपुरावा, साक्षीदारांची मानसिक तयारी, आणि गुन्हेगारांना कठोर शिक्षा मिळवून देणे यासाठी त्यांची ओळख आहे.
Advocate Ujjwal Nikam nominated as Rajya Sabha MP by President
महत्वाच्या बातम्या
- Girish Mahajan : तुम्ही राजकीय दलाली केल्यामुळेच उद्धवजींची सेना संपली, गिरीश महाजन यांचा संजय राऊत यांच्यावर पलटवार
- Rupali Chakankar : रुपाली चाकणकर काय रश्मिका मंदाना आहेत? सुषमा अंधारे यांचा सवाल
- Aditi Tatkare : सरकारी महिला कर्मचारी लाडकी बहीण लाभ चार महिन्यांपूर्वीच बंद, आदिती तटकरे यांची माहिती
- Raju Shetti : शेतकऱ्यांची भिकाऱ्याशी तुलना करणाऱ्या माणिकराव कोकाटेंना मंत्रिमंडळात ठेवू नका, राजू शेट्टी यांची मागणी
