विशेष प्रतिनिधी
नवी दिल्ली : आर्थिक गुन्ह्यांमध्ये फरार झालेला उद्योगपती विजय मल्ल्या, हिरे व्यापारी निरव मोदी आणि शस्त्रसल्लागार संजय भंडारी यांना भारतात परत आणण्यासाठी केंद्र सरकारकडून जोरदार हालचाली सुरू आहेत. या पार्श्वभूमीवर ब्रिटिश क्राउन प्रॉसिक्युशन सर्व्हिस (CPS) च्या अधिकाऱ्यांनी अलीकडेच दिल्लीतील तिहार तुरुंगाची पाहणी केली.
मिळालेल्या माहितीनुसार, चार सदस्यीय पथक १६ जुलै रोजी तिहार तुरुंगात दाखल झाले. यात ब्रिटिश हाय कमिशनचे दोन अधिकारीही सहभागी होते. या पथकाने तुरुंग क्रमांक ४ मधील उच्च सुरक्षा विभागांची तपासणी केली तसेच कैद्यांशी संवाद साधला. तुरुंग क्रमांक ४ मध्ये साधारणपणे पहिल्यांदाच कैद झालेले आरोपी ठेवले जातात. अधिकाऱ्यांनी अनेक तास तुरुंग परिसरात घालवत सुरक्षा व्यवस्था, स्वच्छता आणि कैद्यांची राहणीमानाची परिस्थिती यांचा सविस्तर आढावा घेतला.
ब्रिटिश न्यायालयांनी याआधी भारतातील तुरुंगस्थितीवर प्रश्न उपस्थित केले होते. त्यामुळेच ही पाहणी विशेष महत्त्वाची मानली जात आहे. भारताचे परराष्ट्र सचिव विक्रम मिस्री यांनी नुकतेच सांगितले की, भारत सरकार ब्रिटनशी घनिष्ठ संपर्कात राहून विजय मल्ल्या, निरव मोदी आणि ललित मोदी यांना परत आणण्यासाठी प्रयत्नशील आहे.
या पाहणीमुळे प्रत्यार्पण प्रक्रियेला वेग मिळेल का, हे आता ब्रिटिश न्यायालयाच्या पुढील निर्णयावर अवलंबून असेल. भारत सरकार मात्र सर्व अडथळे दूर करून या आर्थिक गुन्हेगारांना परत आणण्याच्या निर्धारावर ठाम आहे.
British officials inspect Tihar Jail; India’s efforts to extradite Mallya, Nirav Modi accelerate
महत्वाच्या बातम्या
- Laxman Hake : मराठा आरक्षण आंदोलनापुढे हतबल होऊन ओबीसींचे आरक्षण संपवले, लक्ष्मण हाके न्यायालयात दाद मागणार
- cabinet meeting : दिव्यांगांच्या अर्थसहाय्यात एक हजार रुपयांची वाढ, मेट्राेला गती : राज्य मंत्रिमंडळाच्या बैठकीत निर्णय
- Navnath Ban : राऊतांनी राहुल गांधींच्या अपयशी प्रयोगांचे कौतुक थांबवावे- नवनाथ बन
- Gunaratna Sadavarte : मुख्यमंत्री ब्राह्मण समाजाचे आहेत म्हणून त्यांना टार्गेट करू नका; सदावर्तेंचा इशारा
