Sanjay Raut राज – उद्धव भेटीवर संजय राऊत म्हणाले, कोणी किती उड्या मारल्या तरी ठाकरे हे ठाकरे

विशेष प्रतिनिधी

मुंबई : कोणी किती उड्या मारल्या तरी ठाकरे हे ठाकरे आहेत . दोन भाऊ एकत्र आल्यावर आम्हाला आनंद होतो. ठाकरे ब्रँड सहज कोणाला अमित शाहा सारख्या नेत्याला मिटवता येणार नाही. दोन भाऊ एकत्र आल्यावर आम्हाला आनंद होतो, अशी प्रतिक्रिया शिवसेना ठाकरे गटाचे खासदार संजय राऊत यांनी व्यक्त केली.

शासकीय अधिकारी महेंद्र कल्याणकर यांच्या मुलाच्या लग्नात रविवारी उद्धव आणि राज ठाकरे हे बंधू एकत्र आले होते. गेल्या महिन्याभरात ठाकरे बंधू तिसऱ्यांदा एकत्र आल्याने ते एकत्र येणार अशी चर्चा सुरु झाली आहे. यावर राऊत म्हणाले, दोन भाऊ एकत्र आल्यावर आम्हाला आनंद होतो. अशा भेटी वारंवार घडाव्यात.

Dhananjay Munde दमानियांच्या आरोपांना धनंजय मुंडेंचे उत्तर, शासन कार्य नियमावलीनुसार GR काढल्याचा दावा

लोकांच्या मनातील संभ्रम दूर व्हावा. शेवटी भाऊ आहे, कुटुंब आहे, लहानपणापासून जन्मापासून एकत्र आहेत. ते जर भेटत राहिले तर त्यातून सकारात्मक ऊर्जा बाहेर येते. त्याला आपण पॉझिटिव्ह एनर्जी म्हणतो. शेवटी ठाकरे आहेत. कोणी किती उड्या मारल्या तरी ठाकरे हे ठाकरे आहे. अमित शाह आणि मोदींनी ठरवलंय राज्यातून ठाकरे ब्रँड संपवायचा. हे शाह यांचं स्वप्न आहे. ते स्वप्न साकार करण्यासाठी एकनाथ शिंदे आणि ४० चोरांचा एक पक्ष स्थापन झाला. तरीही ठाकरे ब्रँड सहज कोणाला अमित शाहा सारख्या नेत्याला मिटवता येणार नाही. तुमच्या हाती न्यायालय असेल तर ते होणार नाही.

हा प्रश्न राजकीय आहे. आमच्यात व्यक्तीश: ही नाती आहेत. भावाचं आणि मित्रत्वाचं नातं आहे, त्यात वाद नाही. महाराष्ट्राच्या शत्रूसोबत कुणी हातमिळवणी करू नये हे आमचं म्हणणं आहे. शिवसेना फोडून शिंदेंच्या हाती ज्यांनी दिला त्यांच्याशी ठाकऱ्यांनी हात मिळवणी करू नये. अशा शत्रूशी हात मिळवणी करणं हा महाराष्ट्रातील हुतात्म्याचा अपमान आहे, अशा शब्दात राऊत यांनी राज ठाकरे याना सुनावले.

Sanjay Raut राज – उद्धव भेटीवर संजय राऊत म्हणाले, कोणी किती उड्या मारल्या तरी ठाकरे हे ठाकरे