विशेष प्रतिनिधी
मुंबई : Himanshu Jangra गेल्या काही दिवसांपासून सोशल मीडियावर गाजत असलेल्या ‘370 रुपयांची बिर्याणी’ प्रकरणाला आता नवे वळण मिळाले आहे. या प्रकरणातील मुख्य व्यक्ती हिमांशू जांगराने अखेर मौन सोडत आपली भूमिका स्पष्ट केली आहे. शोदरम्यान सांगितलेली संपूर्ण कथा खरी नसल्याची कबुली देतानाच सूत्रसंचालक प्रणित मोरेनेच किस्सा रंगवून सांगण्यास प्रोत्साहन दिल्याचा दावा त्याने केला आहे.Himanshu Jangra
प्रणित मोरेच्या कार्यक्रमात प्रेक्षक म्हणून सहभागी झालेल्या हिमांशू जांगराने एका मुलीशी संबंधित आणि 370 रुपयांच्या बिर्याणीच्या बिलाचा उल्लेख असलेला किस्सा सांगितला होता. या वक्तव्यामुळे सोशल मीडियावर मोठा वाद निर्माण झाला. कार्यक्रमादरम्यान प्रणित मोरेने दिलेल्या प्रतिक्रियांवरही टीका झाली होती. वाढत्या वादानंतर प्रणित मोरेने जाहीर माफी मागितली होती.Himanshu Jangra
यानंतर एका खासगी वृत्तवाहिनीला दिलेल्या मुलाखतीत हिमांशू जांगराने सांगितले की, कार्यक्रमाचे स्वरूपच अतिशयोक्तीपूर्ण आणि मनोरंजनप्रधान होते. अनेकजण रंगतदार पद्धतीने अनुभव सांगत असल्याने आपणही त्याच वातावरणात उत्स्फूर्तपणे कथा सांगितली.
हिमांशूच्या म्हणण्यानुसार, त्याने उल्लेख केलेल्या मुलीशी संबंधित काही घटना वास्तवात घडल्या होत्या. मात्र संपूर्ण कथा जशी सांगितली गेली, तशी ती खरी नव्हती. प्रेक्षकांचे मनोरंजन करण्याच्या उद्देशाने त्यात अनेक गोष्टी वाढवून सांगण्यात आल्या.
कोणत्याही महिलेचा अपमान करण्याचा किंवा चुकीचा संदेश देण्याचा आपला हेतू नव्हता, असे स्पष्ट करत हिमांशूने वापरलेल्या काही शब्दांबद्दल खेद व्यक्त केला. आपल्या वक्तव्यामुळे कोणाच्या भावना दुखावल्या असतील तर त्याबद्दल माफी मागत असल्याचेही त्याने सांगितले.
या वादाची चर्चा सुरुवातीला त्याच्या मूळ गावी फारशी नव्हती. मात्र प्रकरण राज्यभर आणि देशभर गाजल्यानंतर त्याच्या कुटुंबीयांपर्यंतही ही बाब पोहोचली. त्यामुळे नातेवाईक आणि कुटुंबीय चिंतेत असल्याचे हिमांशूने नमूद केले.
दरम्यान, या संपूर्ण वादानंतर हिमांशूला नोकरीवरून काढून टाकल्याच्या चर्चाही रंगल्या आहेत. मात्र याबाबत अद्याप कोणतीही अधिकृत माहिती समोर आलेली नाही.
हिमांशूच्या या खुलाशामुळे ‘370 रुपयांची बिर्याणी’ प्रकरणातील वादाला नवे वळण मिळाले असून सोशल मीडियावर या नव्या दाव्याचीही जोरदार चर्चा सुरू झाली आहे.
Himanshu Jangra clarifies ₹370 biryani controversy, says story was not entirely true
महत्वाच्या बातम्या
