विशेष प्रतिनिधी
अयोध्या : Ram Janmabhoomi राम मंदिरासाठी तब्बल ५०० वर्षे चाललेल्या संघर्षात बलिदान देणाऱ्या करसेवक आणि भक्तांच्या स्मरणार्थ भव्य स्मारक उभारण्याचा निर्णय श्रीराम जन्मभूमी तीर्थ क्षेत्र न्यासाने जाहीर केला आहे. यासोबतच, प्राणप्रतिष्ठेपूर्वी प्रभु श्रीराम आणि भगिनी-भावंडे ज्या ठिकाणी विराजमान होतील त्या स्थळी स्वतंत्र मंदिरही उभारले जाणार आहे.Ram Janmabhoomi
महंत नृत्यगोपाल दास यांच्या अध्यक्षतेखाली झालेल्या बैठकीत हा महत्त्वपूर्ण निर्णय घेण्यात आला. या बैठकीत प्राणप्रतिष्ठेच्या दुसऱ्या वर्धापनदिनानिमित्त आयोजित करण्यात येणाऱ्या ‘प्रतिष्ठा द्वादशी’ कार्यक्रमांसह अनेक मुद्द्यांवर चर्चा झाली.Ram Janmabhoomi
न्यासाने ‘एक्स’वर माहिती देत सांगितले,
“प्रभु श्रीरामलला जेथे पूर्वी भक्तांसाठी विराजमान होते, त्या स्थळी आता स्वतंत्र मंदिर उभे राहणार आहे. त्यालगत राम मंदिर आंदोलनातील हुतात्म्यांच्या स्मरणार्थ स्मारक उभारले जाईल.”
१९९० मध्ये राम मंदिर आंदोलनादरम्यान अयोध्येत मोठ्या प्रमाणावर करसेवकांवर गोळीबार झाला. तत्कालीन मुख्यमंत्री मुलायमसिंह यादव यांच्या आदेशावरून झालेल्या पोलीस कारवाईत २८ करसेवकांचा मृत्यू झाल्याचे शासनाने जाहीर केले. मात्र, हिंदू संघटनांच्या मते हा आकडा याहून अधिक होता.
३० ऑक्टोबर आणि २ नोव्हेंबर रोजी झालेल्या गोळीबारांत अनेक करसेवक हुतात्मा झाले.
बैठकीत ठरविल्यानुसार, प्रतिष्ठा द्वादशीचे कार्यक्रम अंगद टीला येथे आयोजित केले जातील. यात श्रीराम कथा, संगीत व सांस्कृतिक कार्यक्रमांचा समावेश असेल.
२७ डिसेंबर ते ३१ डिसेंबरदरम्यान मंदिरात मंडल पूजा तसेच श्रीरामचरितमानसाचा अखंड पारायण करण्यात येणार आहे.
याशिवाय सुप्रसिद्ध गायक अनूप जलोटा, सुरेश वाडकर आणि त्रिप्ती शाक्य यांची भक्ती संध्या, कथक नृत्यनाट्य, कवी संमेलन असे विविध कलात्मक कार्यक्रम आयोजित केले जातील.
राम मंदिराच्या बांधकामात योगदान दिलेल्या सुमारे ४०० कामगारांचा सन्मान हिंदू नववर्षदिनी, १९ मार्च रोजी करण्यात येणार आहे.
२५ नोव्हेंबर २०२५ रोजी पंतप्रधान नरेंद्र मोदी यांनी राम मंदिरावर ‘धर्म ध्वज’ फडकवून मंदिर पूर्णत्वाचा सोहळा मोठ्या थाटामाटात साजरा केला होता.
अयोध्येतील या नव्या निर्णयामुळे राम मंदिर आंदोलनातील बलिदान आणि इतिहास पुन्हा जनमानसात उजाळा मिळणार आहे.
Ram Janmabhoomi Trust Approves Grand Memorial for Karsevaks Who Laid Down Their Lives
महत्वाच्या बातम्या
- राज्य निवडणूक आयोगाच्या आयुक्तांना हटवण्यासाठी काँग्रेस आक्रमक, नाना पटोले मांडणार ठराव
- Padalkar–Awhad : पडळकर – आव्हाड राड्यात कार्यकर्त्यांना शिक्षा, समितीने केली कारवाईची शिफारस
- चऱ्होली येथे व्यावसायिकाच्या डोक्यात गोळ्या घालून ठार केल्याच्या गुन्ह्यात फरार माजी नगरसेवक किसन तापकीरवर मोक्का
- निवडणूक 20 दिवस पुढे ढकलून निकाल फिरवण्याचे काम, विजय वडेट्टीवार यांचा महायुतीवर आरोप
